ក្នុងតួនាទីជាអ្នកសារព័ត៌មាន គឺមិនត្រូវយកមេក្រូ ទៅតាមសម្ភាសន៍សមត្ថកិច្ច ដែលរូបគាត់ក្នុងពេលដែល រឿងនោះ កំពុងស្ថិតក្នុងការតាមដាននៅឡើយនោះទេ ព្រោះចំណុចមួយនេះ វាជាកំហុសឆ្គងទាំងស្រុង ពីក្រម សីលធម៍វិជ្ជាជីវៈអ្នកសារព័ត៌មាន មិនគួរធ្វើនោះទេ ។

ឯកឧត្តម ខៀវ កញារិទ្ធ រដ្ឋមន្ត្រីក្រសួងព័ត៌មាន មានប្រសាសន៌បែបនេះ ក្នុងឱកាសដឹកនាំកិច្ចប្រជុំសាមញ្ញ ប្រចាំសបា្តហ៍របស់ថ្នាក់ដឹកនាំក្រសួងព័ត៌មាន នៅព្រឹកថ្ងៃ ទី១៨ ខែឧសភា ឆ្នាំ២០២០ ។

ឯកឧត្តម ខៀវ កាញារីទ្ធ បានជម្រុញឲ្យអគ្គនាយកដ្ឋាន ព័ត៌មាន និងសោតទស្សន៍ ត្រូវធ្វើការរំលឹកដល់អ្នក សារព័ត៌មានមួយចំនួន ពិសេសតាម អនឡាញ ដែលតែងតែទៅសំភាសន៍សមត្ថកិច្ច នៅពេលគេកំពុងតែរវល់ បំពេញកិច្ចការងារអ្វីមួយ ដែលកើតមានឡើងភ្លាមៗ ហើយអ្នកសារព័ត៌មានទាំងនោះ បានយកក្បាល មេក្រូ ទៅតាមសម្ភាស៍ក្នុងពេលដែលរឿងនោះ ស្ថិតក្នុងការតាមដាននៅឡើយ ដែលជាចំណុចមួយខុសទាំងស្រុងពី ក្រមសីលធម៍វិជ្ជាជីវៈ នៃអ្នកសារព័ត៌មាន មិនគួរធ្វើនោះទេ។

កិច្ចការងាររបស់សមត្ថកិច្ច និងមន្រ្តី គឺត្រូវធ្វើការងារនោះឲ្យបានចប់រួចរាល់ជាមុនសិន ទើបឲ្យអ្នកជំនាញ ឬ ក៏មន្រ្តីនាំពាក្យណាមួយ ជាអ្នកឆ្លើយថា តើរឿងទាំងនោះកើតឡើងដោយសារអ្វី? ហើយអ្នកសារព័ត៌មាន ក៏ ត្រូវយល់ដែរថា កុំអាងខ្លួនជាអ្នកកាសែត មានសិទ្ធិសួរគ្រប់ ពេលនោះឡើយ នៅក្នុងខណៈគេកំពុងបំពេញការ ងារ ក្នុងជំនាញមិនទាន់ចប់នៅឡើយ នោះ ៕