ថ្មីៗនេះ មានសេចក្តីរាយការណ៌មួយចេញពីទឹកដីស្រុកអណ្តូងមាស បានប្រាប់ឲ្យដឹងថា អស់រយៈពេលថ្ងៃ គឺចាប់ពីថ្ងៃទី៣១ ខែ មករា រហូតមកដល់ថ្ងៃទី០១ ខែគុម្ភៈ ឆ្នាំ ២០២០ ម្សិលមិញនេះ កម្លាំងកងរាជអាវុធហត្ថលើផ្ទៃប្រទេស បានសហការ ជាមួយកម្លាំងអាវុធហត្ថខេត្តរតនគិរី បានចុះបង្ក្រាបទីតាំងគំនរឈើជាច្រើនកន្លែង ក្នុងស្រុកអណ្តូងមាស ប៉ុន្តែនៅក្នុងបេសក កម្ម២ថ្ងៃនេះ គេមិនបានឃើញសមត្ថកិច្ចអាជ្ញាធរដែនដី និងសមត្ថកិច្ចជំនាញរដ្ឋបាលព្រៃឈើ រួមនិងកម្លាំងបរិស្ថាន បាន ចូលរួមនោះទេ ។ សេចក្តីរាយការណ៌នោះបានបន្តថា ដោយទីតាំងច្រកអូរយ៉ាដាវត្រូវបានអាជ្ញាធរខេត្តរតនគិរីបិទ មិនឲ្យមានចរន្តឈើឆ្លងកាត់ ឈើទាំងអស់ចាប់ផ្តើមហូរបញ្ច្រាសខ្យល់ គឺចេញពីទឹកដីអូរយ៉ាដាវ និងពីភូមិភិ ចេញឆ្លងចូលទៅប្រទេសវៀតណាម តាម ច្រកអូរសេដ្ឋី ក្នុងនោះឈើជាច្រើនគំនរត្រូវបានគរនៅចំណុចព្រំដែន គឺក្នុងខាងទឹកដីខ្មែរ គេហៅថា ភូមិកាំងម្លូរ ឃុំញ៉ាង ស្រុក អណ្តូងមាស ចំណែកឯទឹកដីវៀតណាម គេហៅថា ហ្វាសៅហ្វាតាំ ដែលកន្លងមកទីតាំងមួយនេះ គឺមិនធ្លាប់មានកម្លាំង សមត្ថកិច្ចណាមួយចុះបង្ក្រាបនោះទេ ថ្វីបើកន្លងមកទឹកដីខេត្តរនតគិរី បង្ក្រាបគ្រប់កន្លែង យ៉ាងណាក៏ដោយ ។ក្រោមការចុះបង្ក្រាបយ៉ាងល្អិតល្អន់ពីសំណាក់កម្លាំងកងរាជអាវុធហត្ថនេះ សម្រាប់អាជ្ញាធរដែនដី ហាក់បីដូចជាមិនសូវ សប្បាយចិត្តនោះទេ ដោយគេធ្លាប់បានលេចល្បីថា ការដែលក្រុមឈ្មួញអាចយកឈើខុសច្បាប់នាំចូលទៅប្រទេសវៀត ណាមនោះ ក៏ព្រោះតែបុគ្គលជាមន្ត្រីអាជ្ញាធរមួយចំនួន ក៏ជាអ្នកជួយសម្រួលផងដែរ អញ្ចឹងហើយនៅពេលសមត្ថកិច្ចកង រាជអាវុធហត្ថបង្ក្រាប គឺអាចធ្វើឲ្យមន្ត្រីមួយចំនួននោះ ខាតបង់ប្រយោជន៌ចូលហោប៉ៅ ទើបសូម្បីតែរវីរវល់ ក៏អស់លោក ទាំងអស់នោះ មិនចង់អើពើដែរ ។សូមបញ្ជាក់ថា នៅក្នុងបេសកម្ម២ថ្ងៃរបស់កម្លាំងកងរាជអាវុធហត្ថលើផ្ទៃប្រទេស រួមនឹងកម្លាំងកងរាជអាវុធហត្ថខេត្តរតនគិរីគឺបង្ក្រាបបានឈើខុសច្បាប់ជាច្រើនម៉ែត្រគូប