គួររំលឹកថា កន្លងមកគេឃើញលោកនាយករដ្ឋមន្ត្រី ហ៊ុន សែន បានស្រែកក្តែងៗថា អាជ្ញាធរដែនដី ប្រសិនបើមិនអាចហាមឃាត់ក្រុមឈ្មួញធ្វើសកម្មភាពល្មើសបាននោះ អាជ្ញាធរដែនដីនោះត្រូវចាកចេញពីតួនាទី នឹងប្រគល់កៅអីដែលខ្លួនអង្គុយ នោះឲ្យទៅឈ្មួញជំនួសវិញទៅ ព្រោះបើខ្លួនអសមត្ថភាពហើយនោះ ហើយជាក់ស្តែងណាស់ សម្រាប់ទឹកដីស្រុកសំរោងខេត្តតាកែវ គេបានឃើញលោកមេឃុំបឹងត្រាញ់ខាងត្បូង បានចេញលិខិតព្រមាន ជាលើកទី៣ និងតម្រូវឲ្យក្រុមហ៊ុនប្រកបអាជីវកម្មដឹកខ្សាច់ នៅក្នុងឃុំបឹងត្រាញ់ខាងត្បូង ធ្វើកិច្ចសន្យា និងជួសជុលផ្លូវឡើងវិញ ប៉ុន្តែការព្រមាននេះ ប្រជាពលរដ្ឋ នៅក្នុងមូលដ្ឋាន គឺមិនសង្ឃឹមថា មានលទ្ធផលនោះឡើយ ព្រោះពួកគាត់បានឃើញ អាជ្ញាធរធ្វើការព្រមានលើក្រុមហ៊ុនរថ យន្តដឹកដីទាំងនោះឡើងសាំទៅហើយ ។សូមបញ្ជាក់ថា នៅថ្ងៃទី០៨ ខែតុលា ឆ្នាំ២០១៩ ម្សិលមិញនេះ លោក ឈន សឿន មេឃុំបឹងត្រាញ់ខាងត្បូង បានកោះ ហៅក្រុមហ៊ុនចំនួន៣ ដែលប្រកបអាជីវកម្មដឹកខ្សាច់ ទី១ ក្រុមហ៊ុន ណូ ប៊ុនធឿន ទី២ ក្រុមហ៊ុន ទូ ចន្ថន និងទី៣ ក្រុម ហ៊ុន ឡុញ សុខឿន ដែលមានមូលដ្ឋានក្នុងឃុំមកធ្វើកិច្ចសន្យា និងបានណែនាំនីតិវិធី ដើម្បីជៀសវាងមានផលប៉ះពាល់ដល់ពលរដ្ឋនៅមូលដ្ឋាន ។ក្នុងកិច្ចសន្យាបានសរសេរបញ្ជាក់ថា ១- ការដឹកខ្សាច់មិនឲ្យលើសចំនួនកំណត់ នឹងដាក់ត្រឹមទ្រុងឡានកំណើត និង២- ក្នុងករណីដែលបានបំពាន ដឹកលើសចំនួនកំណត់ និងត្រួវផ្អាកជាបណ្ដោះ អាសន្នសិន ។ បន្ទាប់ពីទទួលបានការណែនាំហើយ តំណាងក្រុមហ៊ុនទាំង៣ បានធ្វើកិច្ចសន្យាថា នឹងដឹកមិនឲ្យលើសកំណត់ នៃតទ្រុងឡានដើមឲ្យ លើសពីធាតុដើមឡើយ និងទាំងព្រមគ្រប ស្រោចទឹក ថែទាំផ្លូវជាប្រចាំថ្ងៃផងដែរ ។ហើយបើយោងតាមការបញ្ជាក់ពីលោក ឈន សឿន មេឃុំបឹងត្រាញ់ខាងត្បូង បានប្រាប់ថា ប្រសិនបើក្រុមហ៊ុនទាំង៣ ដែលបានចុះកិច្ចសន្យាជាមួយអាជ្ញាធរហើយ នៅតែមិនគោរពតាមកិច្ចសន្យានោះ យើងនឹងធ្វើរបាយការណ៍ជូន