ដោយមានការរាយការណ៌ស្នើសុំពីក្រុមអ្នកសារព័ត៌មាន ជាក់ស្តែងនៅយប់ថ្ងៃទី ១០ មករា ឆ្នាំ ២០២០ នេះ កម្លាំងសមត្ថកិច្ច កងរាជអាវុធហត្ថស្រុកសំបូរ បានចុះឃាត់បានទូកដឹកឈើមួយគ្រឿងដែលបានដឹកឈើពេញចំនួនជាង៣ម៉ែត្រគូប និងចាប់
ផ្តើមប្រគល់ជូនដល់មន្ត្រីរដ្ឋបាលព្រៃឈើនៅព្រឹកថ្ងៃទី១១ ខែមករា ឆ្នាំ ២០២០ នេះ

ប្រភពពីក្រុមអ្នកសារព័ត៌មាន បានឲ្យដឹងថា កន្លងមកផងដែរនោះ កម្លាំងកងរាជអាវុធហត្ថ តែងបានសហការជាមួយក្រុមអ្នក
សារព័ត៌មានយ៉ាងសកម្មផងដែរ នៅពេលដែលក្រុមអ្នកសារព័ត៌មានបានជួបទៅនឹងសកម្មភាពបទល្មើសជាក់ស្តែង ពួកគាត់ តែងឃើញកម្លាំងសមត្ថកិច្ចកងរាជអាវុធហត្ថមានការយកចិត្តទុកដាក់ និងបង្កការសហការជានិច្ច ។ ជាក់ស្តែងណាស់ដូចជា
នៅចំណុចក្បាលកោះរងាវ ក្នុងឃុំសំបូរ ស្រុកសំបូរ ខេត្តក្រចេះ នេះតែម្តង ក្រោយពីអ្នកសារព័ត៌មានបានរាយការណ៌ជូនភ្លាម
កម្លាំងកងរាជអាវុធហត្ថបានចុះបង្ក្រាប ភ្លាមៗផងដែរ ។

ជាក់ស្តែងឈើដែលបង្ក្រាបបាននោះ គឺជាប្រភេទឈើក្តារដួងចែម ដែលត្រូវបានក្រុមឈ្មួញដឹកចេញពីទឹកដីខេត្តស្ទឹងត្រែង ហូរចុះមកតាមចំណុចអូរឡង់ មកទឹកដីខេត្តក្រចេះ នេះ ប៉ុន្តែដោយបណ្តាញរាយការណ៌ឲ្យក្រុមសារព័ត៌មាន ហើយក្រុមអ្នក
សារព័ត៌មានរាយការណ៌ជូនដល់កម្មាំងកងរាជអាវុធហត្ថស្រុកសំបូរតែម្តងទៅ ។

សម្រាប់ព័ត៌មានដ៏ល្អនេះ ប្រជាពលរដ្ឋជាច្រើនសង្ឃឹមថា ក្រុមឈ្មួញអាជីវកម្មឈើខុសច្បាប់ អាចនឹងកាត់បន្ថយសកម្មភាព
របស់ខ្លួន បញ្ឈប់ការបំផុសបំផុសឲ្យមានការកាប់ព្រៃឈើលក់ឲ្យខ្លួន ដែលអាចជាភាពវិនាសហិនហោចធនធានព្រៃធម្មជាតិ នៅពេលខាងមុខ ៕