ប៉ុន្តែដោយមិនអាចដឹកឆ្លងទន្លេយកមករក្សាទុកក្នុងខណ្ឌរដ្ឋបាលព្រៃឈើបាន កម្លាំងកងរាជអាវុធហត្ថទាំងអស់ បានសម្រេចរក្សាទុកនៅក្នុងទីស្នាក់ការ ៧៨៧ កងរាជអាវុធ ឃុំញ៉ាង ជាបណ្តោះអាសន្ន សិន ។សម្រាប់ព័ត៌មានដ៏រសើបមួយនេះ ប្រជាពលរដ្ឋជាច្រើនបានរិៈគន់ទៅលើអាជ្ញាធររដ្ឋអំណាចរបស់ខ្លួន ដោយលើកឡើងថា អារឿងបង្ក្រាបបទល្មើសឈើខុសច្បាប់នេះ ត្រង់កម្លាំងកងរាជអាវុធនៅលើៗ គេចេះមកចុះបង្ក្រាប ត្រង់អាជ្ញាធរពួកគាត់នៅ ទីតាំងផ្ទាល់ បែរជាមិនរវីរវល់ ទុកឲ្យបទល្មើសឈើហូរចូលទៅស្រុកយួនឲ្យតែរហូត បើតែយ៉ាងៗនឹងទៅ តើឲ្យពួកគាត់មាន ចំនឿចិត្តយ៉ាងម៉េចកើត ៕
ព័ត៌មានគួរចាប់អារម្មណ៍
សម្ដេចមហាបវរធិបតីហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជាអញ្ជើញជាអធិបតីដ៏ខ្ពង់ខ្ពស់ក្នុងពិធីបិទសន្និបាតបូកសរុបលទ្ធផលការងារឆ្នាំ ២០២៣ និងលើកទិសដៅការងារឆ្នាំ ២០២៤របស់អាជ្ញាធរជាតិប្រយុទ្ធប្រឆាំងគ្រឿងញៀននិងផ្សព្វផ្សាយផែនការយុទ្ធនាការប្រយុទ្ធប្រឆាំងគ្រឿងញៀនខុសច្បាប់លើកទី៩ (រស្មីសៀមរាប)
តើយុត្តិធម៌មានសម្រាប់ប្រជាពលរដ្ឋទន់ខ្សោយ ស្លូតត្រង់ដែរឬទេ? ឬក៏មានសម្រាប់តែក្រុមបក្សពួកអ្នកមានអំណាចនិងមានលុយ? (រស្មីសៀមរាប)
ល្បែងស៊ីសងបញ្ចូលមាន់និងបៀរការ៉ាត់ជ្រកក្រោមស្លាកយីហោយៀក ថៃកំពុងបើកលេងយ៉ាងពេញបន្ទប់នៅក្នុងសង្កាត់ទន្លេបាសាក់មន្ត្រីមានសមត្ថកិច្ចក្នុងខណ្ឌចំការមន ហាក់សំងំស្ងៀមមិនមានការបង្ក្រាប ផ្គើននិងបទបញ្ជារបស់សម្ដេចតេជោហ៊ុន សែន សង្ស័យជាបានទទួលលាភសក្ការៈពីរដង្ខៅបនល្បែងស៊ីសងខុសច្បាប់នេះហើយមើលទៅ (ស្មីសៀមរាប 090567006)
ល្បែងស៊ីសងបញ្ចូល់មាន់និងបៀរការ៉ាត់ជ្រកក្រោមស្លាកយៀក ថៃ របស់ឈ្មោះ រតនា នៅសង្កាត់ទន្លេបាសាក់ខណ្ឌចំការមនបើកលេងយ៉ាងរលូន មន្រ្តីមានសមត្ថកិច្ចនៃអធិការដ្ឋាននគរបាលខណ្ឌចំការមនរក្សាភាពស្ងៀមស្ងាត់មិនធ្វើការបង្ក្រាប សង្ស័យជាត្រូវថ្នាំសណ្ដំហើយមើលទៅ! (ស្មីសៀមរាប 090567006)
វីដែអូ
ចំនួនអ្នកទស្សនា