ខេត្តឧត្ដរមានជ័យ ៖ សូមឯកឧត្ដមទេសរដ្ឋមន្រ្ដី ជា សុផារ៉ា រដ្ឋមន្រ្ដីក្រសួងរៀបចំដែនដី នគរូបនីយកម្ម សំណង់ និងសុរិយោដី និងឯកឧត្ដម លឹម គានហោ រដ្ឋមន្រ្ដីក្រសួងធនធានទឹក និងឧតុនិយម ដាក់ការស៊ើបអង្កេត និងមានចំណាត់ការ នៅលើដីលិចទឹករបស់រដ្ឋ នៅចំណុចបាក់សំណរ ក្នុងភូមិបាក់វែក ឃុំចុងកាល់ ស្រុកចុងកាល់ ខេត្តឧត្ដរមានជ័យ ព្រោះសព្វថ្ងៃនេះ កំពុងល្បីថា លោក រឹទ្ធិ ប៉ាក់ ចៅហ្វាយស្រុកចុងកាល់ និងលោក គុយ វណ្ណា មេឃុំចុងកាល់ បានឃុបឃិតគ្នា លក់ដីលិចទឹករបស់រដ្ឋនៅចំណុចខាងលើ រាប់រយហិកតា អោយទៅលោក គោ ស៊ុមសារឿត អតីតចៅហ្វាយខេត្តបន្ទាយមានជ័យ។ ដើម្បីធានាបាននូវការថែរក្សារការពារសម្បត្តិរដ្ឋទាំងដីព្រៃឈើ និងដីលិចទឹក អោយបានគង់វង្ស សូមឯកឧត្ដមទាំងពីរ គួរតែមានចំណាត់ការឲ្យបានទាន់ពេលវេលាផងទាន បើក្រសួងពាក់ព័ន្ធ មិនយកចិត្តទុកដាក់ និងគ្មានវិធានការទេនោះ ដីរបស់រដ្ឋរាប់រយហិកតា នៅតំបន់ខាងលើ នឹងធ្លាក់ចូលក្នុងកណ្ដាប់ដៃអ្នកមានអំណាច ហើយដីរដ្ឋជាច្រើនរយហិកតាទៀត នៅជុំវិញតំបន់ទីនោះ ក៏ប្រឈមនឹងការបាត់បង់ទាំងអស់ ករណីនេះ នឹងក្លាយទៅជាជំងឺមហារីក និងមិនអាចព្យាបាលបាន។ ជុំវិញរឿងរាវខាងលើនេះដែរ លោក រឹទ្ធិ ប៉ាក់ ចៅហ្វាយស្រុកចុងកាល់ បានឲ្យដឹង នៅថ្ងៃទី២៣ ខែកក្កដា ឆ្នាំ២០២០នេះ ថា រឿងនេះ យូរមកហើយ និងមានការពាក់ព័ន្ធ ជាមួយឯកឧត្ដម ឃិន ញ៉ាន អភិបាលរងខេត្ដឩត្តរមានជ័យ ផងដែរ។ ប៉ុន្តែ ឯកឧត្ដម ឃិន ញ៉ាន បានបដិសេធថា លោកមិនមានការពាក់ព័ន្ធទេ។ រីឯលោកមេឃុំចុងកាល់ បានបញ្ជាក់ថា បានទិញពីប្រជាពលរដ្ឋ ដោយមានការព្រមព្រៀងគ្នាឯកភាព ផ្តិតមេដៃទទួលស្គាល់។ ចំណែកលោក ញើន គួន ប្រធានមន្ទីរធនធានទឹក ថា ដីនោះ ជាដីលិចទឹក និងមានព្រៃស្មោងដុះ ពីមុនមិនទាន់កសាងទំនប់ទឹកអាតោ គឺជាតំបន់លិចទឹក។ ឯលោក សូត្រ ស៊ីសុខឃៀង ប្រធានមន្ទីរកសិកម្ម បានឲ្យដឹងដែរថា ដីនោះជាដីលិចទឹក ជាទ្រនាប់បឹង ជាដីរបស់រដ្ឋ ដែលមិនអាចធ្វើការទិញលក់បាន៕
ព័ត៌មានគួរចាប់អារម្មណ៍
ជនជាតិចិនដែលកំពុងវិនិយោគនៅក្នុងប្រទេសកម្ពុជា មានការភ្ញាក់ផ្អើលបន្ទាប់ពីចៅក្រម ថោង មារឌីណា សម្រេចផ្តន្ទាទោសពាណិជ្ជករម្នាក់ដោយអយុត្តិធម៌ (គេហទំព័ររស្មីសៀមរាប)
បទល្មើសនេសាទខុសច្បាប់កើតមានយ៉ាងពេញ បន្ទុក ក្នុង ឃុំចំនួន០៤ ស្រុកចំនួន០៣ ក្នុងខេត្តតាកែវ រីឯ អាជ្ញាធរនិងសមត្ថកិច្ចជំនាញពាក់ព័ន្ធ រក្សាភាពស្ងៀម ស្ងាត់.! ១២/10/2024 ()
មហាព្រឹត្តិការណ៍វីតាល់ «គរុកតញ្ញុតា» ដ៏ធំប្រចាំឆ្នាំ ប្រារព្ធឡើងដំណាលគ្នាស្របពេលតែមួយ ក្នុងខេត្តទាំង៥ (រស្មីសៀមរាប)
ពលរដ្ឌ១៦៤នាក់មកពីគណះបក្សប្រឆាំង បានចូលរួមស្មាក់ចិត្តរួមរស់ជាមួយគណះបក្សប្រជាជនកម្ពុជា ក្រោមអធិបតីភាព ឯកឧត្តម យូ សេរីវុឌ្ឃ បេសកជនពិសេសសម្តេច អគ្គមហាសេនាប្ដីតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា (រស្មីសៀមរាប)
សម្ដេចមហាបវរធិបតីហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជាអញ្ជើញជាអធិបតីដ៏ខ្ពង់ខ្ពស់ក្នុងពិធីបិទសន្និបាតបូកសរុបលទ្ធផលការងារឆ្នាំ ២០២៣ និងលើកទិសដៅការងារឆ្នាំ ២០២៤របស់អាជ្ញាធរជាតិប្រយុទ្ធប្រឆាំងគ្រឿងញៀននិងផ្សព្វផ្សាយផែនការយុទ្ធនាការប្រយុទ្ធប្រឆាំងគ្រឿងញៀនខុសច្បាប់លើកទី៩ (រស្មីសៀមរាប)
វីដែអូ
ចំនួនអ្នកទស្សនា