ប្រភពស្និទ្ធនឹងលោក ឃុត សាលីន ប្រធានការិយាល័យច្រកបុសមន បានឲ្យដឹងថា ដោយសារអាងមានខ្នងបង្អែករឹងមាំទើបលោក ឃុត សាលីន អាចកាន់តំណែងជាមេគយច្រកបុសមន ឡើងដុះស្លែហើយសាងភាពល្បីល្បាញខាងពុករលួយយ៉ាងសុខស្រួល។ ប្រភពបានឲ្យបានដឹងទៀតថា បច្ចុប្បន្នឈ្មួញនិងអាជីវករតូចតាចត្រូវបានលោក ឃុត សាលីន គាបយកលុយលើតុក្រោមតុតាមអំពើចិត្ត ហើយឈ្មួញធំៗត្រូវបានលោក ឃុត សាលីន ប្រធានការិយាល័យច្រកបុសមន បើកដៃឲ្យនាំចូលទំនិញគេចពន្ធ ទំនិញបង់ពន្ធមិនគ្រប់និងទំនិញខុសច្បាប់យ៉ាងគំហុក។
ប្រភពពីមន្រ្តីគយក្នុងខេត្តស្វាយរៀង បានឲ្យដឹងថា ចាប់តាំងពីទទួលបានតំណែងជាប្រធានសាខាគយខេត្តស្វាយរៀង គឺលោក ហេង សំបូរ មិនចាត់វិធានការទប់ស្កាត់អំពើពុករលួយពេញទំហឹងរបស់លោក ឃុត សាលីន ប្រធានការិយាល័យច្រកបុសមន នោះទេ។ ផ្ទុយទៅវិញលោក ហេង សំបូរ ប្រធានសាខាគយខេត្តស្វាយរៀង បណ្តោយឲ្យលោក ឃុត សាលីន ធ្វើអ្វីៗតាមអំពើចិត្តរបស់ខ្លួនដដែលហើយមិនខ្វល់ពីការរិះគន់អ្វីទាំងអស់។ ជាងនេះទៅទៀតគឺលោក គុណ ញឹម អគ្គនាយកនៃអគ្គនាយកដ្ឋានគយនិងរដ្ឋាករកម្ពុជា នៅតែបណ្តោយឲ្យលោក ឃុត សាលីន ប្រធានការិយាល័យច្រកបុសមន បន្តប្រព្រឹត្តអំពើពុករលួយយ៉ាងរលូន។
ប្រភពស្និទ្ធនឹងលោក ហេង សំបូរ ប្រធានសាខាគយខេត្តស្វាយរៀង បានឲ្យដឹងថា ទាល់តែមានការបើកដៃពីលោក ហេង សំបូរ ទើបលោក ឃុត សាលីន ប្រធានការិយាល័យច្រកបុសមន បន្តប្រព្រឹត្តអំពើពុករលួយពេញទំហឹង។ ដូច្នេះលោក អូន ព័ន្ធមុនីរ័ត្ន រដ្ឋមន្រ្តីក្រសួងសេដ្ឋកិច្ចនិងហិរញ្ញវត្ថុ មិនគួរមើលរំលងតទៅទៀតទេព្រោះលោក គុណ ញឹម អគ្គនាយកកំពុងបណ្តោយឲ្យលោក ហេង សំបូរ និងលោក ឃុត សាលីន រួមដៃគ្នាធ្វើអ្វីៗតាមអំពើចិត្ត។ ហេតុនេះហើយទើបឈ្មួញធំៗនៅតែនាំចូលទំនិញគេចពន្ធ ទំនិញបង់ពន្ធមិនគ្រប់និងទំនិញខុសច្បាប់តាមច្រកបុសមន យ៉ាងរលូនព្រោះលោក ហេង សំបូរ និងលោក ឃុត សាលីន គិតតែពីរឿងផលប្រយោជន៍ផ្ទាល់ខ្លួន។មានត