បន្ទាយមានជ័យ÷ សមត្ថកិច្ចតូចតាចបានខ្សឹបប្រាប់ថា
ខារ៉ាអូខេ ឡាហ្វីរ៉ា ដែលលួចបើកដំណើរការ តែសមត្ថកិច្ចចុះផ្អាកឲ្យបិត នឹងធ្វើកិច្ចសន្យារួចម្ដងមកហើយ តែរាល់ថ្ងៃគេឃើញថា ខារ៉ាអូខេ ឡាហ្វីរ៉ា ដែលស្ថិតក្នុង បាលិលេយ្យ១ សង្កាត់ នឹងក្រុង ប៉ោយប៉ែត កំពុង លួចបើក ដំណើរយ៉ាងរលូន ផ្គើនជាមួយបទបញ្ជា សម្តេចតេជោ ហ៊ុន សែន នាយករដ្ឋមន្ត្រី និង ផ្គើនសេចក្តីណែនាំរបស់ក្រសួងសុខាភិបាល កម្ពុជា ក្នុងកំឡុងជម្ងឺកូវិដ-19 កំពុងកើតមានក្នុងប្រទេសកម្ពុជា ។

សូមបញ្ជាក់ថា នៅក្នុងខារ៉ាអូខេ ឡាហ្វីរ៉ា ក៏មានបង្កប់នូវល្បែង ហ្គេមបាញ់ត្រី ផងដែរ។

ប្រភពពីពលរដ្ឋដែលរស់នៅជិតខារ៉ាអូខេ ឡាហ្វីរ៉ា នេះ បានឲ្យដឹងថា គេឃើញមានភ្ញៀវចេញ-ចូល រាល់ថ្ងៃ ហើយម្យ៉ាងវិញទៀត សំលេងចាក់ភ្លេង បានលឺចេញមកខាងក្រៅ រំខានការដេកពួនផងដែរ។ ប្រភពជាច្រើន ដែលនៅហាងការហ្វេ ក្បែខារ៉ាអូខេ ឡាហ្វីរ៉ា បានឲ្យដឹងដែរថា នៅទីតាំងមួយនេះបើកដំណើរទាំងយប់ទាំងថ្ងៃ ព្រោះគេបានសង្កេតឃើញថា មានសំលេង ចាក់ភ្លេង លឺចេញមកខាងក្រៅជារៀងរាល់ថ្ងៃ។

ចំពោះករណីខាងលើនេះ សូមស្នើដល់លោកឧត្ដមសេនីយ៍ត្រី សិទ្ធ ឡោះ ជួយពិនិត្យមើលខារ៉ាអូខេ ឡាហ្វីរ៉ា សារជាថ្មីម្ដងទៀត កំពុងតែផ្គើននឹងកិច្ចសន្យាដែលកន្លង មកសមត្ថកិច្ចបានចុះបញ្ឈប់ផ្អាកមិនឲ្យមានការបើកខារ៉ាអូខេទៀតនោះទេ។