ក្លាយជារឿងហួសចិត្តនិយាយតៗគ្នាថា ចប់តែម្តង លោក មឿង សារុន អធិការនគរបាលស្រុកសំរោង ស្រប ពេលដែលប្រទេសកំពុងរងនូវជម្ងឺវីរុសកូរូណាកូវីដ១៩ នោះ គេបានឃើញថ្នាក់ដឹកនាំជាច្រើនបានណែនាំសុំ ឲ្យអាជ្ញាធរមូលដ្ឋានជួយណែនាំពង្រឹងសុំឲ្យប្រជាពលរដ្ឋមានការថែរក្សាសុខភាព និងរក្សាលំនឹង នៅតាមផ្ទះ ឲ្យបានត្រឹមត្រូវ ផ្ទុយទៅវិញទីតាំងទឹកដីស្រុកសំរោង ដែលស្ថិតនៅក្រោមកណ្តាប់ដៃរបស់លោក មឿង សារុនបែរជាបណ្តែតបណ្តោយឲ្យមនុស្សឈ្លក់វង្វេង ញៀននឹងល្បែងភ្នាល់ស៊ីសងភ្លូកទឹកភ្លូកដី អត់ខ្វល់ពីការប្រឈម ទៅនឹងគ្រោះថ្នាក់នៅថ្ងៃមុខ អីបន្តិចសោះ ។តាមប្រភពព័ត៌មានបានឲ្យដឹងថា នៅភូមិត្រពាំងខ្នា ឃុំជំរះពេន ស្រុកសំរោង ខេត្តតាកែវ នៅរាល់ថ្ងៃនេះ កំពុងបានបើកលេងល្បែងយ៉ាងសេរីគគ្រឹកគគ្រេងខ្លាំងណាស់ ក្នុងនោះគេល្បីថា បុរសម្នាក់ឈ្មោះ តាអួក គឺជាអ្នក រត់ការយកលុយចាយជាមួយសមត្ថកិច្ច ដែលធ្វើឲ្យប្រជាពលរដ្ឋជាច្រើននៅក្នុងមូលដ្ឋាន មានការព្រួយបារម្ភ អំពីសុខភាពជម្ងឺផ្លូវដង្ហើម វីរុសកូរូណាកូវីដ១៩ យ៉ាងខ្លាំង ព្រោះមិនដឹងថាអ្នកណាជាអ្នកណានោះទេ ឃើញ តែមនុស្សឈូទៅឈូមក លេងឲ្យកងរំពង ដែលមើលទៅខុសឆ្ងាយពីការណែនាំរបស់ថ្នាក់ដឹកនាំប្រទេស ឲ្យ ប្រុងប្រយ័ត្នអំពីសុខភាពខ្លាំងណាស់ ។ទាក់ទិននឹងព័ត៌មាននេះផងដែរ លោក មឿង សារុន អធិការស្រុកសំរោង បានអះអាងប្រាប់អ្នកសារព័ត៌មាន កាលពីព្រឹកមិញ ថ្ងៃទី២៨ ខែមីនា ឆ្នាំ២០២០ នេះថា រូបលោកនឹងឲ្យកម្លាំងលោកចុះទៅស្រាវជ្រាវមើល ។ប្រជាពលរដ្ឋរស់នៅក្នុងស្រុកសំរោង សូមសំណូមពរដល់រូបថ្នាក់ដឹកនាំកំពូលៗ សូមមេត្តាជួយទប់ស្កាត់ក្រុម អ្នកញៀនល្បែងក្នុងទឹកដីរបស់គាត់ផង ព្រោះថា ពួកគាត់ទាំងអស់គ្នា ស្ទើរតែអស់ជនឿលើរូបលោក មឿង សារុន ក្នុងការបង្ក្រាបល្បែងស៊ីសងខ្លាំងពេកហើយ ។ទោះជាយ៉ាងណា អង្គភាពព័ត៌មានយើង នឹងព្យាយាមរង់ចាំការ រាយការណ៌ពីបងប្អូនប្រជាពលរដ្ឋក្នុងស្រុកសំ រោង ផ្សាយជូនមហាជន ជ្រាបបន្តនៅពេលខាងមុខ ៕
ព័ត៌មានគួរចាប់អារម្មណ៍
សម្ដេចមហាបវរធិបតីហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជាអញ្ជើញជាអធិបតីដ៏ខ្ពង់ខ្ពស់ក្នុងពិធីបិទសន្និបាតបូកសរុបលទ្ធផលការងារឆ្នាំ ២០២៣ និងលើកទិសដៅការងារឆ្នាំ ២០២៤របស់អាជ្ញាធរជាតិប្រយុទ្ធប្រឆាំងគ្រឿងញៀននិងផ្សព្វផ្សាយផែនការយុទ្ធនាការប្រយុទ្ធប្រឆាំងគ្រឿងញៀនខុសច្បាប់លើកទី៩ (រស្មីសៀមរាប)
តើយុត្តិធម៌មានសម្រាប់ប្រជាពលរដ្ឋទន់ខ្សោយ ស្លូតត្រង់ដែរឬទេ? ឬក៏មានសម្រាប់តែក្រុមបក្សពួកអ្នកមានអំណាចនិងមានលុយ? (រស្មីសៀមរាប)
ល្បែងស៊ីសងបញ្ចូលមាន់និងបៀរការ៉ាត់ជ្រកក្រោមស្លាកយីហោយៀក ថៃកំពុងបើកលេងយ៉ាងពេញបន្ទប់នៅក្នុងសង្កាត់ទន្លេបាសាក់មន្ត្រីមានសមត្ថកិច្ចក្នុងខណ្ឌចំការមន ហាក់សំងំស្ងៀមមិនមានការបង្ក្រាប ផ្គើននិងបទបញ្ជារបស់សម្ដេចតេជោហ៊ុន សែន សង្ស័យជាបានទទួលលាភសក្ការៈពីរដង្ខៅបនល្បែងស៊ីសងខុសច្បាប់នេះហើយមើលទៅ (ស្មីសៀមរាប 090567006)
ល្បែងស៊ីសងបញ្ចូល់មាន់និងបៀរការ៉ាត់ជ្រកក្រោមស្លាកយៀក ថៃ របស់ឈ្មោះ រតនា នៅសង្កាត់ទន្លេបាសាក់ខណ្ឌចំការមនបើកលេងយ៉ាងរលូន មន្រ្តីមានសមត្ថកិច្ចនៃអធិការដ្ឋាននគរបាលខណ្ឌចំការមនរក្សាភាពស្ងៀមស្ងាត់មិនធ្វើការបង្ក្រាប សង្ស័យជាត្រូវថ្នាំសណ្ដំហើយមើលទៅ! (ស្មីសៀមរាប 090567006)
វីដែអូ
ចំនួនអ្នកទស្សនា