ទោះជាយ៉ាងណា សម្រាប់ការងាររបស់មន្ត្រីរដ្ឋបាលព្រៃឈើនៅពេលបច្ចុប្បន្ននេះ ប្រជាពលរដ្ឋជាច្រើននិយាយ គ្រប់ៗមាត់ថា គឺហាក់បីដូចជាបទចម្រៀង អាជ័យធ្លាក់ទឹកហៃអើៗ ច្រៀងមិនចេះឈប់ទៅហើយ យ៉ាងណាមិញ ឈើចំនួន៦៣ដុំ ត្រូវបានសង្ងំលាក់ខ្លួនននៀលដេកក្នុងទឹករាប់ឆ្នាំ ក្បែរទៅនឹងទីស្នាក់ការរបស់សង្កាត់រដ្ឋបាលព្រៃ ឈើសណ្តាន់ បានយ៉ាងសុខសាន្តខ្លាំងណាស់ លុះបែកការធ្លាយដល់កម្លាំងកងរាជអាវុធហត្ថផ្ទៃប្រទេស សហការ ជាមួយកងរាជអាវុធហត្ថខេត្តក្រចេះ ចុះបង្ក្រាប ទើបបែកធ្លាយថា មន្ត្រីរដ្ឋបាលព្រៃឈើបានដឹងថាទីតាំងនេះលាក់ ឈើយូរហើយ តែព្រោះជាឈើចាស់ទើបខ្លួនមិនចាត់ការ ដោយឡែកតែខាងកងរាជអាវុធហត្ថបានយកកាំបិត កាប់ចាំងមើល គឺឃើញថា សាច់ឈើនៅល្អ ទើបសង្ងំដេកក្នុងទឹករយៈពេលខ្លីប៉ុណ្ណោះនោះទេ ។សេចក្តីរាយការណ៌មួយបានឲ្យដឹងថា កាលពីថ្ងៃទី១៣ ខែមីនា ឆ្នាំ ២០២០ កន្លងទៅនេះ ក្រុមអ្នកសារព័ត៌មាន បានប្រទះឃើញមានឈើជាច្រើនដុំសង្ងំនៅក្នុងទឹក ដែលស្ថិតនៅក្នុងភូមិសណ្តាន់ ឃុំសណ្តាន់ ស្រុកសំបូរ ខេត្តក្រចេះ ដែលឃ្លាតឆ្ងាយពីទីស្នាក់ការសង្កាត់រដ្ឋបាលព្រៃឈើសណ្តាន់ ត្រឹមតែប៉ុន្មានរយម៉ែត្រប៉ុណ្ណោះ ។ក្រោយដែលក្រុមអ្នកសារព័ត៌មានបានប្រទះឃើញកំណាត់ឈើទាំងអស់នោះហើយ ក៏បានរាយការណ៌ជូនទៅរូបលោកឧត្តមសេនីយ៌ត្រី សាន ប៊ុនថាន មេបញ្ជាការកងរាជអាវុធហត្ថខេត្តក្រចេះ ប៉ុន្តែខលចូលជាច្រើនលើក មិនមានអ្នកទទួល ទើបសម្រេចចិត្តខលទៅរូបលោកឧត្តមសេនីយ៌ឯក នួន សារី កងរាជអាវុធហត្ថលើផ្ទៃប្រទេស ហើយរូបលោកឧត្តមសេនីយ៌ឯក ក៏បានបញ្ជាកម្លាំងកងរាជអាវុធហត្ថលើផ្ទៃប្រទេស សហការជាមួយកងរាជ អាវុធហត្ថខេត្តក្រចេះ បានចុះប្រមូលឈើដែលសង្ងំនៅក្នុងទឹកនោះ ព្រមទាំងមានការចូលរួមពីមន្ត្រីសង្កាត់រដ្ឋ បាលព្រៃឈើសណ្តាន់ ផងដែរ ។ជាលទ្ធផល កំណាត់ឈើទាំងអស់គឺមានចំនួន៦៣ដុំ មានមុខកាត់ចាប់មុខ៣០ រហូតដល់មុខ៥០ ប៉ុន្តែនៅមិន ទាន់អាចកំណត់បានថា ចំនួនឈើទាំងអស់នោះមានចំនួនប៉ុន្មានម៉ែត្រគូបឲ្យបាននៅឡើយទេ ព្រោះថា ពេល វេលាកាន់តែយប់ទៅហើយ ។សម្រាប់ការចុះប្រមូលឈើទាំងអស់នោះផងដែរ ខាងមន្ត្រីរដ្ឋបាលព្រៃឈើបានលើកឡើងថា ឈើទាំងនេះ គឺរូបលោកទាំងអស់បានដឹងយូរហើយ ប៉ុន្តែជាឈើចាស់ពុកផុយ ទើបរូបលោកទាំងអស់មិនចាត់ការប្រមូលយកទៅរក្សាទុកនៅស្នាក់ ប៉ុន្តែសម្រាប់កងរាជអាវុធហត្ថវិញ បានយកកាំបិតកាប់ចាំងមើល គឺឃើញថា ឈើទាំងអស់ នោះនៅល្អណាស់ សាច់ឈើគឺរឹងល្អ បើគិតពីគុណភាព ឈើនេះ អាចនឹងត្រូវក្រុមឈ្មួញលាក់ទុករយៈពេលខ្លី មិនដូចជាការលើកឡើងដោះសារ របស់មន្ត្រីរដ្ឋបាលព្រៃឈើនោះឡើយ ។ក្រោយពេលដែលប្រមូលបានហើយ វត្ថុតាងឈើទាំងអស់ កងរាជអាវុធហត្ថសម្រេចប្រគល់ជូនទៅមន្ត្រីរដ្ឋបាលព្រៃឈើរក្សាទុក ។ប្រជាពលរដ្ឋដែលបានដឹងឮរឿងហេតុទាំងអស់នេះ បានលើកឡើងថា ចប់ហើយមន្ត្រីរដ្ឋបាលព្រៃឈើសម័យ ទំនើបនេះ បើតែយ៉ាងនឹង តើបង្កើតច្បាប់ ស្តីពី រដ្ឋបាលព្រៃឈើ ធ្វើអី បើបង្កើតច្បាប់មកហើយចាប់តែពលរដ្ឋ អ្នកក្រដាក់គុក ចុះមន្ត្រីរដ្ឋបាលព្រៃឈើ ដឹងហើយថា មានបទល្មើស ប៉ុន្តែមិនអនុវត្តន៌ច្បាប់ ចេតនាជួយឲ្យមាន សកម្មភាពបទល្មើសដោយប្រយ៉ោលនោះ តើមាត្រដែលចែងក្នុងច្បាប់នេះផងដែរនោះ មិនមានប្រសិទ្ធិភាពច្បាប់ អីសោះចឹង ៕
ព័ត៌មានគួរចាប់អារម្មណ៍
សម្ដេចមហាបវរធិបតីហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជាអញ្ជើញជាអធិបតីដ៏ខ្ពង់ខ្ពស់ក្នុងពិធីបិទសន្និបាតបូកសរុបលទ្ធផលការងារឆ្នាំ ២០២៣ និងលើកទិសដៅការងារឆ្នាំ ២០២៤របស់អាជ្ញាធរជាតិប្រយុទ្ធប្រឆាំងគ្រឿងញៀននិងផ្សព្វផ្សាយផែនការយុទ្ធនាការប្រយុទ្ធប្រឆាំងគ្រឿងញៀនខុសច្បាប់លើកទី៩ (រស្មីសៀមរាប)
តើយុត្តិធម៌មានសម្រាប់ប្រជាពលរដ្ឋទន់ខ្សោយ ស្លូតត្រង់ដែរឬទេ? ឬក៏មានសម្រាប់តែក្រុមបក្សពួកអ្នកមានអំណាចនិងមានលុយ? (រស្មីសៀមរាប)
ល្បែងស៊ីសងបញ្ចូលមាន់និងបៀរការ៉ាត់ជ្រកក្រោមស្លាកយីហោយៀក ថៃកំពុងបើកលេងយ៉ាងពេញបន្ទប់នៅក្នុងសង្កាត់ទន្លេបាសាក់មន្ត្រីមានសមត្ថកិច្ចក្នុងខណ្ឌចំការមន ហាក់សំងំស្ងៀមមិនមានការបង្ក្រាប ផ្គើននិងបទបញ្ជារបស់សម្ដេចតេជោហ៊ុន សែន សង្ស័យជាបានទទួលលាភសក្ការៈពីរដង្ខៅបនល្បែងស៊ីសងខុសច្បាប់នេះហើយមើលទៅ (ស្មីសៀមរាប 090567006)
ល្បែងស៊ីសងបញ្ចូល់មាន់និងបៀរការ៉ាត់ជ្រកក្រោមស្លាកយៀក ថៃ របស់ឈ្មោះ រតនា នៅសង្កាត់ទន្លេបាសាក់ខណ្ឌចំការមនបើកលេងយ៉ាងរលូន មន្រ្តីមានសមត្ថកិច្ចនៃអធិការដ្ឋាននគរបាលខណ្ឌចំការមនរក្សាភាពស្ងៀមស្ងាត់មិនធ្វើការបង្ក្រាប សង្ស័យជាត្រូវថ្នាំសណ្ដំហើយមើលទៅ! (ស្មីសៀមរាប 090567006)
វីដែអូ
ចំនួនអ្នកទស្សនា