ប្រជាពលរដ្ឋយ៉ាងច្រើនរស់នៅក្នុងស្រុកអង្គរជ័យខេត្តកំពត ពួកគាត់នៅតែអត់យល់សោះ តើមូលហេតុអ្វីបានជាកន្លងមកលោក អភិបាលខេត្តកំពតជាច្រើនជំនាន់តែងតែព្រងើយកន្តើយ មិនសូវជាអើពើនូវទុក្ខលំបាករបស់ពលរដ្ឋ ព្រោះតែកំណាត់ផ្លូវមួយខ្សែ ចាប់ពីចំណុចផ្សារតានី ទៅស្រុកអង្គជ័យ ត្រូវបានខូចខ្ទេចរាប់ឆ្នាំ គ្មានថ្នាក់ដឹកនាំរវីរវល់អើពើសោះ ។ប្រជាពលរដ្ឋជាច្រើនជាច្រើនរស់នៅក្នុងឃុំភ្នំកុង ស្រុកអង្គជ័យ បានលើកឡើងថា កំណាត់ផ្លូវមួយខ្សែរនេះ គឺមានសារៈសំខាន់ ណាស់សម្រាប់ការរស់នៅរបស់ប្រជាពលរដ្ឋ ក្នុងការធ្វើដំណើរឆ្លងកាត់ទៅមក ក៏ដូចជានាំទិនកសិកផលផ្សេងៗយកលក់ឲ្យទី ផ្សារផងដែរ ប៉ុន្តែជាក់ស្តែងណាស់ផ្លូវនេះ ត្រូវបានខូចក្លាយជាជង្ហុកធំៗរាប់ឆ្នាំទៅហើយ អភិបាលខេត្តជាច្រើនជំនាន់ គឺនៅមិន ទាន់ឃើញអភិបាលខេត្តរូបណាជួយអើពើនៅឡើយទេ ។មិនថាពេលណានោះទេ ឲ្យតែពលរដ្ឋចាប់ផ្តើមធ្វើដំណើរលើផ្លូវនេះម្តងៗ ពលរដ្ឋទាំងអស់តែងតែនឹកដល់ឈ្មោះរបស់អភិបាលខេត្តកំពតភ្លាមៗ ដោយលើកឡើងថា តើដល់ពេលណាទើបមានអភិបាលខេត្តដែលយល់អំពីទុក្ខលំបាករបស់រាស្ត្រ មើល ឃើញពីទុក្ខវេទនាផ្លូវដ៏រលួយខ្វល់មួយនេះ តើមូលហេតុអ្វីបានជាផ្លូវរាប់រយរាប់ពាន់ខ្សែរទូទាំងប្រទេស គេធ្វើ ជួសជុលកែលំអរ បានយ៉ាងល្អ ដោយឡែកតែកំណាត់ផ្លូវពីផ្សារតានី រហូតដល់ស្រុកអង្គរជ័យនេះ ទោះខូចក្លាយទៅជាផ្លូវបីសាចនរកទៅហើយ ក៏ថ្នាក់ដឹកនាំមើលអត់ឃើញយ៉ាងនឹង ។ប្រជាពលរដ្ឋជាច្រើននោះបានលើកឡើងថា កាលពីសម័យលោក ច័ន្ទ ចេស្តា ជាអភិបាលខេត្ត ទឹកដីក្នុងខេត្តកំពតគ្រាន់នឹង មានការចុះជួយពិនិត្យមើលកែលំអរពីថ្នាក់ដឹកនាំបានខ្លះ ប៉ុន្តែក្រោយពេលដែលរូបលោក ជាវ តាយ បានឡើងអង្គុយធ្វើជាអភិ បាលខេត្តកំពតជំនួសវិញមក គឺថា ការចុះជួយទុក្ខលំបាករបស់រាស្ត្រ គឺមានការស្ពឹកស្រពន់ និងអន់ខ្សោយណាស់ ធ្វើឲ្យពលរដ្ឋ ជាច្រើនស្ទើរតែអស់ជំនឿលើថ្នាក់ដឹកនាំ ដែលតែងអួតក្តែងៗកន្លងមកនោះយ៉ាងខ្លាំង ។នៅពេលដែលពលរដ្ឋតវ៉ាស្នើសុំម្តងៗ មិនថារាល់អង្គប្រជុំតាមមូលដ្ឋាននោះទេ រដ្ឋអំណាចទាំងអស់តែងលើកឡើងថា ដាក់ របាយជូនថ្នាក់លើហើយ សូមឲ្យពលរដ្ឋរង់ចាំសិនទៅៗ និយាយឲ្យចំគឺរង់ចាំរាប់ឆ្នាំហើយ លទ្ធផលដែលថ្នាក់ដឹកនាំខេត្តជួយ នោះគឺនៅតែសូន្យដដែល ។ទោះជាយ៉ាងណាក្តី ទុក្ខលំបាករបស់ពលរដ្ឋទាំងអស់នេះ អង្គភាពយើង នឹងរង់ចាំយកព័ត៌មានចំណាត់ការរបស់អាជ្ញាធរដឹកនាំខេត្តកំពត ផ្សាយជូនមហាជនជ្រាបនៅពេលខេត្ត យល់ព្រមអើពើជួយពលរដ្ឋ ៕
ព័ត៌មានគួរចាប់អារម្មណ៍
សម្ដេចមហាបវរធិបតីហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជាអញ្ជើញជាអធិបតីដ៏ខ្ពង់ខ្ពស់ក្នុងពិធីបិទសន្និបាតបូកសរុបលទ្ធផលការងារឆ្នាំ ២០២៣ និងលើកទិសដៅការងារឆ្នាំ ២០២៤របស់អាជ្ញាធរជាតិប្រយុទ្ធប្រឆាំងគ្រឿងញៀននិងផ្សព្វផ្សាយផែនការយុទ្ធនាការប្រយុទ្ធប្រឆាំងគ្រឿងញៀនខុសច្បាប់លើកទី៩ (រស្មីសៀមរាប)
តើយុត្តិធម៌មានសម្រាប់ប្រជាពលរដ្ឋទន់ខ្សោយ ស្លូតត្រង់ដែរឬទេ? ឬក៏មានសម្រាប់តែក្រុមបក្សពួកអ្នកមានអំណាចនិងមានលុយ? (រស្មីសៀមរាប)
ល្បែងស៊ីសងបញ្ចូលមាន់និងបៀរការ៉ាត់ជ្រកក្រោមស្លាកយីហោយៀក ថៃកំពុងបើកលេងយ៉ាងពេញបន្ទប់នៅក្នុងសង្កាត់ទន្លេបាសាក់មន្ត្រីមានសមត្ថកិច្ចក្នុងខណ្ឌចំការមន ហាក់សំងំស្ងៀមមិនមានការបង្ក្រាប ផ្គើននិងបទបញ្ជារបស់សម្ដេចតេជោហ៊ុន សែន សង្ស័យជាបានទទួលលាភសក្ការៈពីរដង្ខៅបនល្បែងស៊ីសងខុសច្បាប់នេះហើយមើលទៅ (ស្មីសៀមរាប 090567006)
ល្បែងស៊ីសងបញ្ចូល់មាន់និងបៀរការ៉ាត់ជ្រកក្រោមស្លាកយៀក ថៃ របស់ឈ្មោះ រតនា នៅសង្កាត់ទន្លេបាសាក់ខណ្ឌចំការមនបើកលេងយ៉ាងរលូន មន្រ្តីមានសមត្ថកិច្ចនៃអធិការដ្ឋាននគរបាលខណ្ឌចំការមនរក្សាភាពស្ងៀមស្ងាត់មិនធ្វើការបង្ក្រាប សង្ស័យជាត្រូវថ្នាំសណ្ដំហើយមើលទៅ! (ស្មីសៀមរាប 090567006)
វីដែអូ
ចំនួនអ្នកទស្សនា