ចឹងហើយបានតែថា វាសនាមនុស្សមើលមិនឃើញពិតមែន យ៉ាងណាមិញពលរដ្ឋពីរនាក់ប្តីប្រពន្ធ ត្រូវបានឧិបគ្នា យំខ្សឹបខ្សួល គួរឲ្យខ្លោចផ្សារបំផុត ព្រោះតែពួកគាត់ទាំងពីរនាក់បានខិតខំស្វែងរកថវិការាប់ឆ្នាំ ជាពិសេសនោះ គឺ ពួកគាត់បានចងការប្រាក់ធនាគារដល់ទៅមួយម៉ឺនដុល្លា ដើម្បីយកមកសង់ផ្ទះ គ្រាន់នឹងបានសម្រាប់ជ្រកកោនសម រម្យនឹងគេ ប៉ុន្តែផ្ទុយទៅវិញ ពួកគាត់ទាំងពីរអ្នកជួបនូវគ្រោះអកុសល ព្រោះតែអគ្គិភ័យឆាបឆេះផ្ទះរបស់ពួកគាត់ ឲ្យឡើងម៉ត់ខ្ទេចតែម្តង ។

ហេតុការណ៍ គ្រោះអគ្គិភ័យមួយនេះ បានកើតមានឡើង កាលពីថ្ងៃទី២៩ ខែឧសភា ឆ្នាំ២០២០ នៅត្រង់ចំ ណុច ភូមិព្រៃស្រឡែង ឃុំទួលអំពិល ស្រុកបរសេដ្ឋ ។

ផ្ទះដែលត្រូវអគ្គិភ័យឆាបឆេះនេះ សង់ពីសសរថ្ម ក្រោមឈើលើ មានម្ចាស់ឈ្មោះ វ៉ាញ ប៊ុនធឿន ភេទប្រុស អាយុ៥៩ឆ្នាំ ជាអតីតយុទ្ធជន រស់នៅភូមិ -ឃុំ កើតហេតុខាងលើ ។

ក្រោយកើតហេតុ សមត្ថកិច្ច ចុះដល់កន្លែងកើតហេតុ បានពិនិត្យឃើញថា ករណីអគ្គិភ័យឆេះលេបត្របាក់ផ្ទះ នេះ គឺកើតឡើង ដោយសារទុស្សេចរន្តអគ្គិសនីក្នុងផ្ទះ កើតហេតុ ។

ទោះជាយ៉ាងណាក្តី គ្រោះអគ្គិភ័យមួយនេះ បានបន្សល់ទុកនូវក្តីខ្លោចផ្សារ ទ្រហោទួញយំ យ៉ាងក្តុកក្តួល ជាពន់ ពេក ព្រោះតែសម្បត្តិទាំងមូលត្រូវអស់គ្មានសល់ មិនត្រឹមតែប៉ុណ្ណោះ បំណុលដែលបានខ្ចីពីធនាគារ យកមក សង់ផ្ទះមួយម៉ឺនដុល្លានោះ គឺត្រូវរកលុយសងគេ ទាំងត្រដរទៀតផង ៕