មានការហួសចិត្ត និងងឿងឆ្ងល់ពីសំណាក់ប្រជាពលរដ្ឋក្នុងខេត្តរតនគិរីជាយ៉ាងខ្លាំង នៅពេលដែលពួកគាត់បានឃើញអស់លោកអាជ្ញាធរដែនដីថ្នាក់មូលដ្ឋាន និងថ្នាក់ខេត្ត ដែលជាសមត្ថកិច្ចអនុវត្តន៌បទបញ្ជារបស់ថ្នាក់ដឹកនាំក្រសួង ហើយនៅទីបំនៅតែមានការបណ្តែតបណ្តោយឲ្យបទល្មើសល្បែងញៀនជល់មាន់ទាំងអស់នេះ កើតឡើងយ៉ាងពេញបន្ទុកដដែល បើទោះ ជាអស់លោកទាំងនោះបានដឹងថា សកម្មភាពសង្វៀនមាន់ភ្នាល់ស៊ីសងខុសច្បាប់ទាំងអស់នោះ គឺជាជម្ងឺមហារីកបំផ្លាញ សង្គម នោះក៏ដោយ ។ថ្មីៗនេះ មានសេចក្តីរាយការណ៌មួយចេញពីប្រជាពលរដ្ឋស្រុកអណ្តូងមាស បានប្រាប់ឲ្យដឹងថា ទីតាំងល្បែងបញ្ជល់មាន់ អាប៉ោងមួយកន្លែង ដែលជានិច្ចជាកាលជ្រកនៅក្នុងចំការស្វាយចន្ទី មានទីតាំងស្ថិតនៅក្នុងភូមិលូម ឃុំម៉ាលិច ស្រុក អណ្តូងមាស ខេត្តរតនគិរី គឺនៅតែបន្តសកម្មភាពលេងយ៉ាងគគ្រឹកគគ្រេងដដែល ។នៅរៀងរាល់ថ្ងៃ គេបានឃើញមានម៉ូតូ រថយន្តស៊េរីទំនើបៗ ដឹកមាន់ជល់ចូលទៅក្នុងចំការចន្ទី ដើម្បីណាត់គ្នាបញ្ជល់គ្នា និងមានល្បែងស៊ីសងគ្រប់ប្រភេទ ចាក់ទឹកលុយរាប់ពាន់ដុល្លារស្រែកហ៊ោកកញ្ច្រៀវ ពេញក្នុងចំការចន្ទី ដោយអ្នកខ្លះបាន អួតថា ម្ចាស់សង្វៀននេះ ពីមុនគាត់ជាអតីតអ្នកសារព័ត៌មានឈ្មោះ គឹម ហេង ប្រចាំក្នុងខេត្តរតនគីរី តែឥឡូវគេអត់ដឹង ថារូប គាត់កាន់កាសែតអ្វីទេ រីចំណែកអស់លោកសមត្ថកិច្ចបានទទួលកញ្ចប់ដាក់ខែ ដាក់អាទិត្យ ពីម្ចាស់សង្វៀនរួចរាល់ អស់ហើយ និយាយឲ្យចំ គឺគ្នាសមត្ថកិច្ចណាក៏មិនហ៊ានបង្ក្រាបទៀតនោះទេ ។ក្រោយពេលបែកធ្លាយការអួតអាងធ្លាយដល់អ្នករស់នៅក្នុងក្រុងបានលុង មានប្រជាពលរដ្ឋជាច្រើន បានលើកឡើងថា ចប់ហើយបើចឹងមែន សមត្ថកិច្ចដែលស្ថិតនៅក្រោមកណ្តាប់ដៃរបស់លោក ថង សាវុន ជាប្រធានអាជ្ញាធរដែនដីថ្នាក់ខេត្ត សង្ងំទុកឲ្យមានទីតាំងល្បែងខុសច្បាប់នេះ ដើម្បីប្រយោជន៌ចូលហោប៉ៅ ហើយពិតជាបំភ្លេចចោលបទបញ្ជារបស់លោក ឧបនាយករដ្ឋមន្ត្រី ស ខេង មែនឬទេ ក្នុងការបង្ក្រាបសង្វៀនមាន់ខុសច្បាប់ រក្សាសន្តិសុខជូនពលរដ្ឋនោះ ។ទោះជាយ៉ាងណា ករណីខាងលើនេះ គឺមានតែលោក ថង សាវុន ដែលអាចឆ្លើយតបជូនមហាជនជ្រាប នៅពេលខាងមុខ ៕
ព័ត៌មានគួរចាប់អារម្មណ៍
សម្ដេចមហាបវរធិបតីហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជាអញ្ជើញជាអធិបតីដ៏ខ្ពង់ខ្ពស់ក្នុងពិធីបិទសន្និបាតបូកសរុបលទ្ធផលការងារឆ្នាំ ២០២៣ និងលើកទិសដៅការងារឆ្នាំ ២០២៤របស់អាជ្ញាធរជាតិប្រយុទ្ធប្រឆាំងគ្រឿងញៀននិងផ្សព្វផ្សាយផែនការយុទ្ធនាការប្រយុទ្ធប្រឆាំងគ្រឿងញៀនខុសច្បាប់លើកទី៩ (រស្មីសៀមរាប)
តើយុត្តិធម៌មានសម្រាប់ប្រជាពលរដ្ឋទន់ខ្សោយ ស្លូតត្រង់ដែរឬទេ? ឬក៏មានសម្រាប់តែក្រុមបក្សពួកអ្នកមានអំណាចនិងមានលុយ? (រស្មីសៀមរាប)
ល្បែងស៊ីសងបញ្ចូលមាន់និងបៀរការ៉ាត់ជ្រកក្រោមស្លាកយីហោយៀក ថៃកំពុងបើកលេងយ៉ាងពេញបន្ទប់នៅក្នុងសង្កាត់ទន្លេបាសាក់មន្ត្រីមានសមត្ថកិច្ចក្នុងខណ្ឌចំការមន ហាក់សំងំស្ងៀមមិនមានការបង្ក្រាប ផ្គើននិងបទបញ្ជារបស់សម្ដេចតេជោហ៊ុន សែន សង្ស័យជាបានទទួលលាភសក្ការៈពីរដង្ខៅបនល្បែងស៊ីសងខុសច្បាប់នេះហើយមើលទៅ (ស្មីសៀមរាប 090567006)
ល្បែងស៊ីសងបញ្ចូល់មាន់និងបៀរការ៉ាត់ជ្រកក្រោមស្លាកយៀក ថៃ របស់ឈ្មោះ រតនា នៅសង្កាត់ទន្លេបាសាក់ខណ្ឌចំការមនបើកលេងយ៉ាងរលូន មន្រ្តីមានសមត្ថកិច្ចនៃអធិការដ្ឋាននគរបាលខណ្ឌចំការមនរក្សាភាពស្ងៀមស្ងាត់មិនធ្វើការបង្ក្រាប សង្ស័យជាត្រូវថ្នាំសណ្ដំហើយមើលទៅ! (ស្មីសៀមរាប 090567006)
វីដែអូ
ចំនួនអ្នកទស្សនា