កាលពីព្រឹកថ្ងៃទី ០១ ខែមិថុនា ឆ្នាំ២០២០ ម្សិលមិញនេះ លោកឧត្តមសេនីយ៍ឯក រ័ត្ន ស្រ៊ាង មេបញ្ជាការរងកង រាជអាវុធហត្ថលើផ្ទៃប្រទេស និងជាមេបញ្ជាការកងរាជអាវុធហត្ថរាជធានីភ្នំពេញ អមដំណើរដោយមេញ្ជា ការរង, នាយរងសេនាធិការ,នាយការរិយាល័យ និងបងប្អូននាយអាវុធហត្ថជាច្រើនរូបទៀត បានចុះទៅសួរសុខ ទុក្ខ លោកឧត្តមសេនីយ៍ត្រី ម៉ក់ សាវុទ្ធី មេបញ្ជាការរងកងរាជអាវុធហត្ថរាជធានីភ្នំពេញ ដែលមានជម្ងឺប្រចាំ កាយ ហើយកំពុងសម្រាកព្យាបាល នៅមន្ទីរពេទ្យព្យាបាលតម្រងនោមភ្នំពេញ ។

កាយវិកាដ៏សប្បុរស និងការយកចិត្តទុកដាក់ របស់មេបញ្ជាការរូបនេះ គឺជាទម្លាប់ដែលលោកតែងអនុវត្ត ជាប់ជា ប្រចាំ និងជារៀងរហូតមកហើយ ដែលជានិច្ចជាកាល លោកឧត្តមសេនីយ៍ឯក រ័ត្ន ស្រ៊ាង តែងបានចុះសួរសុខ ទុក្ខ ចំពោះអ្នកក្រោមឱវាទ ក្នុងពេលមានជម្ងឺ គឺរូបលោកតែងតែ ពាំនាំយកនូវថវិកា ក៏ដូចជាគ្រឿងបរិភោគមួយ ចំនួន ទៅជូនអ្នកជំងឺ ទុកជាអំណោយនិងជួយសម្រាលបន្ទុកព្យាបាល ឬចេញថ្លៃព្យាបាលជូនអ្នកជំងឺទាំងស្រុង ទៅតាមស្ថានភាពជាក់ស្ដែង ។

ក្នុងឱកាសសួរសុខទុក្ខពេលនោះដែរ ក៏មិនខុសពីទម្លាប់មុនៗ ផងដែរ ដែលរូបលោកឧត្តមសេនីយ៍ឯក រ័ត្ន ស្រ៊ាង បានសម្ដែងនូវមនោសញ្ចេតនា និងទឹកចិត្តព្រួយបារម្ភចំពោះ អ្នកជំងឺ ព្រមទាំងបានពាំនាំយកថវិកា ចំនួន ៥ លាន ៨សែនរៀល ក្នុងនោះជាថវិកាផ្ទាល់ខ្លួនរបស់លោក រ័ត្ន ស្រ៊ាង ចំនួន៤លានរៀល ផងដែរ ព្រមទាំងជាការ ចូលរួមចំណែករបស់មេញ្ជាការរង, នាយរងសេនាធិការ, នាយការរិយាល័យ ដែលទៅជាមួយចំនួន ១លាន ៨សែនរៀល) រួមនឹង ភេសជ្ជៈ មួយចំនួនទៀតផង ៕