ថ្មីៗនេះ បែកធ្លាយព័ត៌មានចេញពីទីតាំងដីសហគមន៌ជុំជិត ដែលមានទីតាំងស្ថិតនៅក្នុងភូមិអូរព្រះ ឃុំអូរគ្រៀល ស្រុកសំបូរ ខេត្តក្រចេះ បានឲ្យដឹងថា ដីព្រៃសហគមន៌ចំនួន៣០៨១ហិកតា ត្រូវបានក្រុមឈ្មួញអ្នកមានលុយ នាំគ្នាកាប់ទន្ទ្រានស្ទើររលាយខ្ទេចខ្ទីអស់ហើយ ។ អស់រយៈពេលកន្លងមកនោះ បើទោះជាខាងសហគមន៌ដាក់រាយ ការណ៌ជូនថ្នាក់ដឹកនាំខេត្តក្រចេះយ៉ាងណា ប៉ុន្តែគេនៅមិនឃើញមានចំណាត់ការណាមួយពីថ្នាក់ដឹកនាំ ដាក់ វិធានការក្តៅ នៅក្នុងការហាមឃាត់ទប់ស្កាត់ក្រុមមេឈ្មួញទាំងអស់នោះ បាននោះទេ ៕

បើតាមសេចក្តីរាយការណ៌បានឲ្យដឹងថា ឈ្មួញដែលប្រើទឹកលុយ ជួលឲ្យមនុស្សកាប់គាស់រុករានដីព្រៃនេះ មាន ឈ្មោះ លី សារ៉ន ត្រូវជាប្រពន្ធ និងមានឈ្មោះ កែវ សុខន ត្រូវជាប្តី ហើយក៏ជាបុគ្គលដែលល្បីឈ្មោះនៅក្នុងទីតាំង មួយនោះថា សំបូរលុយសម្រាប់ជាថ្នូបិទបាំងព័ត៌មានផងដែរ ។

ប្រជាពលរដ្ឋក្នុងសហគមន៌បានលើកឡើងថា ពួកគាត់ទាំងអស់គ្នា គឺពិតជាមានការសោកស្តាយជាខ្លាំងណាស់ ព្រោះថា ទីតាំងដីព្រៃសហគមន៌មួយនេះ គឺវាជាអំណោយផលធម្មជាតិខ្លាំងណាស់ ប្រសិនបើអាចអភិរក្សបានជា
តំបន់ទេសចរណ៌ធម្មជាតិ ។

ពួកគាត់បានអះអាងថា ទីតាំងខាងលើ គឺជាតំបន់ខ្ពង់រាប ហើយក៏មានទឹកធ្លាក់ ទឹកអូរហូរគ្រប់រដូវកាល ហើយក៏ ជាតំបន់អបិយ៌ជំនឿ ក្នុងប្រវត្តិសាស្ត្រសម័យកាល សៀម និងខ្មែរ ទៀតផង ។

ប្រជាពលរដ្ឋស្នើសុំអាជ្ញាធរថ្នាក់ខេត្ត ដែលមានរូបលោក វ៉ា ថន ជាអភិបាលផងនោះ សូមមេត្តា ជួយដាក់បទ
បញ្ជាឲ្យបានតឹងរឹង ដើម្បីទប់ស្កាត់ខ្លះៗផង បើមិនដូច្នោះទេ គឺទីតាំងដីព្រៃក្នុងសហគមន៌មួយនេះ ពិតជាត្រូវរលាយ ក្នុងសម័យកាលនេះ អស់មិនខាន ៕