ទោះជាយ៉ាងណា ក្រោយពេលដែលក្រសួងយុត្តិធម៌បានសម្រេចបញ្ចប់តួនាទី លោក សេង សុវណ្ណរ៉ា អនុរដ្ឋលេខាធិការក្រសួង ចេញពីក្របខណ្ឌរដ្ឋ ព្រោះតែពាក់ព័ន្ធជាមួយដីធ្លីក្នុងស្រុកកោះញែកនោះ ក្រុមអ្នកសារព័ត៌មានជាច្រើន នៅតែមន្ទិលសង្ស័យ ចោទប្រកាន់លើ រូបលោក ហាន សុខន មេឃុំអរបួនលើ ថា ជាអ្នកចូលរួមសមគំនិតក្នុងការលក់ដីទំហំជិត១.០០០ហិកតានេះ ដដែល ។ដើម្បីស្រាយការពិត បង្ហាញជូនសង្គមជ្រាបជំរះឲ្យអស់មន្ទិលសង្ស័យនោះ លោក ហាន សុខន មេឃុំអរបួនលើ បានធ្វើការបញ្ជាក់យ៉ាងច្បាស់ថា រូបលោកពុំបានចូលរួមគំនិត ឬឃុបឃិតណាមួយដូចទៅនិងមន្ទិលសង្ស័យ របស់បងប្អូនមិត្តអ្នកសារព័ត៌មាននោះឡើយ ។លោកមេឃុំបានបញ្ជាក់ថា នៅក្នុងឆ្នាំ២០១៨ ប្រជាពលរដ្ឋចំនួន៥៣គ្រួសារ ពួកគាត់បានឯកភាពគ្នាយកដីដែលខ្លួនមានជិត១.០០០ ហិកតា ស្ថិតនៅភូមិអូរអន្រ្តេះ ឃុំអូរបួនលើ ស្រុកកោះញែក ខេត្ត មណ្ឌលគីរី ប្រគល់ជូនទៅលោក សេង សុវណ្ណរ៉ា ឲ្យធ្វើជាតំណាងពួកគាត់លក់ទៅឲ្យក្រុមហ៊ុន ដែលចង់បាន ។នៅក្នុងការសម្រេចចិត្តដោយឯកភាពគ្នារបស់ពលរដ្ឋទាំង៥៣គ្រួសារនេះ ក្នុងនាមរូបលោក ជាថ្នាក់ដឹកនាំរដ្ឋអំណាចមូលដ្ឋាន រូបលោកបានបំពេញតួនាទី ចុះហត្ថលេខាសម្រួល តាមសេចក្តីចង់បានរបស់ពលរដ្ឋ ដែលស្នើសុំរូបលោកជួយបញ្ជាក់អន្តរាគមន៏ ។លោកមេឃុំបញ្ជាក់ទៀតថា ការសម្រួលឯកសារឲ្យពលរដ្ឋនេះ វាគឺជាកាតព្វកិច្ចរបស់អាជ្ញាធរដែនដី ក្នុងឆន្ទះ បំរើសេចក្តីត្រូវការ ចង់បាន របស់រាស្រ្ត តាមអនុសាសន៍ប្រមុខថ្នាក់ដឹកនាំប៉ុណ្ណោះ ប៉ុន្តែក្រោយមកទីតាំងខាងលើនោះ គឺត្រូវបានអជ្ញាធរថ្នាក់ខេត្ត បានប្រកាសនិរាករណ៍ចោល រឹបអូសជា សម្បត្តិរដ្ឋវិញ ដោយយកដីជិត១.០០០ ហិកតា ខាងលើនេះឲ្យប្រគល់ ជូនសហគមន៍ភូមិអូរអន្រ្តេះវិញ។សូមបញ្ជាក់ថា នៅក្នុងពេលកន្លងមកដែលបងប្អូន ផ្តិតមេដៃប្រគល់សិទ្ធិជូនលោក សេង សុវណ្ណរ៉ា គឺបងប្អូនប្រជាពលរដ្ឋនៅមិនទាន់បានទទួលលុយពីបុគ្គលណាមួយនៅឡើយ។ទោះជាយ៉ាងណាក្តីលោក ហាន សុខន មេឃុំអូរអន្រ្តេះ សូមអះអាងជាសាធារណៈថា សូមបងប្អូនកុំមានការយល់ចឡំ ៕
ព័ត៌មានគួរចាប់អារម្មណ៍
សម្ដេចមហាបវរធិបតីហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជាអញ្ជើញជាអធិបតីដ៏ខ្ពង់ខ្ពស់ក្នុងពិធីបិទសន្និបាតបូកសរុបលទ្ធផលការងារឆ្នាំ ២០២៣ និងលើកទិសដៅការងារឆ្នាំ ២០២៤របស់អាជ្ញាធរជាតិប្រយុទ្ធប្រឆាំងគ្រឿងញៀននិងផ្សព្វផ្សាយផែនការយុទ្ធនាការប្រយុទ្ធប្រឆាំងគ្រឿងញៀនខុសច្បាប់លើកទី៩ (រស្មីសៀមរាប)
តើយុត្តិធម៌មានសម្រាប់ប្រជាពលរដ្ឋទន់ខ្សោយ ស្លូតត្រង់ដែរឬទេ? ឬក៏មានសម្រាប់តែក្រុមបក្សពួកអ្នកមានអំណាចនិងមានលុយ? (រស្មីសៀមរាប)
ល្បែងស៊ីសងបញ្ចូលមាន់និងបៀរការ៉ាត់ជ្រកក្រោមស្លាកយីហោយៀក ថៃកំពុងបើកលេងយ៉ាងពេញបន្ទប់នៅក្នុងសង្កាត់ទន្លេបាសាក់មន្ត្រីមានសមត្ថកិច្ចក្នុងខណ្ឌចំការមន ហាក់សំងំស្ងៀមមិនមានការបង្ក្រាប ផ្គើននិងបទបញ្ជារបស់សម្ដេចតេជោហ៊ុន សែន សង្ស័យជាបានទទួលលាភសក្ការៈពីរដង្ខៅបនល្បែងស៊ីសងខុសច្បាប់នេះហើយមើលទៅ (ស្មីសៀមរាប 090567006)
ល្បែងស៊ីសងបញ្ចូល់មាន់និងបៀរការ៉ាត់ជ្រកក្រោមស្លាកយៀក ថៃ របស់ឈ្មោះ រតនា នៅសង្កាត់ទន្លេបាសាក់ខណ្ឌចំការមនបើកលេងយ៉ាងរលូន មន្រ្តីមានសមត្ថកិច្ចនៃអធិការដ្ឋាននគរបាលខណ្ឌចំការមនរក្សាភាពស្ងៀមស្ងាត់មិនធ្វើការបង្ក្រាប សង្ស័យជាត្រូវថ្នាំសណ្ដំហើយមើលទៅ! (ស្មីសៀមរាប 090567006)
វីដែអូ
ចំនួនអ្នកទស្សនា