ថ្មីៗនេះបែកធ្លាយការរិៈគន់ថា ទីតាំងដីរបស់រដ្ឋនៅជាប់និងបណ្តោយរបងវត្តជម្ពូរវ័ន្ត ដែលមានទីទាំងស្ថិតនៅក្បែរសង្កាត់ចោម ចៅ១ ខណ្ឌពោធិ៍សែនជ័យ កំពុងត្រូវបានក្រុមរម៉កម៉ូតូខ្នាតធំៗ ចាប់ផ្តើមយកធ្វើជាទីតាំងដាក់លក់គ្រឿងសង្ហារឹម យ៉ាងអាណាធិបតេយ្យបំផុត ដែលមើលទៅហាក់បីដូចជាទីផ្សារទៅហើយ ធ្វើឲ្យប្រជាពលរដ្ឋជាច្រើនអត់យល់ថា តើព្រះគ្រូអនុគុណខណ្ឌពោធិ៍សែនជ័យ ព្រះវិន័យធម៌ និងជាចៅអធិការវត្តជម្ពូរវ័ន្ត ជាអ្នកអនុញ្ញាតិ ឬក៏អាជ្ញាធរខណ្ឌពោធិ៍សែនជ័យ ជាអ្នកអនុញ្ញាត នោះទេ ។ប្រជាពលរដ្ឋជាច្រើនបានលើកឡើងថា ស្របពេលទៅនឹងរង្វង់មូលចោមចៅ ត្រូវបានសាងសង់ធ្វើជាស្ពានអាកាសផងនោះ នៅរាល់ពេលព្រឹក និងពេលល្ងាច ទីតាំងផ្លូវខាងលើ គឺត្រូវក្លាយជាទីតាំងកកស្ទះបំផុត ។ ជាមួយការកកស្ទះណែនចង្អៀតតាន់ តាប់របស់បងប្អូនអ្នកដំណើរនេះ នៅលើផ្លូវបេតុងជាប់នឹងរបងវត្តជម្ពូរវ័ន្ត គេឃើញមានក្រុមរម៉កយកទីតាំងខាងលើ ដាក់តាំង បង្ហាញលក់គ្រឿងសង្ហារឹមលក្ខណៈដល់ទៅ២ជួរ ហាក់បីដូចជាមិនខ្វល់ថា ទីតាំងខាងលើ ជាដីសាធារណៈដែលប្រជាពលរដ្ឋ ចាំបាច់ប្រើប្រាស់ធ្វើដំណើរឆ្លងកាត់នោះឡើយ ។ពលរដ្ឋជាច្រើននោះបន្តថា ជាធម្មតាទីតាំងខាងលើ គឺជាផ្លូវសាធារណៈ ហើយការធ្វើសកម្មភាពលក់ដូរទាំងអស់នេះ គឺលុះត្រាតែមានការអនុញ្ញាតពីខាងសណ្តាប់ធ្នាប់ខណ្ឌពោធិ៍សែនជ័យ ទើបពួកគេអាចធ្វើសកម្មភាពបានយ៉ាងគគ្លើនយ៉ាងនេះ ប៉ុន្តែបើខាងសណ្តាប់ធ្នាប់ខណ្ឌពោធិ៍សែនជ័យ ពិតជាបានអនុញ្ញាតឲ្យទីតាំងខាងលើនេះ ដាក់ជាកន្លែងលក់គ្រឿងសង្ហារឹម យ៉ាងអា ណាធិបតេយ្យពិតមែននោះ គឺជាហេតុផលធ្វើឲ្យពលរដ្ឋក្តៅក្រហាយពេកណាស់ ពីព្រោះថា ទីតាំងផ្លូវនេះ គឺជាទីតាំងកកស្ទះ ជាងគេបំផុត ក្នុងរាជធានីភ្នំពេញ គឺទាំងពេលព្រឹក និងទាំងពេលល្ងាច ។សម្រាប់ព័ត៌មានមួយនេះ អង្គភាពយើងនៅមិនទាន់បានការបំភ្លឺបញ្ជាក់ពីរូបលោក ហែម ដារិទ្ធ អភិបាល នៃគណៈអភិបាលខណ្ឌពោធិ៍សែនជ័យ បាននៅឡើយនោះទេ ដោយហេតុថា នេះជាការស្នើសុំរបស់ពលរដ្ឋ សុំឲ្យអង្គភាពចែករំលែកជូនថ្នាក់ ដឹកនាំ ទាំងអស់ជ្រាប ។អង្គភាពយើង និងបន្តយកព័ត៌មានអំពីចំណាត់ការ របស់អាជ្ញាធរខណ្ឌពោធិ៍សែនជ័យ ផ្សាយជូនមហាជនជ្រាប នៅពេល ក្រោយ ៕
ព័ត៌មានគួរចាប់អារម្មណ៍
សម្ដេចមហាបវរធិបតីហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជាអញ្ជើញជាអធិបតីដ៏ខ្ពង់ខ្ពស់ក្នុងពិធីបិទសន្និបាតបូកសរុបលទ្ធផលការងារឆ្នាំ ២០២៣ និងលើកទិសដៅការងារឆ្នាំ ២០២៤របស់អាជ្ញាធរជាតិប្រយុទ្ធប្រឆាំងគ្រឿងញៀននិងផ្សព្វផ្សាយផែនការយុទ្ធនាការប្រយុទ្ធប្រឆាំងគ្រឿងញៀនខុសច្បាប់លើកទី៩ (រស្មីសៀមរាប)
តើយុត្តិធម៌មានសម្រាប់ប្រជាពលរដ្ឋទន់ខ្សោយ ស្លូតត្រង់ដែរឬទេ? ឬក៏មានសម្រាប់តែក្រុមបក្សពួកអ្នកមានអំណាចនិងមានលុយ? (រស្មីសៀមរាប)
ល្បែងស៊ីសងបញ្ចូលមាន់និងបៀរការ៉ាត់ជ្រកក្រោមស្លាកយីហោយៀក ថៃកំពុងបើកលេងយ៉ាងពេញបន្ទប់នៅក្នុងសង្កាត់ទន្លេបាសាក់មន្ត្រីមានសមត្ថកិច្ចក្នុងខណ្ឌចំការមន ហាក់សំងំស្ងៀមមិនមានការបង្ក្រាប ផ្គើននិងបទបញ្ជារបស់សម្ដេចតេជោហ៊ុន សែន សង្ស័យជាបានទទួលលាភសក្ការៈពីរដង្ខៅបនល្បែងស៊ីសងខុសច្បាប់នេះហើយមើលទៅ (ស្មីសៀមរាប 090567006)
ល្បែងស៊ីសងបញ្ចូល់មាន់និងបៀរការ៉ាត់ជ្រកក្រោមស្លាកយៀក ថៃ របស់ឈ្មោះ រតនា នៅសង្កាត់ទន្លេបាសាក់ខណ្ឌចំការមនបើកលេងយ៉ាងរលូន មន្រ្តីមានសមត្ថកិច្ចនៃអធិការដ្ឋាននគរបាលខណ្ឌចំការមនរក្សាភាពស្ងៀមស្ងាត់មិនធ្វើការបង្ក្រាប សង្ស័យជាត្រូវថ្នាំសណ្ដំហើយមើលទៅ! (ស្មីសៀមរាប 090567006)
វីដែអូ
ចំនួនអ្នកទស្សនា