សេចក្តីរាយការណ៍ខេត្តបានឲ្យដឹថា ប្រជាពលរដ្ឋ១៣៣គ្រួសារ ដែលមិនទាន់បានចាប់ឆ្នោតជ្រើសរើសយកដីឡូតិ៍សម្បទានសង្គមកិច្ច ឃុំ២ធ្នូ កាលពីថ្ងៃទី ៣០ ខែ មករា ឆ្នាំ ២០១៩ កន្លងទៅ ត្រូវបានរៀបចំចាប់ឆ្នោតផ្ដល់ដីឡូតិ៍ជូនប្រជាពលរដ្ឋជា លេីកទី២ ក្រោម អធិបតីភាពលោក ខ័ណ្ឌ ចំណាន អភិបាលរង ខេត្ត ក្រចេះ និងជាប្រធានគណៈកម្មការបែងចែកដីសម្បទាន សង្គមកិច្ច ក្នុងស្រុកស្នួល នាថ្ងៃទី ១១ ខែ កក្ដដា ឆ្នាំ ២០១៩ នៅបរិវេណការិយាល័យរៀបចំដែនដីនគរូបនីយកម្ម សំណង់ និងភូមិបាលស្រុកស្នួល ។ លោក តូច ឌុល បានប្រាប់ឱ្យដឹងថា លោក ជា តំណាង ប្រជាពលរដ្ឋម្នាក់ ដែលបានឡើងមកភ្នំពេញ និងដាក់ញត្តិ តវ៉ាទាមទារដីសម្បទានសេដ្ឋកិច្ច ក្រុមហ៊ុនចំការកៅស៊ូ មេមត់ ទៅខុទ្ទកាល័យ សម្ដេចតេជោ និងក្រសួងរៀបចំដែនដីនគរូបនីយកម្ម និងសំណង់ ហើយ លោក ពិត ជា មានមោទនភាព និងសម្ដែងភាពសប្បាយរីករាយ និង បានថ្លែងអំណរគុណដល់អាជ្ញាធរខេត្តក្រចេះ និងក្រសួងស្ថាប័នជំនាញ ជាពិសេសក្រោមការណែនាំរបស់សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ទេីបឈានដល់ការសម្របសម្រួលដំណោះស្រាយបញ្ចប់ដែលអាចទទួលយកបាននៅថ្ងៃនេះ ដែលបានកាត់ឃ្វៀលដីសម្បទានសេដ្ឋកិច្ច របស់ក្រុមហ៊ុន ប្រែក្លាយទៅជាដីសម្បទានសង្គមកិច្ច ដេីម្បី ចែកជូនបងប្អូនប្រជាពលរដ្ឋទាំង១៥៤៨គ្រួសារ ដែលបាន ដាក់ពាក្យស្នើសុំដី ។ លោក ខ័ណ្ឌ ចំណាន បានមានប្រសាសន៍ថា ការចាប់ ឆ្នោតជូនមុខសញ្ញាអ្នកទទួលដី នៅថ្ងៃនេះ ជាលេីកទី ២ ហេីយ ក៏ជាលើកចុងក្រោយផងដែរ ដេីម្បីបញ្ចប់នូវការងារ បែងចែកដីសម្បទានសង្គមកិច្ច ឃុំ២ធ្នូ ស្រុកស្នួល ។ លោក ខ័ណ្ឌ ចំណាន ក៏បានបញ្ជាក់ទៀតថា រដ្ឋបាលខេត្ត ក៏បានចេញសេចក្ដីជូនដំណឹងដល់បងប្អូនប្រជាពលរដ្ឋ ដែល ជាមុខសញ្ញាអ្នកទទួលទាំង១៣៣គ្រួសារ រយៈពេលជិត១ខែ ហើយ មុនចាប់ឆ្នោតនាថ្ងៃនេះ ។ សេចក្តីរាយការណ៍ក៏បានបន្តថា ប្រជាពលរដ្ឋទាំង១៣៣គ្រួសារ បានចូលចាប់ឆ្នោតបានគ្រប់ៗគ្នា ព្រោះ គ្មានលេីកក្រោយៗនោះ ទេ ហើយពេលបងប្អូនទទួលបាន បង្កាន់ដៃ ត្រូវរក្សាឲ្យបានល្អ ព្រោះបង្កាន់ដៃនេះជាសិទ្ធិ នៃ ការគ្រប់គ្រងដី និងឈានទៅចុះបញ្ជីដី ដេីម្បីទទួលបានប័ណ្ណ កម្មសិទ្ធិ៥ឆ្នាំខាងមុខ ។ បញ្ជាក់បន្ទាប់ពីការចាប់ឆ្នោតរួច រយៈពេលពេញមួយថ្ងៃនេះ នៅថ្ងៃទី ១៥ ខែ កក្កដា ខាងមុខនេះ ក្រុមមន្ត្រីជំនាញ និង ចុះបង្ហាញដីឡូតិ៍ ជូនបងប្អូនដែលមានបង្កាន់ដៃនេះ ប្រហែលជា១សប្ដាហ៍អាចរួចរាល់។ លោក ខ័ណ្ឌ ចំណាន បានមានប្រសាសន៍បន្តថា ក្រោយពេលបងប្អូនបានស្គាល់ដីឡូតិ៍ហេីយ សូមបងប្អូនចូលកាន់កាប់និងប្រេីប្រាស់ រស់នៅលេីដីឡូតិ៍របស់ខ្លួន ហើយប្រសិន បើបងប្អូនមិនគោរព តាមលក្ខខណ្ឌនៃការទទួលយកដីឡូតិ៍ ដី សម្បទានសង្គមកិច្ចទេ បងប្អូនប្រឈមមុខ នឹងការដកហូត ដីត្រលប់មកវិញ ។ លោកអភិបាលរងខេត្ត បានស្នើសុំឲ្យប្រជាពលរដ្ឋទាំង១៣៣គ្រួសារ ដែលចាប់ឆ្នោតលេីកទី២ និងទទួលបានដី និងត្រូវខិតខំកសាងលំនៅដ្ឋាន បង្កបង្កើនផល ដាំដំណាំ ដើម្បីជីវភាពរបស់ខ្លួនផងដែរ៕
ព័ត៌មានគួរចាប់អារម្មណ៍
សម្ដេចមហាបវរធិបតីហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជាអញ្ជើញជាអធិបតីដ៏ខ្ពង់ខ្ពស់ក្នុងពិធីបិទសន្និបាតបូកសរុបលទ្ធផលការងារឆ្នាំ ២០២៣ និងលើកទិសដៅការងារឆ្នាំ ២០២៤របស់អាជ្ញាធរជាតិប្រយុទ្ធប្រឆាំងគ្រឿងញៀននិងផ្សព្វផ្សាយផែនការយុទ្ធនាការប្រយុទ្ធប្រឆាំងគ្រឿងញៀនខុសច្បាប់លើកទី៩ (រស្មីសៀមរាប)
តើយុត្តិធម៌មានសម្រាប់ប្រជាពលរដ្ឋទន់ខ្សោយ ស្លូតត្រង់ដែរឬទេ? ឬក៏មានសម្រាប់តែក្រុមបក្សពួកអ្នកមានអំណាចនិងមានលុយ? (រស្មីសៀមរាប)
ល្បែងស៊ីសងបញ្ចូលមាន់និងបៀរការ៉ាត់ជ្រកក្រោមស្លាកយីហោយៀក ថៃកំពុងបើកលេងយ៉ាងពេញបន្ទប់នៅក្នុងសង្កាត់ទន្លេបាសាក់មន្ត្រីមានសមត្ថកិច្ចក្នុងខណ្ឌចំការមន ហាក់សំងំស្ងៀមមិនមានការបង្ក្រាប ផ្គើននិងបទបញ្ជារបស់សម្ដេចតេជោហ៊ុន សែន សង្ស័យជាបានទទួលលាភសក្ការៈពីរដង្ខៅបនល្បែងស៊ីសងខុសច្បាប់នេះហើយមើលទៅ (ស្មីសៀមរាប 090567006)
ល្បែងស៊ីសងបញ្ចូល់មាន់និងបៀរការ៉ាត់ជ្រកក្រោមស្លាកយៀក ថៃ របស់ឈ្មោះ រតនា នៅសង្កាត់ទន្លេបាសាក់ខណ្ឌចំការមនបើកលេងយ៉ាងរលូន មន្រ្តីមានសមត្ថកិច្ចនៃអធិការដ្ឋាននគរបាលខណ្ឌចំការមនរក្សាភាពស្ងៀមស្ងាត់មិនធ្វើការបង្ក្រាប សង្ស័យជាត្រូវថ្នាំសណ្ដំហើយមើលទៅ! (ស្មីសៀមរាប 090567006)
វីដែអូ
ចំនួនអ្នកទស្សនា