ពិតជាអកុសលមែន ស្រ្តីមានផ្ទៃពោះម្នាក់ ត្រូវបានស្លាប់នៅក្នុងបន្ទប់ជួលយ៉ាងអាណោចអាធម្ម ដោយគេ សង្ស័យថា ព្រោះតែសាកថ្មទូរស័ព្ទដៃបណ្ដើរ ហើយមើលបណ្ដើរនៅក្នុងបន្ទប់ទឹក ប៉ុន្តែមិនដឹងមូលហេតុអ្វី បានជាឆក់ស្លាប់ តែម្តង ។

ហេតុការណ៍មួយនេះ បានបង្កឲ្យមានការភ្ញាក់ផ្អើល កាលពីវេលាម៉ោង៣ និង១០នាទីរសៀល ថ្ងៃទី០២ ខែ មិថុនា ឆ្នាំ២០២០ ម្សិលមិញនេះ នៅចំណុចបន្ទប់ជួលជាន់ទី១ ស្ថិតនៅភូមិ១២ សង្កាត់ទន្លេបាសាក់ ខណ្ឌចំ ការមន រាជធានីភ្នំពេញ ។ សពជនរងគ្រោះនោះ មានឈ្មោះ រឿន ធី ភេទស្រី អាយុ ៣៧ឆ្នាំ មុខរបរនៅផ្ទះ ស្នាក់នៅបន្ទប់ជួល កើតហេតុខាងលើ មានស្រុកកំណើតនៅភូមិព្រែកក្របៅ១ ឃុំព្រែកអំពិល ស្រុកខ្សាច់ កណ្ដាល ខេត្តកណ្ដាល ។

បើតាមប្រភពព័ត៌មានពីនគរបាល បានឲ្យដឹងថា មុនពេលកើតហេតុ បងប្អូនមកពីខេត្តសៀមរាប មកលេងស្រ្តី រងគ្រោះនៅបន្ទប់ជួល កន្លែងកើតហេតុខាងលើ ដោយសារជនរងគ្រោះខាងលើបានផ្អាកការងារមួយរយៈ ពេល ពួកគាត់ចូលក្នុងបន្ទប់ ក៏ឃើញជនរងគ្រោះដួលក្នុងបន្ទប់ទឹកអោបទូរស័ព្ទ និងព្រីភ្លើង ហើយជនរងគ្រោះមាន សភាពរឹងស្ដូកស្ដឹងបាត់ទៅហើយ រួចក៏ស្រែកអោយអ្នកជិតខាងជួយ ដើម្បីសង្រ្គោះតែអ្នកជិតខាងថា ស្លាប់មិន ដឹងតាំងពីពេលណានោះទេ ក្រោយមកក៏បានរាយការណ៍ទៅនគរបាលប៉ុស្តិ៍ ដើម្បីចុះមកត្រួតពិនិត្យកន្លែងកើត ហេតុ។

មន្ត្រីនគរបាលបញ្ជាក់ថា ករណីខាងលើបើតាមសាក្សី និងជាសាច់ញាតិបង្កើត ដែលមកលេងក្រុមគ្រួសារនោះ ថា អង្គហេតុឃើញសពអោបព្រីភ្លើង និងទូរស័ព្ទសង្ស័យគាត់បញ្ជូលថ្មបណ្ដើរ មើលទូរស័ព្ទបណ្ដើរពេលបោក សំលៀកបំពាក់ សង្ស័យឆ្លងចរន្តភ្លើង ទើបឆក់ខ្សែភ្លើងស្លាប់ ។

នេះជារឿងរ៉ាវនៅក្នុងសង្គមមួយ សង្ឃឹមថាបងប្អូន ជាពិសេសខាងនារីៗ ដែលនិយមចូលចិត្តរឿងភាគ សូមមេត្តា មានការប្រយ័ត្នប្រយែងឲ្យបានខ្ពស់ សំខាន់ជាងគេនោះ គឺដូចជាករណីកំពុងបោកខោអាវ ឬក៏ដាំស្ល ព្រោះបើមិន
ដូច្នោះនោះទេ គ្រោះថ្នាក់នៅចំពោះមុខយើង គឺមិនអាចមើលឃើញនោះទេ ៕