ថ្មីៗនេះ ក្រោយពីប្រជាពលរដ្ឋអ្នកដើរព្រៃ បានប្រទះឃើញដោយចៃដន្យនូវសសរថ្មបូរាណ ដែលមានអាយុកាលរាប់រយឆ្នាំមក ហើយ ក្នុងនោះព្រមទាំងត្រូវបានបណ្តាញព័ត៌មានផ្តើមចែករំលែកគ្នាជាបន្តបន្ទាប់ល្បីសុះសាយកក្រើកប្រទេស ស្រាប់តែ លេចធ្លាយព័ត៌មានមកថា ក្រុមទីផ្សារឈ្មួញវៀតណាមកំពុងចង់បានយ៉ាងខ្លាំង ដោយគេដឹងថា តម្លៃរាប់ពាន់ដុល្លាក្នុងមួយដើមៗ ហើយបច្ចុប្បន្ននេះ ក្រុមឈ្មួញវៀតណាមមួយចំនួននោះក៏កំពុងព្យាយាមទំនាក់ទំនងទៅបុគ្គលមន្ត្រីយោធាមានអំណាចមួយចំនួន ដើម្បីរកឱកាសបានទិញយកសសរទាំងនោះទៅលក់បន្តឲ្យជនជាតិរបស់ខ្លួន ព្រោះតែគេមានជំនឿថា ដាក់នៅក្នុងផ្ទះ វាមានភាពត្រជាក់ត្រជុំ ។សូមរំលឹកផងដែរ កាលពីកន្លងមក លោក គ្រើង តុលា សកម្មជនការពារព្រៃឈើ នៅចំណុចឃុំប៊ូស្រា ធ្លាប់បានប្រាប់ថាកន្លង មក រូបលោកនិងពលរដ្ឋមួយចំនួនទៀត បានសហការជាមួយនគរបាលប៉ុស្ដិ៍ឃុំប៊ូស្រាចំនួន ៣នាក់ ដោយបានចុះទៅដល់ ទីតាំងចំណុចអូរស្រាក្នុងភូមិឡាំម៉េះ ស្រុកពេជ្រាដា បន្ទាប់ពីអ្នកភូមិរាយការណ៍ថា ទីតាំងមួយនេះ កំពុងមានមនុស្សកំពុងព្យា យាមធ្វើសកម្មភាព គាស់កកាយយកសសរថ្មធម្មជាតិ ដើម្បីដឹកទៅលក់នៅប្រទេសវៀតណាម ។តាមដែលទីផ្សារវៀតណាមឲ្យថ្លៃ គឺសសរថ្មធម្មជាតិនោះមានមុខកាត់ចាប់ពី ៤០ទៅ ៦០សង់ទីម៉ែត្រ និងប្រវែងចាប់ពីរ ២ម៉ែត្រ ទៅ ដល់៤ម៉ែត្រ គឺទីផ្សារវៀតណាមកំពុងចង់បានជាខ្លាំង ជាក់ស្តែងនៅទីតាំងនោះផងដែរ មានសសរថ្មរាប់ពាន់ដើម ដែល ពលរដ្ឋជឿជាក់ថា មានអាយុកាលរាប់រយរាប់ពាន់ឆ្នាំ ដោយទីតាំងនេះ ស្ថិតនៅចម្ងាយប្រមាណ១០គីឡូម៉ែត្រ ពីផ្ទះរបស់ប្រជា ពលរដ្ឋ និងឃ្លាតឆ្ងាយពីប្រទេសវៀតណាមប្រមាណ៤០គីឡូម៉ែត្រតែប៉ុណ្ណោះ ។សេចក្តីរាយការណ៌បានបន្តថា ក្នុងសសរ ១ដើមត្រូវបានគេថ្លឹងលក់ និងមានតម្លៃរាប់ពាន់ដុល្លារ នៅពេលដឹកទៅលក់នៅប្រ ទេសវៀតណាម ដោយគេយកទៅធ្វើជារបស់លម្អសម្រាប់ដាក់តាំងនៅក្នុងផ្ទះ ក្នុងនោះក៏បែកធ្លាយផងដែរថា មានបុគ្គលយោធា មួយចំនួន