(ដកស្រង់ពីគេហទំព័រ CSNDAILY) ភ្នំពេញ ៖ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា មានប្រសាសន៍ថា យុវជន គឺជាភ្នាក់ងារ នៃការផ្លាស់ប្ដូរឥរិយាបថជាវិជ្ជមាន នៅក្នុងសង្គម ដូច្នេះយុវជនត្រូវចូលរួមឲ្យកាន់តែទូលំទូលាយ និងធ្វើសកម្មភាពកាន់តែប្រសើរឡើង ប្រកបដោយប្រសិទ្ធភាព ក្នុងការផ្ដល់សេវាមនុស្សធម៌ ជួយដល់ជនរងគ្រោះ និងងាយរងគ្រោះ ឲ្យបានទាន់ពេលវេលា នៅគ្រប់មជ្ឈដ្ឋាន ទូទាំងប្រទេសកម្ពុជា។បន្ថែមពីលើនេះសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា បានមានប្រសាសន៍ថា ដើម្បីសម្រេចបាននូវយុទ្ធសាស្ត្រ ២០១១-២០២០របស់កាកបាទ ក្រហមកម្ពុជា ត្រូវស្របតាមវិស័យស្នូលទាំង៤ ជាពិសេសធ្វើយ៉ាងណាឲ្យកាកបាទក្រហម មានការរីកចម្រើនទៅមុខ បន្ថែមទៀត។យោងតាមគេហទំព័រហ្វេសប៊ុករបស់ សម្តេចកិត្តិព្រឹទ្ធបណ្ឌិតបានឲ្យដឹងថាវិស័យស្នូលទាំង៤ រួមមាន៖ ,ទី១-ការងារគ្រប់គ្រងគ្រោះមហន្តរាយ ,ទី២-សុខភាព និងការថែទាំសុខភាព ក្នុងសហគមន៍ ,ទី៣-ការលើកកម្ពស់គោលការណ៍គ្រឹះ និងតម្លៃមនុស្សធម៌របស់ចលនា និងទី៤-ការអភិវឌ្ឍស្ថាប័ន និងអភិវឌ្ឍធនធាន។ក្នុងពិធី បូកសរុបលទ្ធផលការងារ កាកបាទក្រហមកម្ពុជា រាជធានីភ្នំពេញ និងបំពាក់កន្សែងជូនដល់ យុវជនកាកបាទក្រហមកម្ពុជា នៅព្រឹកថ្ងៃទី២០ ខែកក្កដា ឆ្នាំ២០១៩ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន បានផ្តល់អនុសាសន៍ណែនាំ ឲ្យយុវជនទាំងអស់ត្រូវបង្កើនសកម្មភាព មិត្តអប់រំមិត្ត និងមិត្តចេះជួយមិត្ត។សម្ដេចថ្លែងថា “ទោះបីរយៈពេលកន្លងមក ពុំទាន់មានឯកសណ្ឋានត្រឹមត្រូវជាផ្លូវការ សម្រាប់សម្គាល់អត្តសញ្ញាណជាយុវជនកាកបាទក្រហមកម្ពុ ជាក៏ដោយ ក៏ក្មួយៗ បានចូលរួមចំណែកយ៉ាងសកម្ម ដើម្បីសម្រេចបាននូវយុទ្ធសាស្ត្រ២០១១-២០២០ របស់កាកបាទក្រហមកម្ពុជា ស្របតាមវិស័យស្នូលទាំង៤”។ឆ្លៀតឱកាសនោះដែរ ប្រធានកាកបាទក្រហមកម្ពុជា បានឲ្យដឹងថា សព្វថ្ងៃនេះ យុវជនកាកបាទក្រហម បាននិងកំពុងបំពេញការងារយ៉ាងសកម្ម ជាមួយអង្គការ យុវជននានា រួមមាន៖ សហភាពសហព័ន្ធយុវជនកម្ពុជា កាយរិទ្ធជាតិកម្ពុជា ដែលសុទ្ធសឹងជាកម្លាំងស្នូល និងជាសេនាធិការរបស់រាជរដ្ឋាភិបាល ដើម្បីរួមចំណែកក្នុងការងារសង្គម និងការងារមនុស្សធម៌ នៅគ្រប់ រាជធានី-ខេត្ត៕
ព័ត៌មានគួរចាប់អារម្មណ៍
សម្ដេចមហាបវរធិបតីហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជាអញ្ជើញជាអធិបតីដ៏ខ្ពង់ខ្ពស់ក្នុងពិធីបិទសន្និបាតបូកសរុបលទ្ធផលការងារឆ្នាំ ២០២៣ និងលើកទិសដៅការងារឆ្នាំ ២០២៤របស់អាជ្ញាធរជាតិប្រយុទ្ធប្រឆាំងគ្រឿងញៀននិងផ្សព្វផ្សាយផែនការយុទ្ធនាការប្រយុទ្ធប្រឆាំងគ្រឿងញៀនខុសច្បាប់លើកទី៩ (រស្មីសៀមរាប)
តើយុត្តិធម៌មានសម្រាប់ប្រជាពលរដ្ឋទន់ខ្សោយ ស្លូតត្រង់ដែរឬទេ? ឬក៏មានសម្រាប់តែក្រុមបក្សពួកអ្នកមានអំណាចនិងមានលុយ? (រស្មីសៀមរាប)
ល្បែងស៊ីសងបញ្ចូលមាន់និងបៀរការ៉ាត់ជ្រកក្រោមស្លាកយីហោយៀក ថៃកំពុងបើកលេងយ៉ាងពេញបន្ទប់នៅក្នុងសង្កាត់ទន្លេបាសាក់មន្ត្រីមានសមត្ថកិច្ចក្នុងខណ្ឌចំការមន ហាក់សំងំស្ងៀមមិនមានការបង្ក្រាប ផ្គើននិងបទបញ្ជារបស់សម្ដេចតេជោហ៊ុន សែន សង្ស័យជាបានទទួលលាភសក្ការៈពីរដង្ខៅបនល្បែងស៊ីសងខុសច្បាប់នេះហើយមើលទៅ (ស្មីសៀមរាប 090567006)
ល្បែងស៊ីសងបញ្ចូល់មាន់និងបៀរការ៉ាត់ជ្រកក្រោមស្លាកយៀក ថៃ របស់ឈ្មោះ រតនា នៅសង្កាត់ទន្លេបាសាក់ខណ្ឌចំការមនបើកលេងយ៉ាងរលូន មន្រ្តីមានសមត្ថកិច្ចនៃអធិការដ្ឋាននគរបាលខណ្ឌចំការមនរក្សាភាពស្ងៀមស្ងាត់មិនធ្វើការបង្ក្រាប សង្ស័យជាត្រូវថ្នាំសណ្ដំហើយមើលទៅ! (ស្មីសៀមរាប 090567006)
វីដែអូ
ចំនួនអ្នកទស្សនា