បន្ទាប់ពីរដ្ឋបាលខេត្តសៀមរាប បានចេញសេចក្តីជូនដំណឹងថា នឹងធ្វើលំហាត់សមយុទ្ធទ្រង់ទ្រាយធំ គ្រប់គ្រងគ្រោះអាសន្ន ប្រចាំឆ្នាំ(Full Scale Airport Emergency Exercise REPEX-19) នៅថ្ងៃទី១៨ ខែធ្នូ ស្អែកនេះ ក្នុងលិខិតលេខ ១៦៥៤ សជណ ចុះថ្ងៃទី១៦ ខែធ្នូ ឆ្នាំ២០១៩ ហើយនោះ ដើម្បីការពារការយល់ច្រឡំណាមួយ ក្រសួងព័ត៌មាន ក៏បានជម្រាបតាម រយៈលិខិតលេខ២០៨០ សជណ ចុះថ្ងៃទី១៧ ខែធ្នូ ឆ្នាំ២០១៩ ដល់បណ្តាម្ចាស់ប្រព័ន្ធផ្សព្វផ្សាយទាំងអស់ផងដែរ ដើម្បី ចូលរួមផ្សព្វផ្សាយជាសាធារណៈ ការពារ ការយករូបភាព និងព័ត៌មានទាំងអស់នោះ ទៅកាត់តរ និងបន្តផ្សព្វផ្សាយ ខុស ពីការពិត ពីសំណាក់ក្រុមបុគ្គលអគតិមួយចំនួន ដែលជាហេតុអាចធ្វើឲ្យប៉ះពាល់ដល់សន្តិសុខជាតិ ។ នៅក្នុងខ្លឹមសារនោះ បានបញ្ជាក់ថា សមយុទ្ធនេះនឹងមានការដុតប្រេង និងដុតកង់ឡានចាស់ៗ បង្កើតបានជាអណ្តាតភ្លើង និងផ្សែងខ្លួលខ្មាញ់ ជាសិប្បនិម្មិត នៃការធ្លាក់យន្តហោះ ដែលជាប្រធានបទ នៃការធ្វើលំហាត់សមយុទ្ធ ។ ទន្ទឹមនឹងនេះ ក៏មានការប្រកាសអាសន្នដល់សមត្ថកិច្ច អាជ្ញាធរដែនដី កងកម្លាំងប្រដាប់អាវុធ មន្ទីរអង្គភាពជុំវិញខេត្ត ក្រុមសង្គ្រោះ រថ យន្តសង្គ្រោះបន្ទាន់ របស់មន្ទីរពេទ្យនានា និងជាពិសេសរថយន្តពន្លត់អគ្គិភ័យ នៅក្នុងខេត្តសៀមរាប ។ការធ្វើសមយុទ្ធទ្រង់ទ្រាយធំនេះ គឺដើម្បីហ្វឹកហាត់សាកល្បង និងផ្តល់បទពិសោធន៍ ដល់ស្ថាប័នពាក់ព័ន្ធនានា សំដៅលើក កម្ពស់ការជួយសង្គ្រោះជនរងគ្រោះ ឲ្យបានទាន់ពេលវេលា នៅពេលមានឧបទ្ទវហេតុគ្រោះថ្នាក់ធ្លាក់យន្តហោះ ដែលអាច កើតមានឡើង ជាយៈថា ហេតុ ។គួររំលឹកថា ការសមយុទ្ធ ដែលធ្វើនៅអាកាសយានដ្ឋានសៀមរាប មួយនេះ គឺមិនមែនទើបតែបង្កើត ជាលក្ខណៈសមយុទ្ធ លើកដំបូងនោះទេ កន្លងមកសកម្មភាពសមយុទ្ធមួយនេះ គឺត្រូវបានអាជ្ញាធរខេត្ត បានអនុវត្តន៌ជាបន្តបន្ទាប់ផងដែរ សូមមហាជនទាំងអស់កុំមានការភ្ញាក់ផ្អើល និងបារម្ភ ៕
ព័ត៌មានគួរចាប់អារម្មណ៍
សម្ដេចមហាបវរធិបតីហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជាអញ្ជើញជាអធិបតីដ៏ខ្ពង់ខ្ពស់ក្នុងពិធីបិទសន្និបាតបូកសរុបលទ្ធផលការងារឆ្នាំ ២០២៣ និងលើកទិសដៅការងារឆ្នាំ ២០២៤របស់អាជ្ញាធរជាតិប្រយុទ្ធប្រឆាំងគ្រឿងញៀននិងផ្សព្វផ្សាយផែនការយុទ្ធនាការប្រយុទ្ធប្រឆាំងគ្រឿងញៀនខុសច្បាប់លើកទី៩ (រស្មីសៀមរាប)
តើយុត្តិធម៌មានសម្រាប់ប្រជាពលរដ្ឋទន់ខ្សោយ ស្លូតត្រង់ដែរឬទេ? ឬក៏មានសម្រាប់តែក្រុមបក្សពួកអ្នកមានអំណាចនិងមានលុយ? (រស្មីសៀមរាប)
ល្បែងស៊ីសងបញ្ចូលមាន់និងបៀរការ៉ាត់ជ្រកក្រោមស្លាកយីហោយៀក ថៃកំពុងបើកលេងយ៉ាងពេញបន្ទប់នៅក្នុងសង្កាត់ទន្លេបាសាក់មន្ត្រីមានសមត្ថកិច្ចក្នុងខណ្ឌចំការមន ហាក់សំងំស្ងៀមមិនមានការបង្ក្រាប ផ្គើននិងបទបញ្ជារបស់សម្ដេចតេជោហ៊ុន សែន សង្ស័យជាបានទទួលលាភសក្ការៈពីរដង្ខៅបនល្បែងស៊ីសងខុសច្បាប់នេះហើយមើលទៅ (ស្មីសៀមរាប 090567006)
ល្បែងស៊ីសងបញ្ចូល់មាន់និងបៀរការ៉ាត់ជ្រកក្រោមស្លាកយៀក ថៃ របស់ឈ្មោះ រតនា នៅសង្កាត់ទន្លេបាសាក់ខណ្ឌចំការមនបើកលេងយ៉ាងរលូន មន្រ្តីមានសមត្ថកិច្ចនៃអធិការដ្ឋាននគរបាលខណ្ឌចំការមនរក្សាភាពស្ងៀមស្ងាត់មិនធ្វើការបង្ក្រាប សង្ស័យជាត្រូវថ្នាំសណ្ដំហើយមើលទៅ! (ស្មីសៀមរាប 090567006)
វីដែអូ
ចំនួនអ្នកទស្សនា