អស់រយៈពេលប៉ុន្មានថ្ងៃ ក្នុងដើមខែមីនា ឆ្នាំ ២០២០នេះ គេបានឃើញបែកធ្លាយឲ្យហុយសំពោងរអូមរអាមពាសពេញបណ្តាញព័ត៌មានសង្គម រំលេចរូបភាព ជាមួយនិងការរាយការ ត្រូវបានចែករំលែកជាបន្តបន្ទាប់អំពីសកម្ម ភាពការប្រព្រឹត្តសហការគ្នាជាប្រព័ន្ធនាំគ្រឿងចក្រចំនួន០៣គ្រឿង ទៅឈូសកំទេចព្រៃជម្រកបឹងពែរស្ទើរតែក្លាយ ទៅជាវាល រហោឋានទៅហើយនោះ ប៉ុន្តែអស់រយៈពេលប៉ុន្មានថ្ងៃនេះ គេនៅមិនទាន់ឃើញមានចំណាត់ការប្រតិ កម្ម ពីអាជ្ញាធរថ្នាក់ខេត្តព្រះវិហារ នៅឡើយទេ ។ ប្រភពរាយការណ៌មួយបានឲ្យដឹងថា ដែនជម្រកសត្វព្រៃបឹងពែរមួយកន្លែង ជាដីព្រៃក្នុងសហគមន៍ រំចេក ឃុំរមណី ស្រុករវៀង ខេត្តព្រះវិហារ កំពុងត្រូវបានគេឈូសឆាយបំផ្លាញស្ទើរតែទាំងស្រុង ក្រោមលេសជាដីក្រុមហ៊ុនសុវណ្ណ ភូមិ ។ ក្នុងនោះដែរ ក៏លេចឮថា មន្រ្តីបរិស្ថានអភិរក្សជម្រកសត្វព្រៃបឹងពែរ តែងឆ្លើយដោះសារថា ការដែលដីទី តាំងនេះអាចឈូសឆាយទៅបាននោះ ព្រោះដីស្ថិតនៅក្នុងដែនជម្រកសត្វព្រៃបឹងពែ គឺនៅក្នុងដែនសមត្ថកិច្ច គ្រប់ គ្រងរបស់ មន្ត្រីរដ្ឋបាលព្រៃឈើ ។ដោយឡែកតាមក្រុមអ្នកព័ត៌មានទទួល បានលើកឡោះងថា លោក សុំ ស៊ីវត្ថា នាយផ្នែករដ្ឋបាលព្រៃឈើ បានអះ អាងតាមទូរស័ព្ទកាលពីល្ងាចថ្ងៃទី ០៣ ខែ មីនា ឆ្នាំ ២០២០កន្លងទៅនេះថា ការឈូសឆាយដីដែនជម្រកសត្វព្រៃ បឹងពែរ គឺស្ថិត១នៅក្រោមការគ្រប់គ្រងរបស់មន្ត្រីបរិស្ថានទេ មិនមែនជាដែនសមត្ថកិច្ចរបស់លោកនោះឡើយ ។ដោយឡែកតំណាងក្រុមហ៊ុន សុវណ្ណភូមិ ដែលនៅក្រោមការគ្រប់គ្រងរបស់ក្រុមហ៊ុន អានម៉ារ៉ាឌី គឺលោក យាន ជាមេការធំ អង្គភាពព័ត៌មានយើង មិនអាចទំនាក់ទំនងសុំការបំភ្លឺបាននោះទេ ។ ទាក់ទិនទៅនឹងព័ត៌មានខាងលើនេះ ប្រភពបានលើកឡើងថា ក្រោយពេលសមត្ថកិច្ចមន្ត្រីបរិស្ថាន និងសមត្រកិច្ច មន្ត្រីរដ្ឋព្រៃឈើ ត្រួតពិនិត្យរួចជាលទ្ធផលនៃការឈូសឆាយ គឺឃើញថា ដីព្រៃក្នុងដែនជម្រកសត្វព្រៃបឹងពែរនេះ គឺពុំមានឯកសារតម្កល់អ្វីទាំងអស់ ទើបធ្វើឲ្យមានការងឿងឆ្ងល់ថាពីក្រុមសមត្ថកិច្ច ថាក្រុមហ៊ុន សុវណ្ណភូមិ ដែល ជាក្រុមហ៊ុនមួយល្បីឈ្មោះ បែរជាធ្វើការឈូសឆាយដីព្រៃ ដោយគ្មានឯកសារអ្វីតំកល់ទុកឲ្យអាជ្ញាធរ ឬក៏ស្ថាប័ន ជំនាញទាំងអស់ ក្លាយការមន្ទិលសង្ស័យថា អាចនឹងមានក្រុមជនខិលខូចលួចក្លែងបន្លំយកឈ្មោះក្រុមហ៊ុន សុវណ្ណ ភូមិ មកប្រើ ដើម្បីឈូសឆាយដីព្រៃដោយគ្មានខុសច្បាប់ ឬយ៉ាងណា ក៏មិនដឹង ។ក្រោយពេលដែលបណ្តាញសង្គមព័ត៌មានកាន់តែចែករំលែកគ្នាជាបន្តបន្ទាប់ មហាជនជាច្រើនបានលើកឡើងថា លោក ប្រាក់ សុវណ្ណ ក្នុងនាមជាអាជ្ញាធរដែនដីថ្នាក់ខេត្តព្រះវិហារ គួរតែមានប្រតិកម្មអើពើខ្លះផង មិនគួរណានៅ រក្សាភាពស្ងៀមស្ងាត់យ៉ាងចឹងនោះទេ ព្រោះការស្ពឹកស្រពន់របស់លោកអភិបាលខេត្តរូបនេះ គឺជាមន្ទិលឲ្យពល រដ្ឋងឿងឆ្ងល់កាន់តែខ្លាំងឡើងៗថា តើមាន់ពងលើស្រូវ អាចចឹកស្រូវខ្លះហើយឬ បានជាស្ងៀមស្ងាត់ចម្លែកម៉្លេះ ៕
ព័ត៌មានគួរចាប់អារម្មណ៍
សម្ដេចមហាបវរធិបតីហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជាអញ្ជើញជាអធិបតីដ៏ខ្ពង់ខ្ពស់ក្នុងពិធីបិទសន្និបាតបូកសរុបលទ្ធផលការងារឆ្នាំ ២០២៣ និងលើកទិសដៅការងារឆ្នាំ ២០២៤របស់អាជ្ញាធរជាតិប្រយុទ្ធប្រឆាំងគ្រឿងញៀននិងផ្សព្វផ្សាយផែនការយុទ្ធនាការប្រយុទ្ធប្រឆាំងគ្រឿងញៀនខុសច្បាប់លើកទី៩ (រស្មីសៀមរាប)
តើយុត្តិធម៌មានសម្រាប់ប្រជាពលរដ្ឋទន់ខ្សោយ ស្លូតត្រង់ដែរឬទេ? ឬក៏មានសម្រាប់តែក្រុមបក្សពួកអ្នកមានអំណាចនិងមានលុយ? (រស្មីសៀមរាប)
ល្បែងស៊ីសងបញ្ចូលមាន់និងបៀរការ៉ាត់ជ្រកក្រោមស្លាកយីហោយៀក ថៃកំពុងបើកលេងយ៉ាងពេញបន្ទប់នៅក្នុងសង្កាត់ទន្លេបាសាក់មន្ត្រីមានសមត្ថកិច្ចក្នុងខណ្ឌចំការមន ហាក់សំងំស្ងៀមមិនមានការបង្ក្រាប ផ្គើននិងបទបញ្ជារបស់សម្ដេចតេជោហ៊ុន សែន សង្ស័យជាបានទទួលលាភសក្ការៈពីរដង្ខៅបនល្បែងស៊ីសងខុសច្បាប់នេះហើយមើលទៅ (ស្មីសៀមរាប 090567006)
ល្បែងស៊ីសងបញ្ចូល់មាន់និងបៀរការ៉ាត់ជ្រកក្រោមស្លាកយៀក ថៃ របស់ឈ្មោះ រតនា នៅសង្កាត់ទន្លេបាសាក់ខណ្ឌចំការមនបើកលេងយ៉ាងរលូន មន្រ្តីមានសមត្ថកិច្ចនៃអធិការដ្ឋាននគរបាលខណ្ឌចំការមនរក្សាភាពស្ងៀមស្ងាត់មិនធ្វើការបង្ក្រាប សង្ស័យជាត្រូវថ្នាំសណ្ដំហើយមើលទៅ! (ស្មីសៀមរាប 090567006)
វីដែអូ
ចំនួនអ្នកទស្សនា