ថ្មីៗនេះ មានសេចក្ដីរាយការណ៍ចេញពីខេត្តឧត្តរមានជ័យបានឲ្យដឹងថា នៅក្បែរច្រកទ្វាអន្តរជាតិ ជាំស្រងាំ ក្នុងទឹកដីកម្ពុជា មាន ជនជាតិថៃ ចូលមកដាក់ទីតាំងបាញ់កាំជ្រួចខ្នាតយក្ស អ្នកខ្លះហៅថា ( មីស៊ីល ) ដើម្បីភ្នាល់ចាក់លុយស៊ីសង គៀងគរមនុស្ស ឲ្យចូលលេងយ៉ាងគគ្រិកគគ្រេង ដែលគេបានឃើញថា ក្នុងមួយថ្ងៃៗ មានការបាញ់កាំជ្រួចចេញរាប់រយគ្រាប់ ធ្វើឲ្យប្រជាពលរដ្ឋ ខ្មែរ ដែលអាស្រ័យរស់នៅក្នុងស្រុកអន្លុងវែង នេះ រងទុក្ខកង្វល់យ៉ាងខ្លាំង ខណៈដែលអាជ្ញាធរខ្មែរមិនបង្ក្រាប ថែមទាំងអះអាងថាម្ចាស់ទីតាំងលេងល្បែងនេះ គេមានច្បាប់ផស់គេ ។ពលរដ្ឋដែលរស់នៅស្រុកអន្លុងវែង ក្បែរទៅនឹងទីតាំងភ្នាល់បាញ់កាំជ្រួចមីស៊ីលខាងលើនេះ លើកឡើងថា ពួកគាត់ពិតជាពិបាក រស់នៅខ្លាំងណាស់ តើហេតុអ្វីបានជាអាជ្ញាធរខ្មែរមិនស្រឡាញ់រាស្ត្រដូចអាជ្ញាធរថៃយ៉ាងអញ្ចឹង ព្រោះនៅប្រទេសថៃ រដ្ឋាភិបាលថៃគេហាមមិនឲ្យលេងល្បែងនេះទេ ព្រោះគេអាណិតរាស្ត្រ ដោយឡែកតែទឹកដីខ្មែរ អាជ្ញាធរខ្មែរបែរជាបើកឲ្យលេងល្បែងភ្នាល់ បាញ់កាំជ្រួចចាក់លុយស៊ីសងនេះ មិនអាណិតពីទុក្ខលំបាករាស្ត្រយ៉ាងនឹង ។ប្រជាពលរដ្ឋទាំងអស់នោះបានលើកឡើងថា រាល់ពេលបាញ់ម្ដងៗ លាន់ឮស្ទើរបែកក្រដាស់ត្រចៀក បង្កការផលប៉ះពាល់យ៉ាង ខ្លាំង ដល់ការរស់នៅរបស់ពួកគាត់ ព្រោះការបាញ់កាំជ្រួចចេញម្តងៗ គឺមានផ្សែង ដោយមិនខុសពីផ្សែងមីស៊ីលនោះទេ ហើយ ផ្សែងទាំងនេះ វាជាពរពួកសារៈធាតុគីមី ខណ:នៅពេលបាញ់ម្តងៗ បានធ្លាក់មកសាចបាច់ពេញដី ធ្វើប៉ះពាល់ដល់សុខភាពផ្លូវ ដង្ហើម មិនតែប៉ុណ្ណោះនៅពេលមានភ្លៀងធ្លាក់ គឺទឹកភ្លៀងនាំសារធារុទាំងនេះបង្កឲ្យសត្វ មាន់ ទា ស្លាប់ជាបន្តបន្ទាប់ទៀតផង ។បញ្ហាសុខភាពទាំងអស់នេះ ធ្វើឲ្យពលរដ្ឋព្រួយបារម្ភយ៉ាងខ្លាំង ប៉ុន្តែពួកគាត់មិនដឹងជាទៅពឹងអ្នកណាឲ្យជួយទុក្ខលំបាករបស់ ពួកគាត់បាន បើអស់លោកអាជ្ញាធរ គាត់លែងខ្វល់ពីការរស់នៅរបស់រាស្ត្រហើយនោះ ឲ្យតែពលរដ្ឋលើកឡើងករណីជនជាតិថៃយកកាំជ្រួតមកបាញ់នៅខ្មែរ គឺអស់លោកអាជ្ញាធរតែងតែសង្ងំឲ្យស្ងាត់សូន្យ តើឯណាទៅភាពកក់ក្តៅរបស់ថ្នាក់ដឹកនាំផ្តល់ឲ្យ រាស្ត្រនោះ ។ទោះជាយ៉ាងណាទុក្ខលំបាករបស់ពលរដ្ឋមួយនេះ គឺជាព័ត៌មានបឋមនៅឡើយទេ គេហទំព័រខ្លាប៉ុស្តិ៍ នឹងព្យាយាមយកព័ត៌មានច្បាស់ការណ៌បន្ថែមទៀត ផ្សាយជូនសង្គមជ្រាបនៅពេលខាងមុខ ៕
ព័ត៌មានគួរចាប់អារម្មណ៍
សម្ដេចមហាបវរធិបតីហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជាអញ្ជើញជាអធិបតីដ៏ខ្ពង់ខ្ពស់ក្នុងពិធីបិទសន្និបាតបូកសរុបលទ្ធផលការងារឆ្នាំ ២០២៣ និងលើកទិសដៅការងារឆ្នាំ ២០២៤របស់អាជ្ញាធរជាតិប្រយុទ្ធប្រឆាំងគ្រឿងញៀននិងផ្សព្វផ្សាយផែនការយុទ្ធនាការប្រយុទ្ធប្រឆាំងគ្រឿងញៀនខុសច្បាប់លើកទី៩ (រស្មីសៀមរាប)
តើយុត្តិធម៌មានសម្រាប់ប្រជាពលរដ្ឋទន់ខ្សោយ ស្លូតត្រង់ដែរឬទេ? ឬក៏មានសម្រាប់តែក្រុមបក្សពួកអ្នកមានអំណាចនិងមានលុយ? (រស្មីសៀមរាប)
ល្បែងស៊ីសងបញ្ចូលមាន់និងបៀរការ៉ាត់ជ្រកក្រោមស្លាកយីហោយៀក ថៃកំពុងបើកលេងយ៉ាងពេញបន្ទប់នៅក្នុងសង្កាត់ទន្លេបាសាក់មន្ត្រីមានសមត្ថកិច្ចក្នុងខណ្ឌចំការមន ហាក់សំងំស្ងៀមមិនមានការបង្ក្រាប ផ្គើននិងបទបញ្ជារបស់សម្ដេចតេជោហ៊ុន សែន សង្ស័យជាបានទទួលលាភសក្ការៈពីរដង្ខៅបនល្បែងស៊ីសងខុសច្បាប់នេះហើយមើលទៅ (ស្មីសៀមរាប 090567006)
ល្បែងស៊ីសងបញ្ចូល់មាន់និងបៀរការ៉ាត់ជ្រកក្រោមស្លាកយៀក ថៃ របស់ឈ្មោះ រតនា នៅសង្កាត់ទន្លេបាសាក់ខណ្ឌចំការមនបើកលេងយ៉ាងរលូន មន្រ្តីមានសមត្ថកិច្ចនៃអធិការដ្ឋាននគរបាលខណ្ឌចំការមនរក្សាភាពស្ងៀមស្ងាត់មិនធ្វើការបង្ក្រាប សង្ស័យជាត្រូវថ្នាំសណ្ដំហើយមើលទៅ! (ស្មីសៀមរាប 090567006)
វីដែអូ
ចំនួនអ្នកទស្សនា