ស្របពេលទៅនឹងប្រទេសកំពុងអភិវឌ្ឍន៌ ប្រជាពលរដ្ឋខ្មែរក៏កំពុងពេញនិយមទិញទំនិញ តាមប្រពន្ធអនឡាញ ផងនោះ គេឃើញថ្នាក់ដឹកនាំជាច្រើន ជាពិសេសនោះគឺក្រសួងសុខាភិបាល គឺត្រូវបានព្យាយាមដុតដៃដុតជើង នៅក្នុងការណែនាំដល់ប្រជាពលរដ្ឋ ក៏ដូចជាឃ្លាំមើលរាល់ផលិតផលមួយចំនួន ក្នុងនោះផងដែរ នាយកដ្ឋានប្រ ឆាំងផលិតផលក្លែងក្លាយរបស់ក្រសួងមហាផ្ទៃ ក៏កំពុងព្យាយាមខិតខំបំពេញកាតព្វកិច្ចយ៉ាងមមាញឹកផងដែរ ដើម្បីការពារ សុខភាព របស់ពលរដ្ឋកម្ពុជា ។

ជាក់ស្តែងនៅព្រឹកថ្ងៃទី០៤ ខែមិថុនា ឆ្នាំ២០២០ នេះ គណៈកម្មាធិការប្រឆាំងផលិតផលក្លែងក្លាយ បានរៀបចំ ពិធីកម្ទេចចោលឱសថ និងផលិតផលក្លែងក្លាយ និងខូចគុណភាព លើសការបរិច្ឆេទផ្សេងៗ ដែលមានទម្ងន់សរុប ជាង១៣០តោន នៅឯសង្កាត់ជើងឯក ខណ្ឌដង្កោ រាជធានីភ្នំពេញ ក្រោមអធិបតីភាពលោកសាស្ត្រាចារ្យ វេជ្ជ បណ្ឌិត ម៉ម ប៊ុនហេង រដ្ឋមន្ត្រីក្រសួងសុខាភិបាល ជាតំណាងដ៏ខ្ពង់ខ្ពស់ សម្តេចក្រឡាហោម ស ខេង ឧបនា យករដ្ឋមន្ត្រី និងជារដ្ឋមន្ត្រីក្រសួងមហាផ្ទៃ លោកនាយឧត្តមសេនីយ៍ មៀច សុផាន់ណា រដ្ឋលេខាធិការ និងជា ប្រធានគណៈកម្មាធិការប្រឆាំងផលិតផលក្លែងក្លាយក្រសួងមហាផ្ទៃ ព្រមទាំងមានការអញ្ជើញចូលរួម និងសហ ការពី លោក លោកជំទាវ លោក លោកស្រី មកពីអង្គភាពនានា យ៉ាងច្រើនកុះករ ផងដែរ ។

នេះជាលទ្ធផលនិងស្នាដៃដ៏ធំធេងមួយទៀតហើយ ដែលគណៈកម្មាធិការប្រឆាំងផលិតផលក្លែងក្លាយទទួលបាន និងយកមកកម្ទេចចោល ហើយក៏ជាសារមួយផ្តាំទៅអ្នកធ្វើអាជីវកម្មទាំងអស់កុំលួចបន្លំ បោកប្រាស់ អតិថិជន ដែលធ្វើឱ្យខូចសុខភាព ៕