សៀមរាប ÷ បច្ចុប្បន្ននេះគេសង្កេត ឃើញថា សកម្មភាព នៃការកាប់បំផ្លាញព្រៃឈើ នៅក្នុងដែន អភិរក្សសត្វ ព្រៃបឹងពែរនៅតែ បន្តមាន ជារៀងរាល់ថ្ងៃ។ ក្នុងនោះ ដោយយោង តាមប្រភពច្បាស់ការ បានប្រាប់ឲ្យ សារព័ត៌មាន យើងដឹងថា មានមេឈ្មួញឈើឈ្មោះ ណន កំពុងបន្តដឹកជញ្ជូន ឈើ យ៉ាងគគ្រឹកគគ្រេង ចេញពីភូមិ អូរ និងភូមិស្រោង ឃុំខ្វាវ យកទៅចែកចាយ នៅឃុំកំពង់ក្តី ស្រុកជីក្រែង ខេត្តសៀមរាប ។ គេសង្កេត ឃើញមាន មេឈ្មួញឈើ ឈ្មោះ ណន រូបនេះដឹកជញ្ជូនឈើ យ៉ាងសប្បាយ រីករាយ ក្នុងមួយថ្ងៃ ៣ ទៅ ៤ជើង ជាប្រចាំ តែមន្ត្រី ជំនាញរដ្ឋបាលព្រៃឈើ និងបរិស្ថាន និងប៉ូលិសសេដ្ឋកិច្ច នៅតាមដងផ្លូវ ចាប់ពីស្នាក់ការបរិស្ថាន ស្រោង និង ស្នាក់ការបរិស្ថាន ក្បាលដំរី ព្រមទាំង សង្កាត់់ រដ្ឋបាលព្រៃឈើ ខ្វាវ ដែលមានលោក វ៉នសាវុធ និង លោក សាំង វង្សសំរិទ្ធ ហៅតា ហុង ដា នាយសង្កាត់រដ្ឋបាល ព្រៃឈើ ជីក្រែង ខ្ពើម យកភ្នែកមើល ឬ បង្រ្កាបសោះឡើយ។ តាមប្រភព ច្បាស់ការឲ្យ ដឹងទៀតថា បើមន្ត្រីជំនាញ បង្រ្កាប គឺបង្រ្កាបតែ ក្រុមឈ្មួញ ណា ដែល មិនបង់លុយ ឲ្យតែ ប៉ុណ្ណោះ តើករណីនេះ ពិតដែរទេ?ជាក់ស្តែងនៅរសៀលថ្ងៃទី ០៤ ខែតុលាឆ្នាំ ២០២១ ឈ្មួញឈើឈ្មោះ ណន បានធ្វើសកម្មភាពដឹកបទល្មើសព្រៃឈើ ចេញពីឃុំខ្វាវមកដល់ឃុំពង្រលើ សារព័ត៌មានយើងបានរាយការណ៍ជូនដល់លោក វ៉ន សាវុធ នាយរងសង្កាត់រដ្ឋបាលព្រៃឈើខ្វាវ ដើម្បីបង្ក្រាបតែលោក វ៉ន សាវុធ ឆ្លើយថាលោកនៅម្នាក់ឯង ចាំលោករាយការណ៍ជូនគណៈបញ្ជាការឯកភាពស្រុកដើម្បីសុំកម្លាំងបង្ក្រាប តែបាត់សូន្យឈឹង ។ បន្ទាប់មកសារព័ត៌មានយើងបានរាយការណ៍ជូនលោកឧត្តមសេនីយ៍ត្រី ម៉ក់ ធារ៉ា ស្នងការរងទទួលផែនប្រឆាំងបទល្មើសសេដ្ឋកិច្ច នៃស្នងការដ្ឋាននគរបាលខេត្តសៀមរាប ហើយលោកបានប្រាប់ថាលោកឱ្យអធិការស្រុកជីក្រែង បញ្ជាកម្លាំងចុះទៅហើយ តែកម្លាំងអធិការស្រុកជីក្រែងក៏មិនឃើញដែរ មួយណាក៏ដូចមួយណារងចាំបាត់ដំណឹងស្ងាត់ឈឹងមិនឃើញមានស្រមោលមន្ត្រីជំនាញឬក៏សមត្ថកិច្ចពាក់ព័ន្ធណាចុះទៅបង្ក្រាបនោះទេ ឬមួយមន្ត្រីជំនាញនិងសមត្ថកិច្ចពាក់ព័ន្ធទាំងអស់បានទទួលផលប្រយោជន៍ពីលោក ណន មេឈ្មួញឈើហ្នឹងហើយទេដឹង ? ។ទោះបីជាមានបទបញ្ជាពីលោកស្នងការរងទទួលបន្ទុកបទល្មើសសេដ្ឋកិច្ចយ៉ាងណាក៏លោកវរសេនីយ៍ទោ តាំង លីហេង មិនឃើញបញ្ជាកម្លាំងទៅបង្ក្រានឡើយ ។ទង្វើរបស់មន្ត្រីជំនាញ និងសមត្ថកិច្ចពាក់ព័ន្ធក្នុងស្រុកជីក្រែងបែបនេះប្រហែលបានទទួលផលប្រយោជន៍ពីលោក ណន ហ្នឹងដែរទេដឹង? បានជាមិនចុះទៅបង្ក្រាប ។រីឯលោក ពៅ ប៊ុនធឿន អភិបាលស្រុកជីក្រែងវិញនោះ សារព័ត៌មានយើងបានតេទៅលោកជាច្រើនដងតែលោកមិនលើកទូរស័ព្ទឡើយ បទល្មើសព្រៃឈើកើតជារៀងរាល់ថ្ងៃក្នុងស្រុកជីក្រែងតែលោក ពៅ ប៊ុនធឿន បែរជាសម្ងំស្ងៀមធ្វើមិនដឹង ៕
ព័ត៌មានគួរចាប់អារម្មណ៍
រដ្ឋមន្ត្រីការពារជាតិអ៊ីស្រាអែល ៖ អ៊ីស្រាអែលបានឈានដល់ដំណាក់កាលមិនអាចត្រឡប់ថយក្រោយវិញហើយ! (រស្មីសៀមរាប /RSRNEWs)
អ៊ីរ៉ង់ គំរាមវាយប្រហារមូលដ្ឋានទ័ពអាម៉េរិកក្នុងតំបន់មជ្ឈិមបូព៌ា ប្រសិនបើសហរដ្ឋអាម៉េរិកបង្កជម្លោះយោធា (សម្របសម្រួលដោយ ៖ រស្មីសៀមរាប / RSRNews)
សម្តេចនវរធិបតី ហ៊ុន ម៉ាណែត និងលោកជំទាវបណ្ឌិត អញ្ជើញមកដល់មាតុប្រទេសវិញ ក្រោយពីបានចូលរួមសន្និសីទអង្គការសហប្រជាជាតិ ស្តីពីមហាសមុទ្រ លើកទី៣ (UNOC3) នៅបារាំង (រស្មីសៀមរាប /RSR News)
#ដល់រដូវកាលហើយ !ល្បែងសុីសងខុសច្បាប់ «ភ្នាល់ទឹកភ្លៀង» នៅចំកណ្តាលក្រុងភ្នំពេញ ឃើញថា ចាប់ផ្តើមបើកដំណើរលេងទៀតហើយ" (@រស្មីសៀមរាប)
លោកយឹង សារ៉ាត់ ប្តឹងឈ្មោះ ស៊ូ វណ្ណា ទៅតុលាការសាលាដំបូងខេត្តបន្ទាយមានជ័យ ចោទពីបទញុះញង់ឲ្យមានការរើសអើង ប្រព្រឹត្តិតាមបណ្តាញសង្គមហ្វេសប៊ុក ឈ្មោះ Sou Vanna (vanna.lungkler.5) កាលពីថ្ងៃទី១១ ខែកុម្ភៈ ឆ្នាំ២០២៥ និងថ្ងៃទី១៤ ខែកុម្ភះ ឆ្នាំ២០២៥ ។ នេះបើតាមពាក្យបណ្តឹងដែលសារព័ត៌មានខ្មែរជាយដែនទើបទទួលបាន។ (@រស្មីសៀមរាប)
វីដែអូ
ចំនួនអ្នកទស្សនា