កាន់តែរងនូវការខ្លាំងឡើងៗហើយ លោក ជា ពិសី អភិបាលខណ្ឌឬស្សីកែវ បង្ក្រាបទីតាំងសង្វៀនជល់មាន់ និង លេងអាប៉ោងខុសច្បាប់មួយកន្លែង ដែលមានទីតាំងស្ថិតនៅក្នុងភូមិ ខ១ សង្កាត់ច្រាំងចំរេះ ២ ខណ្ឌឬស្សីកែវ រាជ ធានីភ្នំពេញ កាលពីថ្ងៃទី១ ខែកុម្ភៈ ឆ្នាំ ២០២០ នោះ គឺត្រឹមតែមួយរយៈប៉ុណ្ណោះ ស្រាប់តែឥឡូវបើកដំណើរការលេងឲ្យកក្រើកលើសពេលមុន ហើយល្បីថា បានជូនប្រយោជន៌ជូនខណ្ឌហើយទៀតផង ។សេចក្តីរាយការណ៌មួយបានប្រាប់ឲ្យដឹងថា នៅព្រឹកថ្ងៃទី ២៦ ខែកុម្ភៈ ឆ្នាំ ២០២០ នេះ មានក្រុមអ្នកសារព័ត៌ជា ច្រើនអង្គភាព បានចុះទៅដល់ទីតាំងសង្វៀនជល់មាន់ និងលេងអាប៉ោងខុសច្បាប់ ដែលមានទីតាំងដូចពីខាងដើមហើយពេលនោះ ក្រុមអ្នកលេងមាន់ និងអាប៉ោងជាច្រើន បានលើកឡើងថា ចប់តែម្តងអស់លោកអ្នកកាសែតទាំង អស់នេះ ក៏ពូកែដឹងអីដឹងម៉្លេះ ពួកគេទើបតែចាត់ចែងជូនខាងសមត្ថកិច្ចខណ្ឌទើបតែហើយ ឥឡូវនេះស្រាប់តែអ្នកកាសែតរាប់សិបអង្គភាពចុះមកថត ហើយបើចង់ថតអីថតទៅ ថតឲ្យអស់ចិត្តតែម្តងទៅ សមត្ថកិច្ចខណ្ឌឲ្យលេង អ្នកកាសែតបែរជាមកថត យ៉ាប់ណាស់ ។ការខឹងសម្បាររបស់ក្រុមអ្នកញៀនល្បែង គឺកំពុងតែសបញ្ជាក់ថា លោក ជា ពិសី អភិបាលខណ្ឌឬស្សីកែវ បង្ក្រាប ទីតាំងសង្វៀនជល់មាន់ និងលេងអាប៉ោងខុសច្បាប់កន្លងមកនេះ គឺត្រឹមតែជាការសម្តែងគ្មានប្រសិទ្ធិភាពអ្វីបន្តិច ព្រោះថា ទីតាំងដែលខ្លួនបង្ក្រាបគួរណាស់តែអាជ្ញាធររដ្ឋអំណាចមូលដ្ឋានទទួលខុសត្រូវ ក្នុងការរួមចំណែកទប់ ស្កាត់សកម្មភាពបទល្មើសទាំងអស់នេះ ប៉ុន្តែផ្ទុយទៅវិញ ក្រុមអ្នកញៀនល្បែងកាន់តែចូលទៅលេងឲ្យគគ្រឹក គគ្រេង ហើយប្រកាសឲ្យក្តែងៗថា បានដោះប្រយោជន៌ឲ្យសមត្ថកិច្ចខណ្ឌហើយទៀតផងនោះ តើរាល់សកម្មភាព ទាំងអស់នោះកន្លងមក តើវាជាការសម្តែងរបស់លោក ជា ពិសី ឬក៏យ៉ាងណា?គួរបញ្ជាក់ថា ការណែនាំរបស់លោក ឃួង ស្រេង អភិបាល នៃគណៈអភិបាល រាជធានីភ្នំពេញ កន្លងមក គឺមាន បំណងការពារសន្តិសុខជូនប្រជាពលរដ្ឋ ទប់ស្កាត់ឲ្យបាននូវចោរកម្ម ចោរលួច ឆក់ប្លន់ ដែលកើតឡើងជាយថា ហេតុ ព្រោះតែជនល្មើសមួយចំនួនញៀនទៅនឹងល្បែងខុសច្បាប់ទាំងអស់នេះ នៅពេលដែលញៀនកាន់តែខ្លាំងហើយគ្មានលុយលេងភ្នាល់ ទើបពួកគេសម្រេចធ្វើសកម្មភាពឆក់ប្លន់ និងអំពើហឹង្សា ក្នុងគ្រួសារនានា ហើយកន្លង មកលោក ឃួង ស្រេង ក៏តែងតែមានជំនឿចិត្តលើសមត្ថកិច្ចអាជ្ញាធរមូលដ្ឋានក្នុងការការពារឲ្យបានសន្តិសុខគោល នយោបាយភូមិឃុំមានសុវត្តិភាព ប៉ុន្តែផ្ទុយទៅវិញបើអាជ្ញាធរខណ្ឌឬស្សីកែវ ដែលមានរូបលោក ជា ពិសី ជាថ្នាក់ ដឹកនាំ ទន់ជ្រាយតែយ៉ាងចឹង ទុកឲ្យសកម្មភាពបទល្មើសដែលខ្លួនបង្រ្កាបហើយ កើតលេងយ៉ាងគគ្រឹកគគ្រេងលើស ដើមវិញនោះ តើប្រសិទ្ធិ ភាពរបស់ខណ្ឌមួយនេះ អាចឲ្យពលរដ្ឋមានជំនឿចិត្ត និងកក់ក្តៅបានរបៀបម៉េចទៅ ។ទោះជាយ៉ាងណា អង្គភាពព័ត៌មានយើង និងរង់ចាំយកចំណាត់ការរបស់អាជ្ញាធរខណ្ឌឬស្សីកែវ ក្រោមកណ្តាប់ដៃ លោក ជា ពិសី ផ្សាយជូនមហាជនជ្រាបនៅពេលខាងមុខ ៕
ព័ត៌មានគួរចាប់អារម្មណ៍
សម្ដេចមហាបវរធិបតីហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជាអញ្ជើញជាអធិបតីដ៏ខ្ពង់ខ្ពស់ក្នុងពិធីបិទសន្និបាតបូកសរុបលទ្ធផលការងារឆ្នាំ ២០២៣ និងលើកទិសដៅការងារឆ្នាំ ២០២៤របស់អាជ្ញាធរជាតិប្រយុទ្ធប្រឆាំងគ្រឿងញៀននិងផ្សព្វផ្សាយផែនការយុទ្ធនាការប្រយុទ្ធប្រឆាំងគ្រឿងញៀនខុសច្បាប់លើកទី៩ (រស្មីសៀមរាប)
តើយុត្តិធម៌មានសម្រាប់ប្រជាពលរដ្ឋទន់ខ្សោយ ស្លូតត្រង់ដែរឬទេ? ឬក៏មានសម្រាប់តែក្រុមបក្សពួកអ្នកមានអំណាចនិងមានលុយ? (រស្មីសៀមរាប)
ល្បែងស៊ីសងបញ្ចូលមាន់និងបៀរការ៉ាត់ជ្រកក្រោមស្លាកយីហោយៀក ថៃកំពុងបើកលេងយ៉ាងពេញបន្ទប់នៅក្នុងសង្កាត់ទន្លេបាសាក់មន្ត្រីមានសមត្ថកិច្ចក្នុងខណ្ឌចំការមន ហាក់សំងំស្ងៀមមិនមានការបង្ក្រាប ផ្គើននិងបទបញ្ជារបស់សម្ដេចតេជោហ៊ុន សែន សង្ស័យជាបានទទួលលាភសក្ការៈពីរដង្ខៅបនល្បែងស៊ីសងខុសច្បាប់នេះហើយមើលទៅ (ស្មីសៀមរាប 090567006)
ល្បែងស៊ីសងបញ្ចូល់មាន់និងបៀរការ៉ាត់ជ្រកក្រោមស្លាកយៀក ថៃ របស់ឈ្មោះ រតនា នៅសង្កាត់ទន្លេបាសាក់ខណ្ឌចំការមនបើកលេងយ៉ាងរលូន មន្រ្តីមានសមត្ថកិច្ចនៃអធិការដ្ឋាននគរបាលខណ្ឌចំការមនរក្សាភាពស្ងៀមស្ងាត់មិនធ្វើការបង្ក្រាប សង្ស័យជាត្រូវថ្នាំសណ្ដំហើយមើលទៅ! (ស្មីសៀមរាប 090567006)
វីដែអូ
ចំនួនអ្នកទស្សនា