ចឹងបានតែគេថា ល្បែងតែងផ្សងទៅលើសំណាង មានពេលហេង មានពេលស៊យ ហើយបើហេងវិញនោះ គឺការ ឈ្នះល្បែងបានលុយញាត់ហោប៉ៅផឹកស៊ីស្រីញីអូនបង ត្រសងគ្នាអង្រុនជើងតាមតុ ឬក៏តាមខារាអូខេ ដោយ ឡែកតែអារឿងស៊យវិញនោះ គឺថាមានដល់ទៅពីរបែបឯណោះ គឺទី១ ការភ្នាល់ចាញ់អស់លុយពីខ្លួន ហើយទី ២វិញ គឺត្រូវសមត្ថកិច្ចកម្លាំងនគរបាលចុះបង្ក្រាប គឺត្រូវអស់ព្រលឹងពីខ្លួនរត់បាតជើងឲ្យសព្រាត ដូចកណ្តុរឃើញ ឆ្មាយ៉ាងអញ្ចឹង ។ យ៉ាងណាមិញ ក្រុមអ្នកញៀនទៅនិងល្បែងភ្នាល់ចាក់លុយស៊ីសងជល់មាន់ និងលេងអាប៉ោង ខុសច្បាប់ ដែលត្រូវបានសមត្ថកិច្ចនគរបាលស្រុកចិត្របុរី ធ្វើការបង្ក្រាបនេះតែម្តង គឺត្រូវគេនិយាយថា រត់ឲ្យហុយដីសំពោង ល្អមើលខ្លាំងណាស់ ។មានសេចក្តីរាយការណ៌ បានប្រាប់ឲ្យអង្គភាពព័ត៌មានយើងដឹងថា កាលពីវេលាម៉ោង ៣រសៀល ថ្ងៃទី១៥ ខែ មីនា ឆ្នាំ២០២០ ម្សិលមិញនេះ ទីតាំងសង្វៀនជល់មាន់ និងលេងអាប៉ោងខុសច្បាប់មួយកន្លែង ស្ថិតនៅចំណុចដើមស្វាយ ក្នុងឃុំសំបុក ស្រុកចិត្របុរី ខេត្តក្រចេះ ត្រូវបានកម្លាំងអធិការនគរបាលស្រុកចិត្របុរី បានធ្វើការឆ្មក់ បង្ក្រាប ។នៅក្នុងសកម្មភាពបង្ក្រាបក្រុមអ្នកញៀនល្បែងទាំងអស់នេះ គេបានឃើញក្រុមអ្នកលេងទាំងអស់ បានរត់ចែក ជើងគ្នាឲ្យសព្រាតកាត់ព្រៃហុយដីឲ្យសំពោង មើលទៅគួរឲ្យល្អមើលខ្លាំងណាស់ ដោយម្នាក់ៗរត់យកតែរួចខ្លួន បើ ទោះ ជាមានសម្ភារៈអ្វីនៅសល់ក្នុងទីតាំងសង្វៀន ក៏ពួកគាត់ភ្លេចអស់ អត់ខ្វល់អ្វីសោះតែម្តង ។ជាលទ្ធផលបឋមក្រោយពេលដែលកម្លាំងអធិការនគរបាលបង្ក្រាប គឺប្រមូលបានវត្ថុតាងមួយចំនួន ក្នុងនោះដូច ជាមាន់ ងាប់ និងស៊ុំជល់មាន់ ព្រមទាំងម៉ូតូប្រមាណ១០គ្រឿង ហើយសម្ភារៈព្រមទាំងវត្ថុតាងទាំងអស់នោះ គឺបាន យកទៅរក្សាទុកនៅអធិការដ្ឋាននគរបាលស្រុកចិត្របុរី រង់ចាំសាម៉ីខ្លួនម្ចាស់ម៉ូតូ ចូលខ្លួនដោះស្រាយ ។ នេះគឺជាយុទ្ធនាការមួយរបស់អធិការស្រុកចិត្របុរី ដែលស្វាគមន៌យ៉ាងរាក់ទាក់ ចំពោះអ្នកលេងល្បែងខុសច្បាប់ ដែលធ្វើឲ្យពួកគាត់បានស្គាល់អំពីចំណាត់ការរបស់សមត្ថកិច្ចអនុវត្តន៌ខ្លះៗផង កុំឲ្យចេះតែហ៊ានខ្លាំងពេក ៕
ព័ត៌មានគួរចាប់អារម្មណ៍
សម្ដេចមហាបវរធិបតីហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជាអញ្ជើញជាអធិបតីដ៏ខ្ពង់ខ្ពស់ក្នុងពិធីបិទសន្និបាតបូកសរុបលទ្ធផលការងារឆ្នាំ ២០២៣ និងលើកទិសដៅការងារឆ្នាំ ២០២៤របស់អាជ្ញាធរជាតិប្រយុទ្ធប្រឆាំងគ្រឿងញៀននិងផ្សព្វផ្សាយផែនការយុទ្ធនាការប្រយុទ្ធប្រឆាំងគ្រឿងញៀនខុសច្បាប់លើកទី៩ (រស្មីសៀមរាប)
តើយុត្តិធម៌មានសម្រាប់ប្រជាពលរដ្ឋទន់ខ្សោយ ស្លូតត្រង់ដែរឬទេ? ឬក៏មានសម្រាប់តែក្រុមបក្សពួកអ្នកមានអំណាចនិងមានលុយ? (រស្មីសៀមរាប)
ល្បែងស៊ីសងបញ្ចូលមាន់និងបៀរការ៉ាត់ជ្រកក្រោមស្លាកយីហោយៀក ថៃកំពុងបើកលេងយ៉ាងពេញបន្ទប់នៅក្នុងសង្កាត់ទន្លេបាសាក់មន្ត្រីមានសមត្ថកិច្ចក្នុងខណ្ឌចំការមន ហាក់សំងំស្ងៀមមិនមានការបង្ក្រាប ផ្គើននិងបទបញ្ជារបស់សម្ដេចតេជោហ៊ុន សែន សង្ស័យជាបានទទួលលាភសក្ការៈពីរដង្ខៅបនល្បែងស៊ីសងខុសច្បាប់នេះហើយមើលទៅ (ស្មីសៀមរាប 090567006)
ល្បែងស៊ីសងបញ្ចូល់មាន់និងបៀរការ៉ាត់ជ្រកក្រោមស្លាកយៀក ថៃ របស់ឈ្មោះ រតនា នៅសង្កាត់ទន្លេបាសាក់ខណ្ឌចំការមនបើកលេងយ៉ាងរលូន មន្រ្តីមានសមត្ថកិច្ចនៃអធិការដ្ឋាននគរបាលខណ្ឌចំការមនរក្សាភាពស្ងៀមស្ងាត់មិនធ្វើការបង្ក្រាប សង្ស័យជាត្រូវថ្នាំសណ្ដំហើយមើលទៅ! (ស្មីសៀមរាប 090567006)
វីដែអូ
ចំនួនអ្នកទស្សនា