យោងការចុះផ្សាយតាមគេហទំពរ័ក្នុងស្រុករបស់ថៃ สระแก้ว-77 ข้าวเด็ด បានឲ្យដឹងថា កាលពីថ្ងៃទី២១ តុលា ២០២១ ទាហានរបស់ថៃកងកម្លាំងបូរផា សហការជាមួយកងរយទី៣នគបាលការពារព្រំដែនទី១២ និងនគបាលស្រុកតាព្រះយ៉ា និងប្រជាការពារភូមិខៅ លូកឆាង,ប្រជាការពារភូមិទព័សៀម បានចុះល្បាតក្នុងភូមិសាស្រ្តទទួលខុសត្រូវ រហូតមកដល់បរិវេណភូមិណាង ង៉ាម-ទព័សៀម បានប្រទះឃើញ និងចាប់ខ្លួនពលករខ្មែរដែលលួចឆ្លងចូលប្រទេសដោយខុសច្បាប់បាន១៥នាក់ ក្នុងនោះប្រុស៨និងស្រី៧នាក់។សូមបញ្ជាក់ថា ក្រោយពីសមត្ថកិច្ចថៃសួរនាំ ពលករខ្មែរខាងលើបានប្រាប់ថា ធ្វើដំណើរមកពីប្រទេសកម្ពុជា ដោយមានគោលបំណងទៅធ្វើការខាងសំណង់ និងស៊ីឈ្នួលទូទៅ នៅខេត្តឈុន បុរី,ក្រុងបាងកក និងនន់ បុរី ដោយបានធ្វើដំណើរតាមច្រករបៀងចូលមកដល់ភូមិណាង ង៉ាម-ភូមិទព័សៀម ឃុំ/ស្រុកតាព្រះយ៉ា ខេត្តស្រះកែវ និងត្រូវសមត្ថកិច្ចថៃចាប់ខ្លួនខណះកំពង់រង់ចាំរថយន្តមកទទួល ដោយចំណាយលុយក្នុងការធ្វើដំណើរក្នុងម្នាក់៦,៥០០បាត និងចំណាយលុយឲ្យអ្នកនាំផ្លូវជនជាតិខ្មែរក្នុងម្នាក់៥០០បាត ទើបសមត្ថកិច្ចថៃបញ្ជូនខ្លួនទៅឲ្យជំនាញស្រុកតាព្រះយ៉ា ដើម្បីចាត់ការតាមច្បាប់បន្ត។ខណះដូចគ្នានេះដែរ កម្លាំងសមត្ថកិច្ចខាងលើ បន្ទាប់ពីទទួលបានព័ត៍មានថា ហ្នឹងមានពលរដ្ឋខ្មែរលួចចូលប្រទេសដោយខុសច្បាប់ មកលាក់ខ្លួននៅបរិវេណក្រោមស្ពានភូមិ ណង ម៉ាំង ឃុំណង វែង ស្រុកគោកឃ្យូង ខេត្តស្រះកែវ ទើបចុះទៅតំបន់ខាងលើ និងបានប្រទះឃើញពលករខ្មែរចំនួន៤នាក់ ក្នុងនោះប្រុស២និងស្រី២នាក់ ក្រោយពីសមត្ថកិច្ចថៃសួរនាំ ពួកគេប្រាប់ថា បានធ្វើដំណើរមកពីខេត្តបន្ទាយមានជ័យ ចូលមកប្រទេសថៃតាមច្រករបៀង ដើម្បីទៅរង់ចាំរថយន្តមកទទួលនៅចំណុចខាងលើ ដឹកទៅធ្វើការនៅទីក្រុងបាងកក តាមដែលមេខ្យល់ប្រាប់ និងចំណាយលុយក្នុងម្នាក់៥,០០០បាត តែមកឲ្យសមត្ថកិច្ចចាប់ខ្លួនមុន ក្រោយពីសួរនាំ និងអនុវត្តតាមវិធានរបស់សុខាភិបាល ទើបបញ្ជូនពលករខ្មែរទាំង៤នាក់ ទៅឲ្យកងរយទី៣ ដើម្បីធ្វើកំណត់ហេតុចាប់ខ្លួន និងបណ្ដេញឲ្យត្រឡប់ទៅប្រទេសកម្ពុជាវិញ៕