ក្រចេះ៖ អាវុធហត្ថខេត្តក្រចេះ បានសម្រេចបញ្ជូនជន សង្ស័យ១នាក់ និងវត្ថុតាង រួមមានរថយន្ដមួយគ្រឿង ទៅសាលាដំបូងខេត្ត ចាត់ការបន្ត ក្រោយពីបានឃាត់ខ្លួនជនសង្ស័យរូបនោះ ធ្វើការសួរនាំរួច នារសៀលថ្ងៃទី២៤ ខែសីហា ឆ្នាំ២០២០ នេះ ។

យោងតាមរបាយការណ៍របស់អាវុធហត្ថខេត្តក្រចេះ បានបញ្ជាក់ឱ្យដឹងថា នៅថ្ងៃទី២៣ ខែសីហា កម្លាំងអាវុធហត្ថស្រុកព្រែកប្រសព្វ បានធ្វើការឃាត់ខ្លួនជនសង្ស័យឈ្មោះ ឃាន សម្បត្តិ ភេទប្រុស អាយុ ៣៨ឆ្នាំ មានទីលំនៅភូមិព្រែកប្រាំង ឃុំព្រែកប្រសព្វ ស្រុកព្រែប្រសព្វ តាមពាក្យបណ្ដឹងរបស់ឈ្មោះ ម៉ូវ សុខឌីម ភេទប្រុស អាយុ ៥០ឆ្នាំ ជាអ្នកសារព័ត៌មាន ករណីប្រើហិង្សាដោយចេតនា។

តាមប្រភពដែលបានឃេឺញហេតុការនោះបានប្រាប់ថា ជនសង្ស័យឈ្មោះឃាន សម្បត្តិ កាលពីថ្ងៃទី២១ ខែសីហាឆ្នាំ២០២០ បានធ្វើការដឹកជញ្ជូនឈើក្រហម(ឈើគ្រឿងផ្ទះ) តាមរថយន្ដកែច្នៃ ចេញ ពីចំណុចព្រៃឡង់ ស្រុកសំបូរ ឆ្លងកាត់ស្រុកព្រែកប្រសព្វ ខេត្តក្រចេះ ឆ្ពោះទៅស្រុកស្ទឹងត្រង់ ខេត្តកំពង់ចាម។ លុះដល់វេលាម៉ោងប្រហែល ៤និង៣០នាទីទាបភ្លឺឈានចូលថ្ងៃទី២២ ខែសីហា ពេលឡានដឹកឈើឈ្មោះ ឃាន សម្បិត្ត បានមកដល់ចំណុចភូមិទួលស្រឡៅ ឃុំទួលសំបួរ ស្រុកស្ទឹងត្រង់ ក៏បានជួបរថយន្ដក្រុមអ្នកសារព័ត៌មានចំនួន ២រថយន្ដ ធ្វើការ ចុះថតយករូបភាពរថយន្តដឹកឈេឺនោះ ក្នុងខណះដែលឡានដឹកឈេឺនោះ ត្រូវបានបើកបុកឡានរបស់អ្នកការសែតឈប់នៅ១កន្លែង ។ ស្រាប់តែ បន្តិចក្រោយមក ក៍មានរថយន្ត ម៉ាក លុចសុិស ៤៧០ ពណ៌ត្រេអុី ពាក់ស្លាកលេខ ខេមរភូមិន្ទ 2- 32 32 បានមកដល់ ភ្លាមនោះស្រាប់តែ លោកថៅកែឈេឺរូបនោះ ស្រែកបញ្ជារអោយកូនចៅ បើកឡានដឹកឈេឺចេញទៅដោយសុវត្ថភាព មិនបង្អង់យូរ លោកថៅកែ សម្បត្តិ បានស្រែកជេ ប្រម៉ាត យ៉ាងខ្លាំងៗទៅលើក្រុមអ្នកការសែតដែលបានថតរូបឡានដឹកឈេឺរបស់គាត់ រូចក៍ប្រើដៃចាប់ច្របាច់ក និងវ៉ៃ យ៉ាងសាហាវមែនទែនមកលើរាងកាយ បងប្អូនអ្នកការសែត។ រីឯក្រុមអ្នកការសែតដែលទទូលរងនូវអំពើហឹង្សាពី លោក ថៅកែឈេឺ នៅពេល នោះ គឺបានត្រឹមតែ ខ្ទាតចូលក្នុងព្រៃប្រោកៗ ក្រោកមកត្រូវៗជាច្រើនដៃរបស់លោក ថៅកែ ឈ្មោះ សម្បត្តិ ដោយពុំមានលទ្ធភាពតដៃបានឡេឺយ (ពិតជាគួអោយអាណិត) ។

តាមរបាយការណ៍អាវុធហត្ថខេត្តក្រចេះ បាន បញ្ជាក់ប្រាប់ថា ក្រោយពីស្រាវជ្រាវជុំវិញរឿងហេតុខាងលើ កំណត់ថា ឈ្មោះ ឃាន សម្បត្តិ បានប្រព្រឹត្តចំនួន ៣ករណី គឺ ទី១ ករណីដឹកជញ្ជូនឈើដោយខុសច្បាប់, ទី២ ករណីហិង្សា និង ទី៣ ករណីក្លែងឯកសារសាធារណៈ (រថយន្ដស្លាកលេខ ខ.ម)។

បច្ចុប្បន្ន ជនសង្ស័យ និងវត្ថុតាង ត្រូវបានអាវុធហត្ថខេត្តក្រចេះ បញ្ជូនទៅសាលាដំបូងខេត្ត ដើម្បីបន្តនីតិវិធី៕