ផ្តើមបែកធ្លាយធមក្លិនបញ្ច្រាសខ្យល់ខណៈដែលគេបានឃើញសកម្មភាពទីតាំងឈើខុសច្បាប់ជាច្រើនបានរីកដូច ផ្សិតក្បែរទៅនឹងទីស្នាក់ការរដ្ឋបាលព្រៃឈើរលួសមានជ័យ ប៉ុន្តែអស់លោកមន្ត្រីជំនាញទាំងអស់នោះ មិនធ្លាប់ធ្វើ ការបង្ក្រាប ផ្ទុយទៅវិញឲ្យតែសកម្មភាពបទល្មើសឈើខុសច្បាប់ទាំងអស់នោះ គឺតែងតែមានសភាពដំណើរកាន់ តែរលូនលើសដើម យ៉ាងចម្លែក ។ប្រភពព័ត៌មានចេញពីឃុំរលួសមានជ័យ ស្រុកសំបូរ ខេត្តក្រចេះ បានប្រាប់ឲ្យដឹងថា លោក តែ រី ត្រូវគេបានដឹងថា ជានាយ សង្កាត់រលួសមានជ័យ គឺទំនងជាអាចពាក់ព័ន្ធទៅនឹងបទល្មើសព្រៃឈើទាំងអស់នេះមើលទៅ ប្រសិនបើរូបលោកមិនពាក់ព័ន្ធជាមួយនឹងសកម្មភាពបទល្មើសនោះទេ ម៉្លេះសមក្រុមឈ្មួញទុច្ចរិតមិនអាចនាំគ្នាធ្វើសកម្ម ភាពបានយ៉ាងសម្បើមដូច្នេះនោះទេ ។ ស្របពេលទៅនឹងសកម្មភាពក្រុមឈ្មួញជំនួញឈើខុសច្បាប់កាន់តែមានកំណើនច្រើនឡើង ក្បែរទៅនឹងទីស្នាក់ ការផងនោះ គេក៏បានតែងតែឃើញសេដ្ឋកិច្ចការចាយវាយរបស់លោក តែ រី គឺហាក់បីដូចជាទូលាយជាងពេលមុន ឆ្ងាយណាស់ ដែលកាន់តែធ្វើឲ្យពលរដ្ឋជាច្រើនមានមន្ទិលសង្ស័យលើសពេលមុន តែម្តង ។ ប្រភពក៏បានបន្តថា វាជារឿងគួរឲ្យហួសចិត្តពេក្រៃណាស់ ពួកគាត់ងឿងឆ្ងល់ថា តើរូបលោក តែ រី នាយសង្កាត់ រូបនេះ គាត់ដាក់ស្នាក់ការរបស់ខ្លួនធ្វើអ្វី បើមិនមានការបង្ក្រាបអីតិចសោះចឹងនោះ ជាក់ស្តែងក្បែរទីតាំងស្នាក់ ការរបស់លោក តែ រី នេះពោរពេញដោយបទល្មើសព្រៃឈើពេញបន្ទុកតែម្តង ហើយឈើទាំងអស់នោះ គឺតែង ដាក់តាំងសំញើញប្រៀបដូចទីផ្សារលក់ត្រីអីចឹង ។ប្រជាពលរដ្ឋរស់នៅក្នុងស្រុកសំបូរ សំណូមពរដល់រូបលោក វ៉ា ថន អភិបាល នៃគណៈអភិបាលខេត្តក្រចេះ សូមមេត្តាជួយពិនិត្យមើលពីភាពស្ពឹកស្រពន់របស់លោក តែ រី នេះខ្លះផង ពីព្រោះថា ប្រសិនបើពលរដ្ឋក្នុងមូលដ្ឋាន កាប់ឈើត្រឹមតែតិចតួច គឺតែងរងនូវការគៀបសង្កត់ពីរូបលោក តែ រី ជានិច្ច ផ្ទុយទៅវិញត្រង់ក្រុមឈ្មួញមានលុយ បែរជាអាចធ្វើបទល្មើសឈើខុសច្បាប់បានយ៉ាងសេរី ដែលក្លាយជាភាពអយុត្តិធម៌សម្រាប់ពលរដ្ឋក្នុងមូលដ្ឋានយ៉ាងខ្លាំង ។សម្រាប់ព័ត៌មាននេះ លោក តែ រី នាយសង្កាត់រដ្ឋបាលព្រៃឈើរលួសមានជ័យ អង្គភាពយើងមិនអាចសុំការបំភ្លឺ បាននៅឡើយទេ ក្នុងថ្ងៃនេះ ៕
ព័ត៌មានគួរចាប់អារម្មណ៍
សម្ដេចមហាបវរធិបតីហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជាអញ្ជើញជាអធិបតីដ៏ខ្ពង់ខ្ពស់ក្នុងពិធីបិទសន្និបាតបូកសរុបលទ្ធផលការងារឆ្នាំ ២០២៣ និងលើកទិសដៅការងារឆ្នាំ ២០២៤របស់អាជ្ញាធរជាតិប្រយុទ្ធប្រឆាំងគ្រឿងញៀននិងផ្សព្វផ្សាយផែនការយុទ្ធនាការប្រយុទ្ធប្រឆាំងគ្រឿងញៀនខុសច្បាប់លើកទី៩ (រស្មីសៀមរាប)
តើយុត្តិធម៌មានសម្រាប់ប្រជាពលរដ្ឋទន់ខ្សោយ ស្លូតត្រង់ដែរឬទេ? ឬក៏មានសម្រាប់តែក្រុមបក្សពួកអ្នកមានអំណាចនិងមានលុយ? (រស្មីសៀមរាប)
ល្បែងស៊ីសងបញ្ចូលមាន់និងបៀរការ៉ាត់ជ្រកក្រោមស្លាកយីហោយៀក ថៃកំពុងបើកលេងយ៉ាងពេញបន្ទប់នៅក្នុងសង្កាត់ទន្លេបាសាក់មន្ត្រីមានសមត្ថកិច្ចក្នុងខណ្ឌចំការមន ហាក់សំងំស្ងៀមមិនមានការបង្ក្រាប ផ្គើននិងបទបញ្ជារបស់សម្ដេចតេជោហ៊ុន សែន សង្ស័យជាបានទទួលលាភសក្ការៈពីរដង្ខៅបនល្បែងស៊ីសងខុសច្បាប់នេះហើយមើលទៅ (ស្មីសៀមរាប 090567006)
ល្បែងស៊ីសងបញ្ចូល់មាន់និងបៀរការ៉ាត់ជ្រកក្រោមស្លាកយៀក ថៃ របស់ឈ្មោះ រតនា នៅសង្កាត់ទន្លេបាសាក់ខណ្ឌចំការមនបើកលេងយ៉ាងរលូន មន្រ្តីមានសមត្ថកិច្ចនៃអធិការដ្ឋាននគរបាលខណ្ឌចំការមនរក្សាភាពស្ងៀមស្ងាត់មិនធ្វើការបង្ក្រាប សង្ស័យជាត្រូវថ្នាំសណ្ដំហើយមើលទៅ! (ស្មីសៀមរាប 090567006)
វីដែអូ
ចំនួនអ្នកទស្សនា