លោកអភិបាលស្រុក និង ឯកឧត្តមអភិបាលខេត្ត ដកហូតអាជ្ញាប័ណ្ណ និងចាត់ការទៅតាមនីតិវិធីច្បាប់ ។ទោះជាយ៉ាងណាក្តី ប្រជាពលរដ្ឋរស់នៅក្នុងស្រុកសំរោង បានលើកឡើងថា បច្ចុប្បន្នមូលដ្ឋានរបស់ពួកគាត់ គឺត្រូវបានខូចខាតផ្លូវខ្លាំងពេកហើយ ព្រោះតែក្រុមរថយន្តដឹកដីទាំងអស់នោះដឹកលើសកំណត់ ករណីល្មមដល់ពេលដែលអាជ្ញាធររដ្ឋអំណាចអើពើខ្លះហើយ ព្រោះកំណាត់ផ្លូវ គឺជាសមិទ្ធិផលដែលបានឡើងមកពីថវិកាជាតិ ជាពិសេសនោះកំណាត់ផ្លូវទាំងអស់នោះ វាជាកាតព្វកិច្ចអាជ្ញាធររដ្ឋអំណាចជាអ្នកថែរក្សាផងដែរ ៕
ព័ត៌មានគួរចាប់អារម្មណ៍
សម្ដេចមហាបវរធិបតីហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជាអញ្ជើញជាអធិបតីដ៏ខ្ពង់ខ្ពស់ក្នុងពិធីបិទសន្និបាតបូកសរុបលទ្ធផលការងារឆ្នាំ ២០២៣ និងលើកទិសដៅការងារឆ្នាំ ២០២៤របស់អាជ្ញាធរជាតិប្រយុទ្ធប្រឆាំងគ្រឿងញៀននិងផ្សព្វផ្សាយផែនការយុទ្ធនាការប្រយុទ្ធប្រឆាំងគ្រឿងញៀនខុសច្បាប់លើកទី៩ (រស្មីសៀមរាប)
តើយុត្តិធម៌មានសម្រាប់ប្រជាពលរដ្ឋទន់ខ្សោយ ស្លូតត្រង់ដែរឬទេ? ឬក៏មានសម្រាប់តែក្រុមបក្សពួកអ្នកមានអំណាចនិងមានលុយ? (រស្មីសៀមរាប)
ល្បែងស៊ីសងបញ្ចូលមាន់និងបៀរការ៉ាត់ជ្រកក្រោមស្លាកយីហោយៀក ថៃកំពុងបើកលេងយ៉ាងពេញបន្ទប់នៅក្នុងសង្កាត់ទន្លេបាសាក់មន្ត្រីមានសមត្ថកិច្ចក្នុងខណ្ឌចំការមន ហាក់សំងំស្ងៀមមិនមានការបង្ក្រាប ផ្គើននិងបទបញ្ជារបស់សម្ដេចតេជោហ៊ុន សែន សង្ស័យជាបានទទួលលាភសក្ការៈពីរដង្ខៅបនល្បែងស៊ីសងខុសច្បាប់នេះហើយមើលទៅ (ស្មីសៀមរាប 090567006)
ល្បែងស៊ីសងបញ្ចូល់មាន់និងបៀរការ៉ាត់ជ្រកក្រោមស្លាកយៀក ថៃ របស់ឈ្មោះ រតនា នៅសង្កាត់ទន្លេបាសាក់ខណ្ឌចំការមនបើកលេងយ៉ាងរលូន មន្រ្តីមានសមត្ថកិច្ចនៃអធិការដ្ឋាននគរបាលខណ្ឌចំការមនរក្សាភាពស្ងៀមស្ងាត់មិនធ្វើការបង្ក្រាប សង្ស័យជាត្រូវថ្នាំសណ្ដំហើយមើលទៅ! (ស្មីសៀមរាប 090567006)
វីដែអូ
ចំនួនអ្នកទស្សនា