អុញនោះ កាន់តែល្បីថា ស៊ី ផុយៗតែម្តង លោក វុធ តារា អភិបាលរងស្រុកជាំក្សាន្ត ដោយសារអាងខ្លួនជាប្រធានច្រកផ្សារតំបន់ អានសេះ បែរជាបើកឲ្យមាន់ថៃហូរចូលមកទឹកដីខ្មែរគគ្រឹកគគ្រេង ហើយខ្លួនបានក្លាយជាអ្នកដែលកំពុងត្រូវប៉ាន់ គ្រាន់តែអង្គុយ ចាំរាប់តែរទេះ ដែលក្រុមអាជីវករដឹកមាន់ចេញតាមច្រកផ្សារតំបន់អានសេះ បង់លុយឲ្យខ្លួនក្នុង១រទេះ ៣០.០០០រៀល ។ប្រភពពីអាជីវករបានឲ្យដឹងថា លោក វុធ តារា តម្រូវឲ្យអាជីវករបង់លុយចំនួន៣០.០០០រៀល ក្នុងមួយរទេះ គឺជាថ្នូរនឹងការអនុ ញ្ញាតឲ្យនាំសត្វមាន់ថៃ ទាំងនោះមកលក់នៅក្នុងប្រទេសកម្ពុជានោះ តែបើមិនគោរពតាមគោលការណ៌នេះទេ អាជីវករទាំងអស់មិនអាចធ្វើសកម្មភាពបាននោះឡើយ ។ការកំណត់ឲ្យបង់លុយក្នុងមួយរទេះ ៣០.០០០រៀលនេះ គឺមិនបានរួចរាល់នោះទេ ក្រុមអាជីករក៏ចាំបាច់បង់លុយឲ្យទៅខាងមន្ត្រីគយក្នុងមួយរទេះ៣០.០០០រៀលទៀត ដែលជាហេតុផលធ្វើឲ្យក្រុមអាជីវករស្ទើរតែទឹកភ្នែករាល់ថ្ងៃ ព្រោះតែលោកមន្ត្រី ស៊ីប្រាក់ខែរដ្ឋ ហើយបែរជាប្រើរូបភាពគៀបក្តាមយកឈាម ធ្វើមានធ្វើបានសម្រាប់ខ្លួនឯងយ៉ាងនឹង ។ប្រភពពីអាជីវករបានបន្តថា ពួកគាត់បានណាស់សុំឲ្យលោក វុធ តារា និងខាងមន្ត្រីគយនៅតំបន់អានសេះនេះ ចេញច្បាប់អាជីវ កម្មឲ្យពួកគាត់ ដើម្បីងាយស្រួលដល់ពួកគាត់គ្រាន់បានប្រកបការ រកស៊ីចិញ្ចឹមជីវិត បើតម្រូវឲ្យពួកគាត់បង់ពន្ធលុយអាជីវកម្មចំណូលចូលរដ្ឋពួកគាត់ក៏ព្រម ប៉ុន្តែផ្ទុយទៅវិញ លោក វុធ តារា មិនព្រមធ្វើច្បាប់អាជីវកម្មអ្វីឲ្យពួកគាត់នោះទេ ដោយទុក្ខពលរដ្ឋក្រុមអាជីវករវេទនាបែបនេះ គ្រាន់ស៊ីខ្ទុះឈាមរាស្ត្រធ្វើមានធ្វើបានសម្រាប់ខ្លួន ។ពាក់ព័ន្ធទៅនឹងការត្អូញត្អែរបង្ហាញពីការរងទុក្ខរបស់ពលរដ្ឋអាជីវករនេះ ក្រុមសម្ព័ន្ធមិត្តព័ត៌មានអនឡាញ បានព្យាយាមសុំការបំភ្លឺពីលោក វុធ តារា អភិបាលរងស្រុកជាំក្សាន្ត និងជាប្រធានច្រកតំបន់អានសេះនេះផងដែរ កាលពីព្រឹកថ្ងៃសៅរិ៍ ១៦ វិច្ឆិកា ២០១៩ នេះ ហើយគ្រាន់តែរូបលោកបានដឹងថាជាអ្នកព័ត៌មាន រូបលោកឆ្លើយថា រូបលោករវល់ ហើយក៏បិទទូរស័ព្ទតែម្តង ។ទោះជាយ៉ាងណា អង្គភាពយើង និងរង់ចាំមើលអំពីចំណាត់ការរបស់អាជ្ញាធរថ្នាក់ខេត្តព្រះវិហារ មានចំណាត់ការយ៉ាងណា ចំពោះការបែកធ្លាយការរងទុក្ខរបស់ពលរដ្ឋនេះ ផ្សាយជូនមហាជនជ្រាបនៅពេលខាងមុខ ៕
ព័ត៌មានគួរចាប់អារម្មណ៍
សម្ដេចមហាបវរធិបតីហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជាអញ្ជើញជាអធិបតីដ៏ខ្ពង់ខ្ពស់ក្នុងពិធីបិទសន្និបាតបូកសរុបលទ្ធផលការងារឆ្នាំ ២០២៣ និងលើកទិសដៅការងារឆ្នាំ ២០២៤របស់អាជ្ញាធរជាតិប្រយុទ្ធប្រឆាំងគ្រឿងញៀននិងផ្សព្វផ្សាយផែនការយុទ្ធនាការប្រយុទ្ធប្រឆាំងគ្រឿងញៀនខុសច្បាប់លើកទី៩ (រស្មីសៀមរាប)
តើយុត្តិធម៌មានសម្រាប់ប្រជាពលរដ្ឋទន់ខ្សោយ ស្លូតត្រង់ដែរឬទេ? ឬក៏មានសម្រាប់តែក្រុមបក្សពួកអ្នកមានអំណាចនិងមានលុយ? (រស្មីសៀមរាប)
ល្បែងស៊ីសងបញ្ចូលមាន់និងបៀរការ៉ាត់ជ្រកក្រោមស្លាកយីហោយៀក ថៃកំពុងបើកលេងយ៉ាងពេញបន្ទប់នៅក្នុងសង្កាត់ទន្លេបាសាក់មន្ត្រីមានសមត្ថកិច្ចក្នុងខណ្ឌចំការមន ហាក់សំងំស្ងៀមមិនមានការបង្ក្រាប ផ្គើននិងបទបញ្ជារបស់សម្ដេចតេជោហ៊ុន សែន សង្ស័យជាបានទទួលលាភសក្ការៈពីរដង្ខៅបនល្បែងស៊ីសងខុសច្បាប់នេះហើយមើលទៅ (ស្មីសៀមរាប 090567006)
ល្បែងស៊ីសងបញ្ចូល់មាន់និងបៀរការ៉ាត់ជ្រកក្រោមស្លាកយៀក ថៃ របស់ឈ្មោះ រតនា នៅសង្កាត់ទន្លេបាសាក់ខណ្ឌចំការមនបើកលេងយ៉ាងរលូន មន្រ្តីមានសមត្ថកិច្ចនៃអធិការដ្ឋាននគរបាលខណ្ឌចំការមនរក្សាភាពស្ងៀមស្ងាត់មិនធ្វើការបង្ក្រាប សង្ស័យជាត្រូវថ្នាំសណ្ដំហើយមើលទៅ! (ស្មីសៀមរាប 090567006)
វីដែអូ
ចំនួនអ្នកទស្សនា