ចឹងបានតែថា គ្រោះថ្នាក់នៅចំពោះមុខគឺមើលមិនឃើញនោះទេ យ៉ាងណាមិញរថយន្ត២គ្រឿង ព្រោះតែអ្នកបើក បញ្ជាយានយន្តមានចិត្តក្លាហានចង់ចាញ់ចង់ឈ្នះ បើកជែងគ្នាក្នុងល្បឿនលឿន ទីបំផុតនោះ គឺបាត់ម្ចាស់ការ មិន អាចគ្រប់គ្រងកម្លាំងគ្រឿងម៉ាស៊ីនបាន រឿងអីរថយន្តទាំងនោះ មិនដេកននៀលលើថ្នល់ជាតិ បង្អួតមហាជនលេង
។

គួររំលឹកថា កាលពីថ្ងៃទី២៨ ខែឧសភា ឆ្នាំ២០២០ នេះ នៅលើកំណាត់ផ្លូវជាតិលេខ ១៣០ ត្រង់ចំណុច ភូមិព្រីង ឃុំរលាំងចក ស្រុកសំរោងទង ខេត្តកំពង់ស្ពឺ រថយន្តដឹកថ្ម ០១គ្រឿង ម៉ាក FUSO ពាក់ផ្លាកលេខ កំពង់ស្ពឺ 3A-2889 សណ្តោងសឺមីរ៉ឺម៉ក ពាក់ស្លាកលេខ ភ្នំពេញ 4A-7090 បើកបរដោយឈ្មោះ ហឿន រតនៈ ភេទប្រុស អាយុ២៨ រស់នៅភូមិត្រពាំងឈូក ឃុំបេសជ្រៃ ស្រុកស្ទឹងត្រង់ ខេត្តកំពង់ចាម ។

តាមប្រភពពីអ្នកឃើញហេតុការណ៌បានឲ្យដឹងថា មុនកើតហេតុ គេឃើញមានរថយន្តមួយគ្រឿងទៀត ប្រភេទ បែន ក្បាលពណ៌ស (មិនចាំស្លាកលេខ..) បានបើកវ៉ាជែងគ្នា ក្នុងទិសដៅស្របគ្នា ពីទិសខាងលិច ទៅទិសខាងកើត លុះមកដល់ទន្ទឹមគ្នា រថយន្ដនោះបានរេចង្កូតមកកៀករថយន្ដខ្លួន ដោយសារតែស្ថានភាពគ្រោះថ្នាក់ខ្លួន បានយក ចង្កូតអែមខាងស្ដាំដៃ ប៉ុន្ដែស្ថានភាពមិនអំណោយផល ក៏កាច់ក្រឡាប់តែម្ដងទៅ ។

ក្នុងហេតុការណ៍ខាងលើ មិនបណ្តាលឲ្យមានការរងរបួសធ្ងន់ធ្ងរនោះទេ និងមិនមានការប៉ះទង្គិចរវាងអ្នក ធ្វើដំ ណើរឆ្លងកាត់លើកំណាត់ផ្លូវខាងលើដែរ ។

បើតាមការបញ្ជាក់ពីសមត្ថកិច្ចនគរបាលចរាចរណ៍ ស្រុក.ខេត្ត ដែលចុះអន្ដរាគមន៍ភ្លាមៗ ក្រោយកើតហេតុថា កត្ដាដែលនាំឲ្យគ្រោះថ្នាក់បណ្ដាលឲ្យក្រឡាប់រថយន្តដឹកថ្ម គឺមកពីការបាត់ម្ចាស់ការ ក្នុងការបញ្ជា គ្រប់គ្រងដៃ ចង្កូតរថយន្ដ ព្រោះតែមានមហន្ដរាយបង្កឡើង ដោយរថយន្ដមួយទៀត ដែលបើកបរក្នុងស្ថានភាព វ៉ាជែងផ្លូវតូច
ចង្អៀតមិនអំណោយផលក្នុងការអនុញ្ញាតឲ្យរថយន្តអាចធ្វើការវ៉ាបាន ។

នៅក្នុងហេតុការណ៌គ្រោះថ្នាក់នេះ តំណាងក្រុមហ៊ុនរថយន្តដឹកថ្ម បានមកស្ទួចយករថយន្ដចេញពីកន្លែងកើត ហេតុ និងបានបញ្ជូនសំណុំរឿងមកការិយាល័យចរាចរណ៍ នៃស្នងការដ្ឋាននគរបាលខេត្ដកំពង់ស្ពឺ ដើម្បីពិនិត្យ និងចាត់ការតាមនីតិវិធីច្បាប់ហើយ ៕