សៀមរាប ÷ ប្រជាពលរដ្ឋបានលើកឡើងថាមន្ត្រីអាជ្ញាធរជាតិអប្សរា បើផ្ទះខ្ទមប្រជាពលរដ្ឋសុំធ្វើជ្រកដើម្បីរស់មើលឃើញណាស់ ចុះរុះរើយ៉ាងសកម្ម តែទឹកក្នុងកសិណប្រាសាទបាគង គ្មានមន្ត្រីអាជ្ញាធរជាតិអប្សរាណាបើកភ្នែកមើលនោះទេ ?ប្រជាពលរដ្ឋក្នុងស្រុកប្រាសាទបាគង ក៏ដូចជាក្នុងខេត្តសៀមរាបទាំងមូល មានការរិះគន់យ៉ាងខ្លាំងទៅលើមន្ត្រីអាជ្ញាធរជាតិអប្សរា ថាមិនមានវិធានការនិងឆន្ទៈដើម្បីការពារសម្បត្តិវប្បធម៌ដូចជា កសិណប្រាសាទបាគងដែលរីងទឹកបណ្ដាលអោយត្រីយក្យស្លាប់អស់ 11 ក្បាល ទើបនាំគ្នាបូមទឹកដាក់ ។ប្រជាពលរដ្ឋបានលើកឡើងបន្តទៀតថា ទឹកក្នុងកសិណប្រាសាទបាគង មិនមែនរីងហូរដូចទឹកបាក់ទំនប់ទាន់នោះទេ ហេតុអ្វីមន្ត្រីអាជ្ញាធរជាតិអប្សរា មើលមិនឃើញ ឬក៏ធ្វើគ្មានប្រយោជន៍មិនបានលុយ? តែបើរុះរើផ្ទះប្រជាពលរដ្ឋក្រីក្រ ធ្វើជ្រកកោណដើម្បីរស់ម្ដេចក៏ដើរលឿនម៉្លេះ ។ចំពោះបញ្ហាការរីងទឹកក្នុងកសិណប្រាសាទបាគងអង្គភាពគេហទំព័រ ស្ពាននាគ មិនអាចសុំការបំភ្លឺពីលោកសូរ ប្លាតុង អភិបាលស្រុកប្រាសាទបាគងបាននោះទេព្រោះតេចូលមិនលើក ។ហើយអង្គភាពគេហទំព័រ ស្ពាននាគ ក៏មិនអាចសុំការបំភ្លឺពីលោក ឡុង កុសល អ្នកនាំពាក្យអាជ្ញាធរជាតិអប្សរាខេត្តសៀមរាបបានដែរ ដោយសារតែ តេ ចូលហើយមិនលើកនៅវេលាម៉ោង 11:44 ដល់ 11:48 ថ្ងៃទី 11 ខែមិថុនាឆ្នាំ 2020 នេះ ។ចំពោះបញ្ហានេះលោកអភិបាលខេត្តសៀមរាបឯកឧត្តមទៀ សីហា បានបញ្ជាក់ថាលោកមិនបានដឹងទេ ហើយទើបតែដឹងពេលដែលមន្ត្រីអាជ្ញាធរស្រុក ចុះបូមទឹកដាក់កសិណ ទើបមន្ត្រីស្រុករាយការណ៍ជូន ហើយចំពោះបញ្ហាការរុះរើផ្ទះប្រជាពលរដ្ឋ លោកកំពុងចំ គណៈកម្មការដើម្បីមានការសហការគ្នារវាងអាជ្ញាធរខេត្ត និងអាជ្ញាធរជាតិអប្សរាមុននិងរុះរើផ្ទះប្រជាពលរដ្ឋ ។ជាចុងក្រោយប្រជាពលរដ្ឋចង់ដឹងថាតើស្ថាប័ន ខាងណាទទួលខុសត្រូវ រាល់បញ្ហា ដែលកសិណប្រាសាទបាគងរីទឹកបង្កអោយត្រីយក្សស្លាប់ 11 ក្បាល តើមានស្ថាប័នណាទទួលខុសត្រូវ ដែរឬទេ ?៕
ព័ត៌មានគួរចាប់អារម្មណ៍
រដ្ឋមន្ត្រីការពារជាតិអ៊ីស្រាអែល ៖ អ៊ីស្រាអែលបានឈានដល់ដំណាក់កាលមិនអាចត្រឡប់ថយក្រោយវិញហើយ! (រស្មីសៀមរាប /RSRNEWs)
អ៊ីរ៉ង់ គំរាមវាយប្រហារមូលដ្ឋានទ័ពអាម៉េរិកក្នុងតំបន់មជ្ឈិមបូព៌ា ប្រសិនបើសហរដ្ឋអាម៉េរិកបង្កជម្លោះយោធា (សម្របសម្រួលដោយ ៖ រស្មីសៀមរាប / RSRNews)
សម្តេចនវរធិបតី ហ៊ុន ម៉ាណែត និងលោកជំទាវបណ្ឌិត អញ្ជើញមកដល់មាតុប្រទេសវិញ ក្រោយពីបានចូលរួមសន្និសីទអង្គការសហប្រជាជាតិ ស្តីពីមហាសមុទ្រ លើកទី៣ (UNOC3) នៅបារាំង (រស្មីសៀមរាប /RSR News)
#ដល់រដូវកាលហើយ !ល្បែងសុីសងខុសច្បាប់ «ភ្នាល់ទឹកភ្លៀង» នៅចំកណ្តាលក្រុងភ្នំពេញ ឃើញថា ចាប់ផ្តើមបើកដំណើរលេងទៀតហើយ" (@រស្មីសៀមរាប)
លោកយឹង សារ៉ាត់ ប្តឹងឈ្មោះ ស៊ូ វណ្ណា ទៅតុលាការសាលាដំបូងខេត្តបន្ទាយមានជ័យ ចោទពីបទញុះញង់ឲ្យមានការរើសអើង ប្រព្រឹត្តិតាមបណ្តាញសង្គមហ្វេសប៊ុក ឈ្មោះ Sou Vanna (vanna.lungkler.5) កាលពីថ្ងៃទី១១ ខែកុម្ភៈ ឆ្នាំ២០២៥ និងថ្ងៃទី១៤ ខែកុម្ភះ ឆ្នាំ២០២៥ ។ នេះបើតាមពាក្យបណ្តឹងដែលសារព័ត៌មានខ្មែរជាយដែនទើបទទួលបាន។ (@រស្មីសៀមរាប)
វីដែអូ
ចំនួនអ្នកទស្សនា