នៅព្រឹកថ្ងៃច័ន្ទ ទី២០ ខែមករា ឆ្នាំ២០២០នេះ ក្រសួងព័ត៌មាននិងក្រុមមេធាវីស្ម័គ្រចិត្តលោកនាយករដ្ឋមន្ត្រី ហ៊ុន សែន ប្រមុខដឹក នាំរាជរដ្ឋាភិបាលកម្ពុជា បានបើកកិច្ចប្រជុំរួមគ្នារៀបចំផែន ក្នុងទិសដៅការពារក្តីជូនអ្នកសារព័ត៌មានដែលធ្វើការតាមវិជ្ជាជីវៈ ដែលបានការអញ្ជើញជាអធិបតី ពីរូបលោក ខៀវ កញ្ញារិទ្ធ រដ្ឋមន្ត្រីក្រសួងព័ត៌មាន និងលោក គី តិច ប្រធានក្រុមមេធាវីស្ម័គ្រចិត្តលោក នាយករដ្ឋមន្ត្រី ហ៊ុន សែន ព្រមទាំងមានការចូលរួមពីមន្ត្រីពាក់ព័ន្ធ និងអ្នកសារព័ត៌មានយ៉ាងច្រើនកុះករផងដែរ។គួរបញ្ជាក់ថា អ្នកសារព័ត៌មានទាំងឡាយណាដែលសរសេរព័ត៌មានដោយគោរពតាមក្រមសីលធម៌វិជ្ជាជីវៈ ប៉ុន្តែពេលផ្សព្វផ្សាយ ចេញទៅត្រូវគេប្តឹងទៅវិញនោះ នឹងត្រូវទទួលបានសិទ្ធិការពារ ក្តីពីក្រុមមេធាវីស្ម័គ្រចិត្ត របស់លោកនាយករដ្ឋមន្ត្រី ហ៊ុន សែន ។ លោក គី តិច ដែលជាប្រធានក្រុមមេធាវីស្ម័គ្រចិត្តរបស់នាយករដ្ឋមន្ត្រី ត្រូវមានតួនាទីទទួលខុសត្រូវ បញ្ហាការពារក្តីដល់អ្នកសារ ព័ត៌មាន ដែលធ្វើការគោរពតាមក្រមសីលធម៌វិជ្ជាជីវៈទាំងនោះ។ នេះបើយោងតាមការប្រកាសរបស់លោកនាយករដ្ឋមន្ត្រី ហ៊ុន សែន នាយករដ្ឋមន្រ្តីនៃកម្ពុជា នៅល្ងាចថ្ងៃទី១៤ ខែមករា ឆ្នាំ២០២០ ក្នុងឱកាសរូបលោកអញ្ជើញសំណេះសំណាល និងពិសារ អាហារសាមគ្តី ជាមួយអ្នកសារព័ត៌មានជិត៦ពាន់នាក់ នៅមជ្ឈមណ្ឌលសន្និបាត និងពិព័រណ៍កោះពេជ្រ។ការសម្រេចរបស់ប្រមុខដឹកនាំកំពូលរាជរដ្ឋាភិបាលកម្ពុជា បានធ្វើឡើងបន្ទាប់ពីមានការស្នើសុំពីលោក ខៀវ កាញារីទ្ធ រដ្ឋមន្ត្រី ក្រសួងព័ត៌មាន ហើយបើតាមប្រសាសន៍លោកនាយករដ្ឋមន្ត្រីក៏បានបញ្ជាក់ផងដែរថា ក្រុមមេធាវីស្ម័គ្រចិត្តក៏មានសិទ្ធិបដិសេធ មិនទទួលយកការស្នើសុំការពារក្តីពីអ្នកសារព័ត៌មានណា ដែលផ្សាយព័ត៌មានមិនគោរពក្រមសីលធម៌វិជ្ជាជីវៈ និងផ្សាយព័ត៌មាន បំភ្លៃការពិត។ លោកនាយករដ្ឋមន្ត្រីថែមទាំងបានជំរុញដល់អ្នកសារព័ត៌មានទាំងអស់ឲ្យគោរពពាក្យស្លោក ដែលត្រូវបានរូបលោកដាក់ចេញថា ធ្វើជាអ្នកសារព័ត៌មាន