នៅព្រឹកថ្ងៃព្រហស្បតិ៍ ៥កើត ខែអស្សុជ ឆ្នាំកុរ ឯកស័ក ពុទ្ធសករាជ ២៥៦៣ ត្រូវនឹងថ្ងៃទី០៣ ខែតុលា ឆ្នាំ២០១៩ នេះ ព្រះគ្រូ ហោ ម៉េងខេង ព្រះគ្រូសូត្រស្តាំ វត្តមង្គលវ័ន្ត ហៅវត្តកណ្តាល និងជា ឧត្តមទីប្រឹក្សាផ្ទាល់ សម្តេចព្រះអគ្គមហាសង្ឃរាជាធិបតី កត្តិទ្ទេសៈ ទេព វង្ស សម្តេចព្រះមហាសង្ឃរាជ នៃព្រះរាជាណាចក្រកម្ពុជា និងជាឧត្តមទីប្រឹក្សា សម្តេចព្រះមហាសមេធាធិបតី កិត្តិឧទេ្ទសៈ នន្ទ ង៉ែត សម្តេចព្រះសង្ឃនាយក នៃព្រះរាជាណាចក្រកម្ពុជា រួមជាមួយព្រះសង្ឃជាច្រើនអង្គ វត្តមង្គលវ័ន្តហៅវត្ត កណ្តាល ស្ថិតនៅក្នុងឃុំទឹកវិល ស្រុកស្អាង ខេត្តកណ្តាល បាននាំបច្ច័យជាថវិកាចំនួន ២៥០.០០០រៀល និងសម្ភារៈមួយចំនួន ផ្តល់ជូនដល់មន្ទីរពេទ្យគន្ធបុប្ផា ដើម្បីជាការចូលរួមចំណែកសម្រាប់ការជួយព្យាបាលដល់កូនខ្មែរ ជាច្រើនដែលតែងរងគ្រោះនិង ទីពឹងមន្ទីរពេទ្យនេះ ស្រោចស្រង់ជីវិតរបស់ពួកគាត់ ។នៅក្នុងឧិកាសនោះ ព្រះគ្រូ ហោ ម៉េងខេង បានមានសង្ឃដីកាថា ទោះបីជាថវិកា និងសម្ភារៈគ្រឿងឧបភោកដែលព្រះគ្រូផ្តល់ជូនដល់មន្ទីរពេទ្យមានចំនួនតិចតួចស្តួចស្តើងក្តី ប៉ុន្តែនេះ គឺជាសទ្ធាមួយដែលព្រះអង្គ ក៏ដូចជាព្រះសង្ឃជាច្រើនអង្គ មានចំពោះមន្ទីរពេទ្យគន្ធបុប្ផា ក៏ព្រោះតែព្រះអង្គយល់ឃើញថា មន្ទីរពេទ្យនេះ គឺជាស្រែបុណ្យមួយ ដែលស្រោចស្រង់ជីវិតកុមារឲ្យរួចផុតពីការ ស្លាប់ ជាពិសេសនោះគឺកុមារក្រីក្រតែម្តង មន្ទីរពេទ្យពុំបានយកកម្រៃឈ្នួលពីក្រុមគ្រួសារអ្នកជម្ងឺ មិនតែប៉ុណ្ណោះគ្រូពេទ្យដែលប្រ ចាំការនៅក្នុងមន្ទីរពេទ្យ ភាគច្រើនគឺជាអ្នកស្ម័គ្រជួយថែរក្សាគាំពារអ្នកជម្ងឺ ដោយមិនគិតពីការនឿយហត់ទៀតផង ។ព្រះគ្រូ ហោ ម៉េងខេង ក៏សូមសំណូមពរដល់ បងប្អូនទាំងអស់ មិនថាថ្នាក់ដឹកនាំ មន្ត្រីរាជការ ឬក៏ពលរដ្ឋអ្នកដែលមានលទ្ធភាពសូមមេត្តាជួយចូលរួមជួយដល់មន្ទីរពេទ្យដែលកំពុងខ្វះខាតមួយនេះផង ព្រោះជារៀងរាល់ថ្ងៃ កុមារដែលត្រូវការឲ្យមន្ទីរពេទ្យមួយនេះជួយ គឺមានច្រើនណាស់ ហើយបច្ចុប្បន្នមន្ទីរពេទ្យមួយនេះ ក៏កំពុងខ្វះខាតផងដែរ ៕
ព័ត៌មានគួរចាប់អារម្មណ៍
សម្ដេចមហាបវរធិបតីហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជាអញ្ជើញជាអធិបតីដ៏ខ្ពង់ខ្ពស់ក្នុងពិធីបិទសន្និបាតបូកសរុបលទ្ធផលការងារឆ្នាំ ២០២៣ និងលើកទិសដៅការងារឆ្នាំ ២០២៤របស់អាជ្ញាធរជាតិប្រយុទ្ធប្រឆាំងគ្រឿងញៀននិងផ្សព្វផ្សាយផែនការយុទ្ធនាការប្រយុទ្ធប្រឆាំងគ្រឿងញៀនខុសច្បាប់លើកទី៩ (រស្មីសៀមរាប)
តើយុត្តិធម៌មានសម្រាប់ប្រជាពលរដ្ឋទន់ខ្សោយ ស្លូតត្រង់ដែរឬទេ? ឬក៏មានសម្រាប់តែក្រុមបក្សពួកអ្នកមានអំណាចនិងមានលុយ? (រស្មីសៀមរាប)
ល្បែងស៊ីសងបញ្ចូលមាន់និងបៀរការ៉ាត់ជ្រកក្រោមស្លាកយីហោយៀក ថៃកំពុងបើកលេងយ៉ាងពេញបន្ទប់នៅក្នុងសង្កាត់ទន្លេបាសាក់មន្ត្រីមានសមត្ថកិច្ចក្នុងខណ្ឌចំការមន ហាក់សំងំស្ងៀមមិនមានការបង្ក្រាប ផ្គើននិងបទបញ្ជារបស់សម្ដេចតេជោហ៊ុន សែន សង្ស័យជាបានទទួលលាភសក្ការៈពីរដង្ខៅបនល្បែងស៊ីសងខុសច្បាប់នេះហើយមើលទៅ (ស្មីសៀមរាប 090567006)
ល្បែងស៊ីសងបញ្ចូល់មាន់និងបៀរការ៉ាត់ជ្រកក្រោមស្លាកយៀក ថៃ របស់ឈ្មោះ រតនា នៅសង្កាត់ទន្លេបាសាក់ខណ្ឌចំការមនបើកលេងយ៉ាងរលូន មន្រ្តីមានសមត្ថកិច្ចនៃអធិការដ្ឋាននគរបាលខណ្ឌចំការមនរក្សាភាពស្ងៀមស្ងាត់មិនធ្វើការបង្ក្រាប សង្ស័យជាត្រូវថ្នាំសណ្ដំហើយមើលទៅ! (ស្មីសៀមរាប 090567006)
វីដែអូ
ចំនួនអ្នកទស្សនា