ថ្មីៗនេះ ចាប់ផ្តើមមានការរអ៊ូរទាំជាច្រើន ពីក្រុមលោកតាអាចារ្យ នៅតាមបណ្តាវត្តជាច្រើនក្នុងរាជធានីភ្នំពេញ បានលើក ឡើងថា ពួកគាត់ទាំងអស់គ្នាចាប់ផ្តើមចម្លែកចិត្តជាខ្លាំង ព្រោះក្រោយពេលដែលរូបលោក ទេព គង្គា បានឡើងជាប្រធាន មន្ទីរធម្មការ និងសាសនា ពេលណាមក ទីវត្តអារ៉ាមដែលធ្លាប់តែស្ងប់ស្ងាត់មួយចំនួននោះ ស្រាប់តែត្រូវបានកម្រើកឡើងកើតចេញនូវរឿងរ៉ាវជាច្រើនយ៉ាងចម្លែកតែម្តង ដែលធ្វើឲ្យពុទ្ធបរិស័ទតែងមានសទ្ធាជ្រះថ្លានៅក្នុងវិស័យព្រះពុទ្ធសាសនា គឺហាក់បីដូចមិនស្ងប់ចិត្តសោះ តែម្តង ។ក្រុមលោកតាអាចារ្យទាំងនោះ ដោយសុំកុំឲ្យបញ្ចេញឈ្មោះបានបន្តថា កាលពីនៅប្រធានមន្ទីរធម្មការ និងសាសនា មុន គឺរឿងរ៉ាវអធិករនៅតាមវត្តក្នុងរាជធានីភ្នំពេញនេះ មិនសូវជាមាននោះទេ ជានិច្ចជាកាលលោកប្រធានមន្ទីរអាណត្តិមុននេះលោកចេះដឹកនាំផ្សះផ្សារ សម្របសម្រួល ធ្វើឲ្យនៅតាមបណ្តាវត្តជាច្រើនមានការសាមគ្គីភាពគ្នាល្អណាស់ ដោយឡែកតែក្រសួងធម្មការ និងសាសនា ដែលមានរូបលោកទេសរដ្ឋមន្ត្រី ហ៊ឹម ឆែម បានចេញសម្រេចតែងតាំងឲ្យរូបលោក ទេព គង្គាឲ្យឡើងជាប្រធានមន្ទីរធម្ម និងសាសនា រាជធានភ្នំពេញពេលណាមក ករណីរឿងរ៉ាវនៅតាមបណ្តាវត្តដែលធ្លាប់ស្ងប់ស្ងាត់គឺត្រូវបានជីកគាស់កកាយសើររើឡើងវិញ គួរឲ្យចាប់អារម្មណ៌បំផុត ។ក្រុមលោកតាអាចារ្យទាំងអស់នោះលើកឡើងបន្តថា ការកើនឡើងរឿងរ៉ាវអធិកររបស់វត្តអារ៉ាមជាច្រើន ក្នុងរាជធានីភ្នំពេញ នេះ គឺអាចជាវិធីសាស្ត្រ គោះទឹក ហៅត្រី របស់លោក ទេព គង្គា ដែលជាប្រធានមន្ទីរថ្មី ក៏មិនដឹង ពីព្រោះបើតាមការនិ យាយតៗគ្នាឲ្យរអូមរអាមនៅតាមបណ្តាវត្ត គឺបានលើកឡើងថា ជាធម្មតាធ្វើជាមេថ្មី ដើម្បីឲ្យកូនចៅស្គាល់ គឺមានតែប្រើ យុទ្ធសាស្ត្រខ្លះៗហើយ ទើបត្រីនៅក្នុងទឹក បានស្គាល់បានដឹង ។ស្របពេលទៅនឹងការត្អូញត្អែពីក្រុមលោកតាអាចារ្យនៅតាមវត្តជាច្រើននោះផងដែរ មហាជនជាច្រើន សំណូមពរដល់ លោក ឃួង ស្រេង អភិបាល នៃគណៈអភិបាលរាជធានីភ្នំពេញ សូមមេត្តាជួយមានវិធីសាស្ត្របែបសម្របសម្រួលណា មួយ ឲ្យបានល្អនៅតាមបណ្តាវត្តមួយចំនួនដែលកំពុងកើតឡើងរឿងរ៉ាវអធិករនោះផង សូមកុំឲ្យបុគ្គលមួយចំនួន ព្រោះ តែចង់បានប្រយោជន៌ ព្យាយាមក្តិចគូថសត្វចង្អាឲ្យខាំគ្នា ដើម្បីរង់ចាំផលនោះ មានឱកាសសាបព្រួសនាំឲ្យពុទ្ធបរិស័ទ សៅហ្មង ជាមួយទីវត្តអារ៉ាម ធ្វើអី ព្រោះវាអាចប៉ះពាល់ដល់សាសនា របស់យើងខ្លាំងណាស់ ។ទោះជាយ៉ាងណាក្តី ខ្លាប៉ុស្តិ៍ នៅមិនទាន់អាចសុំព័ត៌មានចំណាត់ការភាពទទួលខុសត្រូវរបស់លោក ទេព គង្គា ប្រធានមន្ទីរធម្មការ និងសាសនា រាជធានីភ្នំពេញ បាននៅឡើយទេ នៅព្រឹកថ្ងៃ២៣ ខែធ្នូ ឆ្នាំ ២០១៩ នេះ អង្គភាពយើង រង់ចាំ ការបកស្រាយបន្ថែម ពីរាល់សាម៉ីស្ថាប័នអង្គភាពទាំងឡាយ នៅរៀងរាល់ម៉ោងធ្វើការ ៕
ព័ត៌មានគួរចាប់អារម្មណ៍
សម្ដេចមហាបវរធិបតីហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជាអញ្ជើញជាអធិបតីដ៏ខ្ពង់ខ្ពស់ក្នុងពិធីបិទសន្និបាតបូកសរុបលទ្ធផលការងារឆ្នាំ ២០២៣ និងលើកទិសដៅការងារឆ្នាំ ២០២៤របស់អាជ្ញាធរជាតិប្រយុទ្ធប្រឆាំងគ្រឿងញៀននិងផ្សព្វផ្សាយផែនការយុទ្ធនាការប្រយុទ្ធប្រឆាំងគ្រឿងញៀនខុសច្បាប់លើកទី៩ (រស្មីសៀមរាប)
តើយុត្តិធម៌មានសម្រាប់ប្រជាពលរដ្ឋទន់ខ្សោយ ស្លូតត្រង់ដែរឬទេ? ឬក៏មានសម្រាប់តែក្រុមបក្សពួកអ្នកមានអំណាចនិងមានលុយ? (រស្មីសៀមរាប)
ល្បែងស៊ីសងបញ្ចូលមាន់និងបៀរការ៉ាត់ជ្រកក្រោមស្លាកយីហោយៀក ថៃកំពុងបើកលេងយ៉ាងពេញបន្ទប់នៅក្នុងសង្កាត់ទន្លេបាសាក់មន្ត្រីមានសមត្ថកិច្ចក្នុងខណ្ឌចំការមន ហាក់សំងំស្ងៀមមិនមានការបង្ក្រាប ផ្គើននិងបទបញ្ជារបស់សម្ដេចតេជោហ៊ុន សែន សង្ស័យជាបានទទួលលាភសក្ការៈពីរដង្ខៅបនល្បែងស៊ីសងខុសច្បាប់នេះហើយមើលទៅ (ស្មីសៀមរាប 090567006)
ល្បែងស៊ីសងបញ្ចូល់មាន់និងបៀរការ៉ាត់ជ្រកក្រោមស្លាកយៀក ថៃ របស់ឈ្មោះ រតនា នៅសង្កាត់ទន្លេបាសាក់ខណ្ឌចំការមនបើកលេងយ៉ាងរលូន មន្រ្តីមានសមត្ថកិច្ចនៃអធិការដ្ឋាននគរបាលខណ្ឌចំការមនរក្សាភាពស្ងៀមស្ងាត់មិនធ្វើការបង្ក្រាប សង្ស័យជាត្រូវថ្នាំសណ្ដំហើយមើលទៅ! (ស្មីសៀមរាប 090567006)
វីដែអូ
ចំនួនអ្នកទស្សនា