កុំបំពានសិទ្ធិអ្នកដទៃ និងកុំបំភ្លៃការពិត ។ទោះជាយ៉ាងណាក្តី ការផ្តល់ឧិកាសរបស់លោកនាយករដ្ឋមន្ត្រី ហ៊ុន សែន តម្រូវក្រុមមេធាវីរបស់លោកការពារអ្នកសារព័ត៌មានកំពុងត្រូវបានក្រុមអ្នកសារព័ត៌មានអាជីពជាច្រើនបានលើកឡើងថា ចេតនារបស់លោកនាយករដ្ឋមន្ត្រី គឺចង់បានអ្នកសារព័ត៌មានដែលហ៊ាននិយាយការពិត ស្វែងរកចំណុចអវិជ្ជមានរបស់មន្ត្រីរាជការនានានោះ ផ្សព្វផ្សាយចែករំលែកជូនថ្នាក់ដឹកនាំជ្រាប ក្នុង គោលបំណងទិទៀនរិៈគន់ដើម្បីកែលំអរ ប៉ុន្តែក៏មិនមែនប្រើរូបភាពជាអ្នកសារព័ត៌មាន ទៅឡាយជេវាយប្រហារមន្ត្រីរាជការ ទាំងខ្លួនមិនបានសិក្សាស្រាវជ្រាវយកព័ត៌មានឲ្យច្បាស់លាស់នោះ ផងដែរ ៕
ព័ត៌មានគួរចាប់អារម្មណ៍
សម្ដេចមហាបវរធិបតីហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជាអញ្ជើញជាអធិបតីដ៏ខ្ពង់ខ្ពស់ក្នុងពិធីបិទសន្និបាតបូកសរុបលទ្ធផលការងារឆ្នាំ ២០២៣ និងលើកទិសដៅការងារឆ្នាំ ២០២៤របស់អាជ្ញាធរជាតិប្រយុទ្ធប្រឆាំងគ្រឿងញៀននិងផ្សព្វផ្សាយផែនការយុទ្ធនាការប្រយុទ្ធប្រឆាំងគ្រឿងញៀនខុសច្បាប់លើកទី៩ (រស្មីសៀមរាប)
តើយុត្តិធម៌មានសម្រាប់ប្រជាពលរដ្ឋទន់ខ្សោយ ស្លូតត្រង់ដែរឬទេ? ឬក៏មានសម្រាប់តែក្រុមបក្សពួកអ្នកមានអំណាចនិងមានលុយ? (រស្មីសៀមរាប)
ល្បែងស៊ីសងបញ្ចូលមាន់និងបៀរការ៉ាត់ជ្រកក្រោមស្លាកយីហោយៀក ថៃកំពុងបើកលេងយ៉ាងពេញបន្ទប់នៅក្នុងសង្កាត់ទន្លេបាសាក់មន្ត្រីមានសមត្ថកិច្ចក្នុងខណ្ឌចំការមន ហាក់សំងំស្ងៀមមិនមានការបង្ក្រាប ផ្គើននិងបទបញ្ជារបស់សម្ដេចតេជោហ៊ុន សែន សង្ស័យជាបានទទួលលាភសក្ការៈពីរដង្ខៅបនល្បែងស៊ីសងខុសច្បាប់នេះហើយមើលទៅ (ស្មីសៀមរាប 090567006)
ល្បែងស៊ីសងបញ្ចូល់មាន់និងបៀរការ៉ាត់ជ្រកក្រោមស្លាកយៀក ថៃ របស់ឈ្មោះ រតនា នៅសង្កាត់ទន្លេបាសាក់ខណ្ឌចំការមនបើកលេងយ៉ាងរលូន មន្រ្តីមានសមត្ថកិច្ចនៃអធិការដ្ឋាននគរបាលខណ្ឌចំការមនរក្សាភាពស្ងៀមស្ងាត់មិនធ្វើការបង្ក្រាប សង្ស័យជាត្រូវថ្នាំសណ្ដំហើយមើលទៅ! (ស្មីសៀមរាប 090567006)
វីដែអូ
ចំនួនអ្នកទស្សនា