រាល់ការផ្សាយរបស់អ្នកសារព័ត៌មាន បើផ្សាយខុស គឺប្រធានអង្គភាព ឬចាងហ្វាង ជាអ្នកទទួលខុសត្រូវចំពោះមុខច្បាប់ខណៈ ដែលចាងហ្វាង ជាអ្នកដែលមានសិទ្ធិឲ្យចេញផ្សាយ ឬមិនអនុញ្ញាតផ្សាយ នេះបើតាមសម្តីរបស់លោករដ្ឋមន្ត្រីក្រសួងព័ត៌មាន អះអាងប្រាប់អ្នកសារព័ត៌មាន ក្រោយបញ្ចប់វគ្គបណ្តុះបណ្តាលស្តីពី ស្តង់ដាសហគមន៍ហ្វេសបុក នាព្រឹកថ្ងៃទី១៧ ខែធ្នូ ឆ្នាំ ២០១៩ ម្សិលមិញនេះ នៅវិទ្យាស្ថានកិច្ចសហប្រតិបត្តិការ កម្ពុជា ជប៉ុន ។រដ្ឋមន្ត្រីក្រសួងព័ត៌មាន លោកបានមានប្រសាសន៍ថា អ្នកសារព័ត៌មានអាចសរសេអីក៏បាន ប៉ុន្តែចាងហ្វាង ឬនិពន្ធនាយកត្រូវ ពិនិត្យមើលមុន នឹងចេញផ្សាយ ដើម្បីកុំឲ្យខុស នាំឲ្យមានការប្រឈមទៅនឹងផ្លូវច្បាប់ ។ គេមិនអាចប្តឹងអ្នកកាសែតបានទេ ប៉ុន្តែគេអាចប្តឹងឲ្យចាងហ្វាង ជាអ្នកទទួលខុសត្រូវ ចំពោះខ្លឹមសារព័ត៌មាន ដែលអ្នកកាសែតរបស់ខ្លួនបានផ្សាយនោះ ។លោកបានបន្ថែមទៀតថា នៅឆ្នាំ២០២០ខាងមុខនេះ ក្រសួង នឹងបន្ថែមខ្លឹមសារមួយចំនួនដែលនិយាយពីការកំណត់ពីសមត្ថ ភាព និងលក្ខណៈសម្បត្តិ របស់ចាងហ្វាងកាសែតនៅក្នុងច្បាប់របបសារព័ត៌មានឆ្នាំ១៩៩៥ ដើម្បីធ្វើយ៉ាងណាឲ្យវិស័យព័ត៌ មាននៅកម្ពុជា ដើរទាន់សភាពការណ៍ រីកចំរើនក្នុងយុគសម័យទំនើបនេះ ។គួបញ្ជាក់ដែរថា ប្រសាសន៌របស់លោករដ្ឋមន្ត្រី ថ្វីបើខ្លីក៏ពិតមែន ប៉ុន្តែខ្លឹមសារនេះ គឺជាចំណុចដែលអ្នកសារព័ត៌មានអាជីពទាំងអស់ចង់បាន ពីព្រោះថា ភាពទទួលខុសត្រូវនេះ វាគឺជាស្មារតីខ្ពស់របស់អ្នកសារព័ត៌មាន ក្នុងនាមជាកញ្ចក់បង្ហាញការពិតជូនសង្គម ។ ដើម្បីកែលំអរអ្នកដ៏ទៃ និងសង្គមបាន ក៏លុះណាតែបានកែនូវចំណុចខ្វះខាតរបស់ក្របខណ្ឌខ្លួនឲ្យមានតម្លៃសម្រាប់សេចក្តីថ្លៃថ្នូ សហការីចុះបំពេញវិជ្ជាជីវៈ ទើបជាការចាំបាច់ បំផុត ៕
ព័ត៌មានគួរចាប់អារម្មណ៍
សម្ដេចមហាបវរធិបតីហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជាអញ្ជើញជាអធិបតីដ៏ខ្ពង់ខ្ពស់ក្នុងពិធីបិទសន្និបាតបូកសរុបលទ្ធផលការងារឆ្នាំ ២០២៣ និងលើកទិសដៅការងារឆ្នាំ ២០២៤របស់អាជ្ញាធរជាតិប្រយុទ្ធប្រឆាំងគ្រឿងញៀននិងផ្សព្វផ្សាយផែនការយុទ្ធនាការប្រយុទ្ធប្រឆាំងគ្រឿងញៀនខុសច្បាប់លើកទី៩ (រស្មីសៀមរាប)
តើយុត្តិធម៌មានសម្រាប់ប្រជាពលរដ្ឋទន់ខ្សោយ ស្លូតត្រង់ដែរឬទេ? ឬក៏មានសម្រាប់តែក្រុមបក្សពួកអ្នកមានអំណាចនិងមានលុយ? (រស្មីសៀមរាប)
ល្បែងស៊ីសងបញ្ចូលមាន់និងបៀរការ៉ាត់ជ្រកក្រោមស្លាកយីហោយៀក ថៃកំពុងបើកលេងយ៉ាងពេញបន្ទប់នៅក្នុងសង្កាត់ទន្លេបាសាក់មន្ត្រីមានសមត្ថកិច្ចក្នុងខណ្ឌចំការមន ហាក់សំងំស្ងៀមមិនមានការបង្ក្រាប ផ្គើននិងបទបញ្ជារបស់សម្ដេចតេជោហ៊ុន សែន សង្ស័យជាបានទទួលលាភសក្ការៈពីរដង្ខៅបនល្បែងស៊ីសងខុសច្បាប់នេះហើយមើលទៅ (ស្មីសៀមរាប 090567006)
ល្បែងស៊ីសងបញ្ចូល់មាន់និងបៀរការ៉ាត់ជ្រកក្រោមស្លាកយៀក ថៃ របស់ឈ្មោះ រតនា នៅសង្កាត់ទន្លេបាសាក់ខណ្ឌចំការមនបើកលេងយ៉ាងរលូន មន្រ្តីមានសមត្ថកិច្ចនៃអធិការដ្ឋាននគរបាលខណ្ឌចំការមនរក្សាភាពស្ងៀមស្ងាត់មិនធ្វើការបង្ក្រាប សង្ស័យជាត្រូវថ្នាំសណ្ដំហើយមើលទៅ! (ស្មីសៀមរាប 090567006)
វីដែអូ
ចំនួនអ្នកទស្សនា