ថ្មីៗនេះ ទូកងរដ៏ស្រស់ស្អាតមួយត្រូវបានលេចរូបរាងបង្អួតខ្លួនឡើងនៅក្នុងវត្តមង្គលវ័ន្ត ហៅវត្តកណ្តាល ដែលគេដឹងថា តម្លៃទូកងរនេះ គឺមានដល់ទៅ ១៥.៥០០ ដុល្លា ដែលត្រូវតម្កល់ទុកនៅក្នុងវត្តត្រៀមប្រកួតប្រណាំង ក្នុងពិធីបុណ្យអ៊ុំទុក ដែលជាពិធី បុណ្យប្រពៃណីមួយតាំងពីបូរុមបូរាណមក ។ព្រះគ្រូ ហោ ម៉េងខេង ព្រះចៅអធិការស្តីទី វត្តមង្គលវ័ន ហៅវត្តកណ្តាល ស្ថិតនៅក្នុងភូមិកណ្តាល ឃុំទឹកវិល ស្រុកស្អាង ខេត្តកណ្តាល និងជាឧត្តមទីប្រឹក្សាផ្ទាល់ សម្តេចព្រះអគ្គមហាសង្ឃរាជាធិបតី កិត្តិឧទ្ទេសៈ បណ្ឌិត ទេព វង្ស សម្តេចព្រះមហាសង្ឃរាជ នៃព្រះរាជាណាចក្រកម្ពុជា និងជាទីប្រឹក្សាសម្តេចព្រះមហាសុមេធាធិបតី នន្ទ ង៉ែត សម្តេចព្រះសង្ឃនាយក នៃព្រះរាជាណាចក្រកម្ពុជា បានមានសង្ឃដីកាថា ទូកងរ ដ៏ថ្មីស្រឡាង និងស្រស់ស្អាតមួយនេះ គឺពុំបានការជួយពីឯកឧត្តម លោកជំទាវ លោកឧកញ៉ា ណាមួយនោះទេ ទូកងរមួយនេះ គឺបានមកពីញើសឈាមផ្ទាល់របស់ញាតិញោមពុទ្ធបរិស័ទ ដែលបានចូលរួម តាមសទ្ធារបស់លោក រហូតជាវបាននូវទូកងរ ដ៏ស្រស់ស្អាតមួយនេះ ។ព្រះគ្រូបានមានសង្ឃដីកាបន្តថា ជាក់ស្តែង ទូកងរមួយនេះ គឺនៅមិនទាន់បានសងគេអស់នៅឡើយទេ ក្នុងតម្លៃទូក១៥.៥០០ ដុល្លានេះ គឺវត្តនៅជាប់ជំពាក់គេចំនួន ៦.០០០ដុល្លាទៀត ហើយការខ្វះខាតមួយនេះ វត្តក៏កំពុងស្នើសុំបងប្អូនញាតិញោមពុទ្ធបរិស័ទជិតឆ្ងាយទាំងអស់ អ្នកដែលមានសទ្ធាក្នុងព្រះពុទ្ធសាសនា សូមមេត្តាចូលរួមជួយការខ្វះខាតមួយនេះតាមសទ្ធាផង ។ទោះជាយ៉ាងណា ព្រះគ្រូ ក៏សូមថ្លែងអំណរគរគុណយ៉ាងជ្រាលជ្រៅ ចំពោះញាតិញោមសប្បុរសជនកន្លងមកដែលបានរួមគ្នាជួយចូលរួមបរិច្ចាកបច្ច័យតាមសទ្ធាខ្លួន រហូតបានជាវយកទូកងរដ៏ស្រស់ស្អាតមកដំកល់នៅក្នុងវត្តមួយនេះ ព្រះអង្គសូមបួងសួងសូមឲ្យវត្ថុសក្តិសិទ្ធ សូមជួយបីបាច់ថែរក្សាញាតិញោមទាំងអស់ សូមទទួលបានតែសេចក្តីសុខ និងសេចក្តីចំរើនជារៀងរហូតទៅ ៕
ព័ត៌មានគួរចាប់អារម្មណ៍
សម្ដេចមហាបវរធិបតីហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជាអញ្ជើញជាអធិបតីដ៏ខ្ពង់ខ្ពស់ក្នុងពិធីបិទសន្និបាតបូកសរុបលទ្ធផលការងារឆ្នាំ ២០២៣ និងលើកទិសដៅការងារឆ្នាំ ២០២៤របស់អាជ្ញាធរជាតិប្រយុទ្ធប្រឆាំងគ្រឿងញៀននិងផ្សព្វផ្សាយផែនការយុទ្ធនាការប្រយុទ្ធប្រឆាំងគ្រឿងញៀនខុសច្បាប់លើកទី៩ (រស្មីសៀមរាប)
តើយុត្តិធម៌មានសម្រាប់ប្រជាពលរដ្ឋទន់ខ្សោយ ស្លូតត្រង់ដែរឬទេ? ឬក៏មានសម្រាប់តែក្រុមបក្សពួកអ្នកមានអំណាចនិងមានលុយ? (រស្មីសៀមរាប)
ល្បែងស៊ីសងបញ្ចូលមាន់និងបៀរការ៉ាត់ជ្រកក្រោមស្លាកយីហោយៀក ថៃកំពុងបើកលេងយ៉ាងពេញបន្ទប់នៅក្នុងសង្កាត់ទន្លេបាសាក់មន្ត្រីមានសមត្ថកិច្ចក្នុងខណ្ឌចំការមន ហាក់សំងំស្ងៀមមិនមានការបង្ក្រាប ផ្គើននិងបទបញ្ជារបស់សម្ដេចតេជោហ៊ុន សែន សង្ស័យជាបានទទួលលាភសក្ការៈពីរដង្ខៅបនល្បែងស៊ីសងខុសច្បាប់នេះហើយមើលទៅ (ស្មីសៀមរាប 090567006)
ល្បែងស៊ីសងបញ្ចូល់មាន់និងបៀរការ៉ាត់ជ្រកក្រោមស្លាកយៀក ថៃ របស់ឈ្មោះ រតនា នៅសង្កាត់ទន្លេបាសាក់ខណ្ឌចំការមនបើកលេងយ៉ាងរលូន មន្រ្តីមានសមត្ថកិច្ចនៃអធិការដ្ឋាននគរបាលខណ្ឌចំការមនរក្សាភាពស្ងៀមស្ងាត់មិនធ្វើការបង្ក្រាប សង្ស័យជាត្រូវថ្នាំសណ្ដំហើយមើលទៅ! (ស្មីសៀមរាប 090567006)
វីដែអូ
ចំនួនអ្នកទស្សនា