នៅថ្ងៃអង្គារិ៍ ៩ កើត ខែកក្តឹក ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី ០៥ ខែវិច្ឆិកា ឆ្នាំ ២០១៩ ម្សិលមិញនេះ ព្រះគ្រូ ហោ ម៉េងខេង ឧត្តមទីប្រឹក្សាផ្ទាល់សម្តេចព្រះអគ្គមហាសង្ឃរាជាធិបតី កិត្តិឧទេ្ទសៈ បណ្ឌិត ទេព វង់ សម្តេចព្រះមហាសង្ឃរាជ នៃ ព្រះរាជាណាចក្រកម្ពុជា និងជាទីប្រឹក្សាផ្ទាល់សម្តេចព្រះមហាសុមេធាធិបតី នន្ទ ង៉ែត សម្តេចព្រះសង្ឃនាយក នៃព្រះរាជាណាចក្រកម្ពុជា និងជាព្រោះចៅអធិការវត្តមង្គលវ័ន ហៅវត្តកណ្តាល ស្ថិតនៅក្នុងភូមិកណ្តាល ឃុំទឹកវិល ស្រុកស្អាង ខេត្តកណ្តាលព្រះអង្គបានផ្តល់ធម្មទាន មានត្រៃ ឆ័ត្រ បាត និងបច្ច័យមួយចំនួន ជូនទីដល់ឧបាសិការ ពិន យ៉ឹប សម្រាប់ដង្ហែអង្គកឋិនទានចូលទៅកាន់វត្តពោធិ៍ម្រាល ដែលស្ថិតនៅភូមិម្រាលធំ ឃុំពោធិ៍ម្រាល ស្រុកបរសេដ្ឋ ខេត្តកំពង់ស្ពឺ សម្រាប់ប្រគេនព្រះសង្ឃដែលគង់ចាំព្រះវស្សាអស់កាលមួយត្រីមាស ចំនួន៣ ខែ ។ក្រោពីព្រះគ្រូហោ ម៉េងខេង ព្រះអង្គបានផ្តល់ធម្មទាន ជូនដល់ឧបសិការ ពិន យ៉ឹប រួចមក ព្រះអង្គក៏បានចូលរួមជួយពិធីបុណ្យខួបមួយរយថ្ងៃ របស់លោកយាយ យឹម យួន ដែលបានទទួលមរណៈទុក្ខកន្លងមកក្នុងព្រះជន្ម៩៤ឆ្នាំ ព្រមទាំងបានឧបត្ថម្ភបានមីចំនួន២កេះ ទឹកក្រូចចំនួន២កេះ អង្ករ៥០គីឡូក្រាម និងថវិកា ចំនួន២០ ម៉ឺនរៀល ក្នុងស្រុកបារាយ ខេត្តកំពង់ធំ។ ការឧបត្ថម្ភ នេះផងដែរ គឺព្រះគ្រូបានផ្ញើតាមរយៈសាច់ញាតិរបស់សព្វលោកយាយ យឹម យួន ផ្ទាល់តែម្តង ព្រោះតែព្រះគ្រូមានការមមាញឹក នៅក្នុងវត្ត មិនអាចនិមន្តទៅដោយផ្ទាល់បាន ។ព្រះគ្រូ ហោ ម៉េងខេង បានមានសង្ឃដីកាថា ព្រះគ្រូផ្ទាល់ មិនមែនជាបុគ្គលមានទ្រព្យសម្បត្តិអ្វីនោះទេ រាល់ការបរិច្ចាកជាទានដែលព្រះគ្រូជួយដល់បណ្តាវត្ត ក៏ដូចជាជួយដល់ជនក្រីក្រកន្លងមក ព្រមទាំងជួយឧបត្ថម្ភនៅក្នុងពេលនេះ គឺជាទានមួយដែលញាតិញោមពុទ្ធបរិស័ទជិតឆ្ងាយ ប្រគេនដល់ព្រះអង្គសម្រាប់ប្រើជាប្រយោជន៌ព្រះអង្គផ្ទាល់ ប៉ុន្តែដោយឃើញនៅតាមបណ្តាវត្តមួយចំនួន ព្រមទាំងមានញាតិញោមមួយចំនួន នៅមានការខ្វះខាតផងដែរនោះ ទានដែលព្រះគ្រូទទួលបានកន្លងមកនោះ ត្រូវបានព្រះគ្រូរក្សាទុកយ៉ាងល្អ ដើម្បីផ្តល់ទៅដល់បណ្តាវត្តមួយចំនួនទៀត ដែលកំពុងខ្វះខាតបានជាប្រយោជន៌នៅក្នុងសាសនាតៗគ្នា តែម្តងទៅ ។ព្រះគ្រូបានមានសង្ឃដីកាថា ទោះជាយ៉ាងណា ទាន ដែលកើតចេញពីសទ្ធាចិត្តដែលជ្រះថ្លា គឺជាក្តីសុខមួយដែលមនុស្សយើងគួរបន្តមានចំពោះគ្នានិងគ្នា ពីព្រោះថា បុគ្គលគ្រប់រូបកើតមក គឺមានពេលវេលាអាយុកាលត្រឹមត្រូវ ដល់ពេលវេលា ជាក់ស្តែង ណាស់មនុស្សប្រាកដជានឹងត្រូវស្លាប់ ហើយក៏មិនមានអ្វីអាចនឹងយកទៅតាមបាននោះដែរ ដោយឡែកតែទង្វើល្អនេះហើយ គឺជាក្តីសុខមួយ ដែលមនុស្សគ្រប់រូបត្រូវចងចាំថា រស់សូមឲ្យមានន័យ និងមានក្តីសុខ ដែលកើតចេញពីទង្វើល្អទាំងអស់នេះ៕
ព័ត៌មានគួរចាប់អារម្មណ៍
សម្ដេចមហាបវរធិបតីហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជាអញ្ជើញជាអធិបតីដ៏ខ្ពង់ខ្ពស់ក្នុងពិធីបិទសន្និបាតបូកសរុបលទ្ធផលការងារឆ្នាំ ២០២៣ និងលើកទិសដៅការងារឆ្នាំ ២០២៤របស់អាជ្ញាធរជាតិប្រយុទ្ធប្រឆាំងគ្រឿងញៀននិងផ្សព្វផ្សាយផែនការយុទ្ធនាការប្រយុទ្ធប្រឆាំងគ្រឿងញៀនខុសច្បាប់លើកទី៩ (រស្មីសៀមរាប)
តើយុត្តិធម៌មានសម្រាប់ប្រជាពលរដ្ឋទន់ខ្សោយ ស្លូតត្រង់ដែរឬទេ? ឬក៏មានសម្រាប់តែក្រុមបក្សពួកអ្នកមានអំណាចនិងមានលុយ? (រស្មីសៀមរាប)
ល្បែងស៊ីសងបញ្ចូលមាន់និងបៀរការ៉ាត់ជ្រកក្រោមស្លាកយីហោយៀក ថៃកំពុងបើកលេងយ៉ាងពេញបន្ទប់នៅក្នុងសង្កាត់ទន្លេបាសាក់មន្ត្រីមានសមត្ថកិច្ចក្នុងខណ្ឌចំការមន ហាក់សំងំស្ងៀមមិនមានការបង្ក្រាប ផ្គើននិងបទបញ្ជារបស់សម្ដេចតេជោហ៊ុន សែន សង្ស័យជាបានទទួលលាភសក្ការៈពីរដង្ខៅបនល្បែងស៊ីសងខុសច្បាប់នេះហើយមើលទៅ (ស្មីសៀមរាប 090567006)
ល្បែងស៊ីសងបញ្ចូល់មាន់និងបៀរការ៉ាត់ជ្រកក្រោមស្លាកយៀក ថៃ របស់ឈ្មោះ រតនា នៅសង្កាត់ទន្លេបាសាក់ខណ្ឌចំការមនបើកលេងយ៉ាងរលូន មន្រ្តីមានសមត្ថកិច្ចនៃអធិការដ្ឋាននគរបាលខណ្ឌចំការមនរក្សាភាពស្ងៀមស្ងាត់មិនធ្វើការបង្ក្រាប សង្ស័យជាត្រូវថ្នាំសណ្ដំហើយមើលទៅ! (ស្មីសៀមរាប 090567006)
វីដែអូ
ចំនួនអ្នកទស្សនា