បែកធ្លាយឲ្យហុយសំពោងថ្មីមួយទៀតហើយ ដើមឈើប្រភេទគគីខ្នាតយក្ស ដែលមានអាយុកាលរាប់រយឆ្នាំជាប្រភេទដើមឈើដ៏កម្រមាន សម្រាប់ទឹកដីកម្ពុជា ជាពិសេសនោះ គឺនៅរៀងរាល់ឆ្នាំ គឺតែងមានទាំងសហគមន៌ និងព្រះសង្ឃធ្វើពិធីបង្សកូលបំបួសដើមឈើផងនោះ នៅពេលនេះគឺស្រាប់តែត្រូវបានគេប្រទះឃើញមានក្រុមជនទុច្ចរិតអារផ្តួលរំលំ គួរឲ្យស្រណោះស្តាយបំផុត ។ទីតាំងដែលត្រូវបានក្រុមជនល្មើសធ្វើសកម្មភាពនោះ គឺស្ថិតនៅក្នុងភូមិសាស្ត្រអូរក្រួត ឃុំសៀមបូក ស្រុក សៀមបូក ខេត្តស្ទឹងត្រែង ហើយអ្វីដែលគួរឲ្យសោកស្តាយនោះ គឺថាដើមឈើទាំងអស់នោះ គឺជាប្រភេទដើម ឈើ ដ៏កម្រមាននៅក្នុងទឹកដីកម្ពុជា ព្រោះវាមានអាយុកាលរាប់រយឆ្នាំមកហើយ ជាទិសដៅរាជរដ្ឋាភិបាលចាំបាច់ណាស់តម្រូវឲ្យស្ថាប័នមន្ត្រីបរិស្ថានដែនជម្រកថែរក្សាការពារ ស្រាប់តែពេលនេះត្រូវបានបាត់បង់គួរឲ្យសោកស្តាយ ។សេចក្តីរាយការណ៌នោះបានបន្តថា ការដែលមើលនៅក្នុងស្ថានភាពរូបភាព ក្រុមជនទុច្ចរិតអាចកាត់ដើម ឈើដែលមានមុខកាត់ដ៏សែនធំនេះបាន គឺពួកគេចាំបាច់ប្រើម៉ាស៊ីនអារឈើ ហើយជាក់ស្តែងការប្រើម៉ា ស៊ីនអារឈើ ឬក៏ម៉ាស៊ីនង៉ោងនេះ គឺសម្លេងវាលាន់ឮខ្លាំង ណាស់ ស្ទើរតែរញ្ជួញព្រៃឯណោះ ប៉ុន្តែគេឆ្ងល់ថា តើមូលហេតុអ្វីបានជាអស់លោកមន្ត្រីបរិស្ថានដែន ជម្រកព្រៃឡង់ មិនដឹងមិនឮសោះយ៉ាងចឹង ឬមួយក៏ថា អស់លោកបានដឹងហើយ ក៏ធ្វើមិនដឹង ជាចេតនា ប្រយោលសម្រាប់ការទុកឧិកាលឲ្យជនល្មើសធ្វើសកម្មភាព ។មន្ត្រីបរិស្ថានជាក់ស្តែងគឺជាអ្នកអនុវត្តន៌គម្រោងការពារដែនជម្រក ក្នុងនោះមានបេសកម្មការពារថែរក្សាក៏ដូចទប់ស្កាត់រាល់បទល្មើសទាំងអស់ ដើម្បីជួយឲ្យមានការកើនឡើងធនធានជីវៈចម្រុះនៅក្នុងតំបន់ដែល ខ្លួនការពារ ប៉ុន្តែគេចម្លែកតែអស់លោកបរិស្ថានដែនជម្រកព្រៃឡង់ ក្នុងភូមិសាស្ត្រទឹកដីខេត្តស្ទឹងត្រែង នេះវិញ តើមូលហេតុអ្វីបានជាលោកប្រធានដែនជម្រកព្រៃឡង់ គ្មានភាពទទួលខុសត្រូវលើការងារខ្លួនយ៉ាង សោះអញ្ចឹង ។មតិមហាជនជាច្រើនបានលើកឡើងថា រាជរដ្ឋាភិបាលដែលមានរូបលោកនាយករដ្ឋមន្ត្រីជាប្រមុខ តែងមាន ជំនឿជឿ ជាក់លើភាពទទួលខុសត្រូវ របស់ដែនជម្រកការពារព្រៃឡង់ខេត្តស្ទឹងត្រែង ថាអាចការពារដើម ឈើធំៗដ៏កម្រមាននេះ ប៉ុន្តែផ្ទុយទៅវិញបើមន្ត្រីបរិស្ថានមួយចំនួន តែងតែឆ្វេសប្រហេសការងារតែយ៉ាងចឹងតើជំនឿចិត្តរាជរដ្ឋាភិបាល ជាពិសេសនោះជំនឿចិត្តសង្គមទាំងមូល ទៅជាយ៉ាងណាសម្រាប់អស់លោកដែនជម្រកនេះ ។
ព័ត៌មានគួរចាប់អារម្មណ៍
សម្ដេចមហាបវរធិបតីហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជាអញ្ជើញជាអធិបតីដ៏ខ្ពង់ខ្ពស់ក្នុងពិធីបិទសន្និបាតបូកសរុបលទ្ធផលការងារឆ្នាំ ២០២៣ និងលើកទិសដៅការងារឆ្នាំ ២០២៤របស់អាជ្ញាធរជាតិប្រយុទ្ធប្រឆាំងគ្រឿងញៀននិងផ្សព្វផ្សាយផែនការយុទ្ធនាការប្រយុទ្ធប្រឆាំងគ្រឿងញៀនខុសច្បាប់លើកទី៩ (រស្មីសៀមរាប)
តើយុត្តិធម៌មានសម្រាប់ប្រជាពលរដ្ឋទន់ខ្សោយ ស្លូតត្រង់ដែរឬទេ? ឬក៏មានសម្រាប់តែក្រុមបក្សពួកអ្នកមានអំណាចនិងមានលុយ? (រស្មីសៀមរាប)
ល្បែងស៊ីសងបញ្ចូលមាន់និងបៀរការ៉ាត់ជ្រកក្រោមស្លាកយីហោយៀក ថៃកំពុងបើកលេងយ៉ាងពេញបន្ទប់នៅក្នុងសង្កាត់ទន្លេបាសាក់មន្ត្រីមានសមត្ថកិច្ចក្នុងខណ្ឌចំការមន ហាក់សំងំស្ងៀមមិនមានការបង្ក្រាប ផ្គើននិងបទបញ្ជារបស់សម្ដេចតេជោហ៊ុន សែន សង្ស័យជាបានទទួលលាភសក្ការៈពីរដង្ខៅបនល្បែងស៊ីសងខុសច្បាប់នេះហើយមើលទៅ (ស្មីសៀមរាប 090567006)
ល្បែងស៊ីសងបញ្ចូល់មាន់និងបៀរការ៉ាត់ជ្រកក្រោមស្លាកយៀក ថៃ របស់ឈ្មោះ រតនា នៅសង្កាត់ទន្លេបាសាក់ខណ្ឌចំការមនបើកលេងយ៉ាងរលូន មន្រ្តីមានសមត្ថកិច្ចនៃអធិការដ្ឋាននគរបាលខណ្ឌចំការមនរក្សាភាពស្ងៀមស្ងាត់មិនធ្វើការបង្ក្រាប សង្ស័យជាត្រូវថ្នាំសណ្ដំហើយមើលទៅ! (ស្មីសៀមរាប 090567006)
វីដែអូ
ចំនួនអ្នកទស្សនា