ភ្នំពេញ៖ នៅវេលាម៉ោង១និង៣០នាទីរំលងអាធ្រាតឈានចូលថ្ងៃទី១២ ខែសីហា ឆ្នាំ២០២០ មានហេតុការណ៍ផ្អើលឆោរឡោមួយបានកើតឡើង នៅចំណុចហាងផឹកស៉ីយីហោ វិមានព្រិល ស្ថិតនៅតាមបណ្តោយផ្លូវ១៦៣ សង្កាត់ទួលទំពូង១ ខណ្ឌចំការមន ក្រោយពីលោកឧត្ដមសេនីយ៍ត្រីម្នាក់ បានដកកាំភ្លើងខ្លីលីគំរាមបាញ់ម្ចាស់ហាង។តាមប្រភពពីកន្លែងកើតហេតុបានឲ្យដឹងថា មុនពេលកើតហេតុ គេឃើញបុរសម្នាក់ ស្លៀកពាក់ស៊ីវិល ក៏ប៉ុន្តែបានត្រូវគេស្គាល់ថា ជាឧត្តមសេនីយ៍ត្រី ពាក់ផ្កាយ១ បានជិះរថយន្តម៉ាក៉ាក ឡិចស៊ីស ពណ៌ទឹកប្រាក់ ពាក់ផ្លាកលេខ នគរបាល 2-7119 បានចូលទៅហាងផឹកស៊ី ដែលមានយីហោ វិមានព្រិល។លុះពេលស្រវឹងស្រឿងៗ បុរសម្នាក់នោះ បានសុំស្នេហ៍ ពីម្ចាស់ហាង ក៏ប៉ុន្តែស្ត្រីម្ចាស់ហាង មានប្រតិកម្ម ដើម្បីការពារសិទ្ធិ និងកិត្តិយសរបស់ខ្លួន បង្កឱ្យបុរសនោះ មានភាពអាម៉ាស់ និងខឹងសម្បារយ៉ាងខ្លាំង ដោយសារការចែចង់ សុំស្នេហ៍មិនបាន ហើយក៏ស្រាប់តែផ្ទុះហិង្សា ជាមួយម្ចាស់ហាង មួយប្រាវ រួចក៏បើករថយន្ត ចេញបាត់ទៅ។លុះមួយសន្ទុះក្រោយមក ស្រាប់តែជនបង្កបើករថយន្ត មកហាងផឹកស៊ី វិមានព្រិល វិញ និងបានដកកាំភ្លើង គំរាមបាញ់ តែត្រូវបានម្ចាស់ហាង រាយការណ៍ទៅកងកម្លាំងនគរបាល និងអាវុធហត្ថចំការមន ឱ្យជួយធ្វើអន្តរាគមន៍។ កងកម្លាំងមានសមត្ថកិច្ច បានចុះទៅដល់កន្លែងភ្លាមៗ តែជនបង្ក បានឡើងរថយន្ត បើកគេចចេញ ពីកន្លែងកើតហេតុ ហើយក៏ត្រូវបានសមត្ថកិច្ច ដេញតាមពីក្រោយ រហូតដល់ផ្លូវជាតិលេខ១ ស្ថិតក្នុងសង្កាត់ច្បារអំពៅ ខណ្ឌច្បារអំពៅ ទើបឃាត់រថយន្ត និងបុរសម្នាក់ ដែលជាខ្មាន់កាំភ្លើងនោះបាន ហើយក៏បាននាំខ្លួន មកកាន់អធិការដ្ឋាន ខណ្ឌចំការមនវិញ។ក្រោយពេលបញ្ជូនជនបង្កនេះមកដល់អធិការដ្ឋាននគរបាលខណ្ឌចំការមន សមត្ថកិច្ចបានបង្ហាញអត្តសញ្ញាណជនបង្កនោះឲ្យដឹងថា មានឈ្មោះ ជិន សាមីឌី អាយុ៣២ឆ្នាំ មានឋានន្តរស័ក្តិ ជាឧត្តមសេនីយត្រី (ផ្កាយ១) ទីលំនៅផ្ទះលេខ ១៥V ភូមិវាលស្បូវ សង្កាត់វាលស្បូវ ខណ្ឌច្បារអំពៅ៕
ព័ត៌មានគួរចាប់អារម្មណ៍
សម្ដេចមហាបវរធិបតីហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជាអញ្ជើញជាអធិបតីដ៏ខ្ពង់ខ្ពស់ក្នុងពិធីបិទសន្និបាតបូកសរុបលទ្ធផលការងារឆ្នាំ ២០២៣ និងលើកទិសដៅការងារឆ្នាំ ២០២៤របស់អាជ្ញាធរជាតិប្រយុទ្ធប្រឆាំងគ្រឿងញៀននិងផ្សព្វផ្សាយផែនការយុទ្ធនាការប្រយុទ្ធប្រឆាំងគ្រឿងញៀនខុសច្បាប់លើកទី៩ (រស្មីសៀមរាប)
តើយុត្តិធម៌មានសម្រាប់ប្រជាពលរដ្ឋទន់ខ្សោយ ស្លូតត្រង់ដែរឬទេ? ឬក៏មានសម្រាប់តែក្រុមបក្សពួកអ្នកមានអំណាចនិងមានលុយ? (រស្មីសៀមរាប)
ល្បែងស៊ីសងបញ្ចូលមាន់និងបៀរការ៉ាត់ជ្រកក្រោមស្លាកយីហោយៀក ថៃកំពុងបើកលេងយ៉ាងពេញបន្ទប់នៅក្នុងសង្កាត់ទន្លេបាសាក់មន្ត្រីមានសមត្ថកិច្ចក្នុងខណ្ឌចំការមន ហាក់សំងំស្ងៀមមិនមានការបង្ក្រាប ផ្គើននិងបទបញ្ជារបស់សម្ដេចតេជោហ៊ុន សែន សង្ស័យជាបានទទួលលាភសក្ការៈពីរដង្ខៅបនល្បែងស៊ីសងខុសច្បាប់នេះហើយមើលទៅ (ស្មីសៀមរាប 090567006)
ល្បែងស៊ីសងបញ្ចូល់មាន់និងបៀរការ៉ាត់ជ្រកក្រោមស្លាកយៀក ថៃ របស់ឈ្មោះ រតនា នៅសង្កាត់ទន្លេបាសាក់ខណ្ឌចំការមនបើកលេងយ៉ាងរលូន មន្រ្តីមានសមត្ថកិច្ចនៃអធិការដ្ឋាននគរបាលខណ្ឌចំការមនរក្សាភាពស្ងៀមស្ងាត់មិនធ្វើការបង្ក្រាប សង្ស័យជាត្រូវថ្នាំសណ្ដំហើយមើលទៅ! (ស្មីសៀមរាប 090567006)
វីដែអូ
ចំនួនអ្នកទស្សនា