បន្ទាយមានជ័យ÷ ទីតាំងល្បែងចាក់ភ្នាល់បាល់ មួយកន្លែងនៅចំណុចផ្សាររាត្រី នៅ ទល់មុខ និង មានចំងាយ ប្រហែល ៥០ ម៉ែត្រ ពីភោជនីយដ្ឋាន ឡាហ្វីរ៉ា ឋិតក្នុងភូមិ ប៉ាលិលេយ្យ១ សង្កាត់ប៉ោយប៉ែត ក្រុងប៉ោយប៉ែត ដែលត្រូវបានគេដឹងថា ជាទីតាំងចាក់បាល់របស់កូនស្រី លោកស្រី ថេង សុផារី មេភូមិប៉ាលិលេយ្យ២ បើកឲ្យក្រុមអ្នកញៀនភ្នាល់បាល់ចូលទៅលេង យ៉ាងដុះស្លែរមកហើយ នៅមិនទាន់ឃើញសមត្ថកិច្ចក្នុងក្រុងប៉ោយប៉ែត ធ្វើការបង្រ្កាបនៅឡើយនោះទេ ប្រហែលជាគាត់មិនដឹង ឬ យ៉ាងណា? យើងដឹងហើយថា សកម្មភាព លួច ឆក់ និង ប្លន់ មួយចំនួន គឺ វាមានប្រភពកើតចេញពីល្បែងសុីសង និង បង្ករឲ្យមានអំពើហឹង្សារក្នុងគ្រួសារ ផងដែរ ។


តែទោះជាយ៉ាងណាក៏ដោយ សារព័ត៌មានយើង សង្ឃឹមថា ក្រោយចុះផ្សាយព័ត៌មានមួយនេះ កងរាជអាវុធហត្ថក្រុងប៉ោយប៉ែត និង នគរបាលក្រុងប៉ោយប៉ែត និងចុះទៅបង្រ្កាបទីតាំងលួចលាក់បើកភ្នាល់បាល់ខុសច្បាប់មួយនេះ ឆាប់ៗផងចុះ ដើម្បីឆ្លើយតប គោលនយោបាយទាំង៩ចំណុចរបស់រាជរដ្ឋាភិបាល ដើម្បីភូមិ ឃុំ មានសុវត្ថិភាព ជាពិសេសត្រង់ចំណុចទី៥ គឺ បានលើកឡើងថា " គ្មានការលេងល្បែងសុីសងគ្រប់ប្រភេទ" និងសង្ឃឹមថា សមត្ថកិច្ចនិងអនុវត្តត្រង់ចំណុចទី៥នេះ អោយមានប្រសិទ្ធភាព ។


ទាក់និងបញ្ហាដូចខាងលើ នៅថ្ងៃទី២៦ ខែសីហា ឆ្នាំ២០២០នេះ សារព័ត៌មានយើង មិនអាចសុំការបំភ្លឺពីលោកស្រី ថេង សុផារី បាននោះទេ ព្រោះគ្មានលេខទូរស័ព្ទទំនាក់ទំនង។ ដូច្នេះអង្គភាពយើងរង់ការបំភ្លឺគ្រប់ពេល ថា តើទីតាំងចាក់បាល់មួយនេះ ពិតជារបស់កូនលោកស្រីមេភូមិប៉ាលិលេយ្យ២ម៉ែន ឬ ក៏អត់? ហើយតើ មានច្បាប់អនុញ្ញាតដែរឬទេ? បើមាន តើស្ថាប័ន ណា ជាអ្នកចេញច្បាប់អនុញ្ញាតអោយបើកអាជីវកម្ម? ព្រោះគេសង្កេតឃើញថា កន្លងទៅថ្មីៗនេះ សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានបញ្ជារឲ្យស្ថាប័នមានសមត្ថកិច្ច ចុះបិទទីតាំង ភ្នាល់ចាក់បាល និង ភ្នាល់តាម អនឡាញផ្សេងៗទៀតអស់ហើយ ។ ម្យ៉ាងវិញទៀត សម្តេចតេជោ ក៏មិនអនុញ្ញាតឲ្យបន្តសុពលភាព ច្បាប់បើកអាជីវកម្មល្បែងចាក់បាល់ និង ប្រភេទភ្នាល់តាមអនឡាញទៀតនោះទេ៕