នៅថ្ងៃទី២០ ខែឧសភា ឆ្នាំ២០២០នេះ ក្រសួងសុខាភិបាល បានចេញសេចក្តីប្រកាសមួយ អនុញ្ញាត ឲ្យភ្ញៀវបរទេស មកពីប្រទេសចំនួន៦ រួមមាន អ៉ីរ៉ង់ អ៉ីតាលី អាល្លឺម៉ង់ អេស្ប៉ាញ បារាំង និងអា មេរិក អាចចូលមកប្រទេសកម្ពុជាឡើងវិញ នេះបើយោងតាមសេចក្តីប្រកាសរបស់ក្រសួងសុខា ភិបាលលេខ ១០១ សខល ចុះថ្ងៃទី ២០ ខែឧសភា ឆ្នាំ ២០២០ នេះ ។

ជនបរទេសនៅប្រទេសទាំងនោះ ត្រូវបានរដ្ឋាភិបាលកម្ពុជា បិទមិនឲ្យចូលមកកម្ពុជា ដោយចាប់តាំង ពីពាក់កណ្តាលខែ មីនា ឆ្នាំ២០២០ កន្លងមក បន្ទាប់ពីមានការផ្ទុះនូវការរីករាលដាលជំងឺកូវីដ១៩ កាន់តែខ្លាំងក្លា នាពេលកន្លងមក ។

ការអនុញ្ញាតឲ្យភ្ញៀវបរទេស មកពីប្រទេសនេះ ចូលមកកម្ពុជាឡើងវិញ គឺធ្វើឡើងតាមចំណារឯក ភាព និងអនុសាសន៍ដ៏ខ្ពង់ខ្ពស់របស់ សម្តេចតេជោ ហ៊ុន សែន ចុះថ្ងៃទី១៩ ខែឧសភា ឆ្នាំ២០២០ និង យោងតាមការវិវត្តន៍សភាពការណ៍ នៃការរីករាលដាលជំងឺកូវីដ១៩ ។