វាជាដំណឹងល្អមួយ ដែលក្រសួងសាធារណៈការ និងដឹកជញ្ជូន បានផ្តល់ឧិកាសដល់បងប្អូនប្រជាពលរដ្ឋ នៅក្នុងផ្ទេ កម្មសិទ្ធិស្រច្បាប់នូវយានយន្ត ដែលកន្លងមកបានទិញ ប៉ុន្តែរកម្ចាស់ដើមមិនឃើញ នៅពេលនេះមានឧិកាស ធ្វើ ជាម្ចាស់កម្មសិទ្ធិហើយ ។

យោងតាមរយៈទំព័រហ្វេសបុក ក្រសួងសាធារណការ និងដឹកជញ្ជូន នៅថ្ងៃទី២៣ ខែឧសភា២០២០ កន្លងទៅនេះ បានឲ្យដឹងថា ការផ្ទេរកម្មសិទ្ធិយានយន្ត ដែលរកម្ចាស់ដើមមិនឃើញ នឹងត្រូវបញ្ចប់ត្រឹមថ្ងៃទី ៣០ ខែ មិថុនា ឆ្នាំ ២០២០ ខាងមុខ ក្រសួងសាធារណការនិងដឹកជញ្ជូន សូមធ្វើការបញ្ជាក់ និងកើនរំឮកជាថ្មីម្តងទៀត ពីសេចក្តី ណែនាំ ” ការផ្ទេរកម្មសិទ្ធិយានយន្ត ដែលរកម្ចាស់ដើមមិនឃើញ ” ដល់បងប្អូនប្រជាពលរដ្ឋដែលកំពុងកាន់កាប់ យានយន្ត ទិញលក់តៗគ្នារកម្ចាស់ដើមមិនឃើញ ត្រូវដាក់ពាក្យស្នើសុំផ្ទេរកម្មសិទ្ធិយានយន្ត ឱ្យបានមុនថ្ងៃទី ៣០ ខែ មិថុនា ឆ្នាំ ២០២០ ខាងមុខនេះ។

នេះគឺជាព័ត៌មានមួយ សង្ឃឹមថា បងប្អូនទាំងអស់ អាចនឹងព្យាយាមរូតរះនៅក្នុងបំពេញបែបបទផ្លូវច្បាប់ ឲ្យបាន
ឆាប់ ព្រោះបើហួសកាលកំណត់នៃសេចក្តីជូនដំណឹងនេះ វាជាផលលំបាកសម្រាប់បងប្អូន នៅពេលស្ថាប័ន សមត្ថកិច្ច អនុវត្តន៌ច្បាប់នាពេលខាងមុខ ៕