កំពុងព្យាយាមលួចគាស់យកសសរថ្មពីទឹកដីខ្មែរ យកទៅលក់នៅប្រទេសវៀតណាម ដោយមិនខ្វល់មិនគិតថាជា សម្បត្តិគរុភ័ណ្ឌរបស់ជាតិ ឬមិនជាតិណាមួយនោះឡើយ ធ្វើយ៉ាងណាវាជាឱកាសឲ្យពួកគេអាចកើតជាសេដ្ឋីមានបានហើយ។ប្រជាពលរដ្ឋជាច្រើនរស់នៅក្នុងខេត្តមណ្ឌលគិរី សូមសំណូមដល់រាជរដ្ឋាភិបាលកម្ពុជា សូមមេត្តាជួយមានវិធានការការពារទប់ស្កាត់ផង ពីព្រោះថា នៅពេលនេះ តម្លៃទីផ្សារវៀតណាមកំពុងឲ្យថ្លៃខ្លាំង អញ្ចឹងហើយមន្ត្រីមួយចំនួន គឺហោប៉ៅសុទ្ធតែ ចំហរឡើងលើ ធ្វើឲ្យពលរដ្ឋព្រួយបារម្ភករណីបាត់បង់ខ្លាំងណស់ ប្រសិនបើឆ្វេសប្រហេស គឺអាចរលាយអស់ ត្រឹមតែមួយពព្រិចមិនខាន ៕
ព័ត៌មានគួរចាប់អារម្មណ៍
សម្ដេចមហាបវរធិបតីហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជាអញ្ជើញជាអធិបតីដ៏ខ្ពង់ខ្ពស់ក្នុងពិធីបិទសន្និបាតបូកសរុបលទ្ធផលការងារឆ្នាំ ២០២៣ និងលើកទិសដៅការងារឆ្នាំ ២០២៤របស់អាជ្ញាធរជាតិប្រយុទ្ធប្រឆាំងគ្រឿងញៀននិងផ្សព្វផ្សាយផែនការយុទ្ធនាការប្រយុទ្ធប្រឆាំងគ្រឿងញៀនខុសច្បាប់លើកទី៩ (រស្មីសៀមរាប)
តើយុត្តិធម៌មានសម្រាប់ប្រជាពលរដ្ឋទន់ខ្សោយ ស្លូតត្រង់ដែរឬទេ? ឬក៏មានសម្រាប់តែក្រុមបក្សពួកអ្នកមានអំណាចនិងមានលុយ? (រស្មីសៀមរាប)
ល្បែងស៊ីសងបញ្ចូលមាន់និងបៀរការ៉ាត់ជ្រកក្រោមស្លាកយីហោយៀក ថៃកំពុងបើកលេងយ៉ាងពេញបន្ទប់នៅក្នុងសង្កាត់ទន្លេបាសាក់មន្ត្រីមានសមត្ថកិច្ចក្នុងខណ្ឌចំការមន ហាក់សំងំស្ងៀមមិនមានការបង្ក្រាប ផ្គើននិងបទបញ្ជារបស់សម្ដេចតេជោហ៊ុន សែន សង្ស័យជាបានទទួលលាភសក្ការៈពីរដង្ខៅបនល្បែងស៊ីសងខុសច្បាប់នេះហើយមើលទៅ (ស្មីសៀមរាប 090567006)
ល្បែងស៊ីសងបញ្ចូល់មាន់និងបៀរការ៉ាត់ជ្រកក្រោមស្លាកយៀក ថៃ របស់ឈ្មោះ រតនា នៅសង្កាត់ទន្លេបាសាក់ខណ្ឌចំការមនបើកលេងយ៉ាងរលូន មន្រ្តីមានសមត្ថកិច្ចនៃអធិការដ្ឋាននគរបាលខណ្ឌចំការមនរក្សាភាពស្ងៀមស្ងាត់មិនធ្វើការបង្ក្រាប សង្ស័យជាត្រូវថ្នាំសណ្ដំហើយមើលទៅ! (ស្មីសៀមរាប 090567006)
វីដែអូ
ចំនួនអ្នកទស្សនា