ខេត្តកំពង់ធំ/សកម្មភាពមេឈ្មួញត្រីដុះស្លែដ៏ធំ ប្រចាំបឹងទន្លេសាប ដែលគេស្គាល់ថាជាមេឈ្មួញត្រីដុះស្លែរល្បីឈ្មោះទូកអូសយ៉ាំងកាវខ្នាតធំ ហើយគ្មានមន្ត្រីជំនាញណាហ៊ានបង្រ្កាបឡើយ ព្រោះមេឈ្មួញរូបនេះមានខ្នងបង្អែកធំនៅពីក្រោយខ្នង ។ជាក់ស្ដែងកាលពីវេលាម៉ោង ៩: ៣៩នាទី ថ្ងៃទី២៦ ខែតុលា ឆ្នាំ២០២១ នៅត្រង់ចំណុច ទួលមុខភូមិ បាឡត ឃុំពាមបាង ស្រុកស្ទោង ខេត្តកំពង់ធំ មានសកម្មភាពទូកអូសយ៉ាំងកាវ យ៉ាងអនាធិបតេយ្យដោយមិនមានមន្ត្រីជំនាញណាហ៊ានបង្រ្កាបនោះទេ ។ព្រោះថាមេឈ្មួញត្រីដ៏សកម្មរូបនេះ គឺជាជនជាតិវៀតណាមដែលមករស់នៅលើទឹកដីកម្ពុជា ហើយមានខ្នងបង្អែកដ៏ធំ និងរឹងមាំនៅពីក្រោយខ្នង ដើម្បីរង់ចាំការជួយអន្តរាគមន៍ និងជាពិសេសប្រើអំណាចទឹកលុយគ្របដណ្តប់លើស្ថាប័នមួយចំនួនដែលពាក់ពន្ធ និងការបង្ក្រាបបទល្មើសធនធានធម្មជាតិ ។សូមបញ្ជាក់ថា ៖ មេឈ្មួញត្រីខាងលើមានឈ្មោះ ចេង ដែលកន្លងមកតែងតែរត់ការ និងបង់ឱ្យជំនាញផ្សេងៗ រៀងរាល់រដូវ មិនថារដូវទឹកឡើងឬរដូវទឹកស្រកនោះទេ បើមិនដូច្នោះទេសកម្មភាពទាំងនោះក៏មិនអាចកើតឡើងបានដែរ ដូចពេលហ្នឹងអញ្ចឹងសកម្មភាពអូសទូកយ៉ាំងកាវ ទាំងនេះអូសយ៉ាងគគ្រឹកគគ្រេង ចំណែកមន្ត្រីជំនាញដេកលក់ធ្វើមិនដឹង រងចាំ ភ្ញាក់ឡើងរាប់ថ្ងៃយកលុយតែម្តង ។ នេះបើយោងតាមប្រភពមួយផ្សេងទៀត បានឲ្យដឹងថាបុគ្គលឈ្មោះ ចេង ខាងលើនេះ គឺជាអធិរាជលើផ្ទៃបឹងទន្លេសាបជាច្រើនឆ្នាំមកហើយ ហើយជារាងរាល់ថ្ងៃគេ ក៏តែងតែឃើញសកម្មភាពទូកអូសយ៉ាំងកាវយ៉ាងគឃ្លើន ដោយមិនខ្លាចក្រែងរអា នឹងជំនាញណាម្នាក់នោះឡើយ ។ដោយទូកអូសរបស់គាត់ជាទូកអូសខ្នាតធំ មានរហូតដល់ទៅ៨ទូកធំៗ ស្មើនឹង៤គូរ អូសដោយទាំងត្រីតូចត្រីធំ គ្រប់ប្រភេទ ដែលរស់នៅក្នុងទឹកបឹងទន្លេសាប មិនថារដូវណានោះទេ គឺរងការបំផ្លាញ និងបំពុលបរិស្ថាន ព្រោះពេលទូកអូសម្ដងៗធ្វើឲ្យទឹកទន្លេឡើងល្អក់ខ្មៅពេញផ្ទៃទឹកទាំងអស់ ។ដោយសារតែសមត្ថភាពបំផ្លិចបំផ្លាញមច្ឆាជាតិទាំងនេះហើយទើបធ្វើឲ្យប្រជាពលរដ្ឋលើកការសសើរដល់ជំនាញរដ្ឋបាលជលផល មិនដាច់ពីមាត់ ជាពិសេសលោកយ៉ាន់ វីសាក់ ហៅ សែនាយសង្កាត់រដ្ឋបាលជលផលផាត់សណ្តាយ និងលោក ចាយ កុងមេង នាយរងខណ្ឌរដ្ឋបាលជលផលកំពង់ធំ ថាបង្ក្រាបបានតែទូកមងនេសាទលក្ខណៈគ្រួសារតូចតាចតែប៉ុណ្ណោះ ចំណែកទូកអូសធំៗមើលមិនឃើញ ។ជាចុងក្រោយនេះផងដែរ ប្រជាពលរដ្ឋនេសាទលក្ខណៈគ្រួសារ សុំសូមណូមទៅ ឯកឧត្តម ងួន រតនៈ អភិបាលនៃគណអភិបាលខេត្តកំពង់ធំ និងជាប្រធាន គណៈបញ្ជាការឯកភាពខេត្ត ដែលទើបតែផ្ទេរភារកិច្ចមកកាន់ខេត្តកំពង់ធំថ្មីៗនេះ សូមឯកឧតម្តមេត្តាពិនិត្យ និងចង្អុលបង្ហាញលោក ជិន ស៊ីថា នាយខណ្ឌរដ្ឋបាលជលផលខេត្តកំពង់ធំថ្មី ឲ្យឧស្សាហ៍ចុះមើលបទល្មើសនេសាទតាមដងទន្លេសាបផង បើមិនដូច្នោះទេ មច្ឆាជាតិគ្រប់ប្រភេទ និងត្រូវរងការវិនាសហិនហោចជាក់ជាមិនខានឡើយ ៕
ព័ត៌មានគួរចាប់អារម្មណ៍
សម្ដេចមហាបវរធិបតីហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជាអញ្ជើញជាអធិបតីដ៏ខ្ពង់ខ្ពស់ក្នុងពិធីបិទសន្និបាតបូកសរុបលទ្ធផលការងារឆ្នាំ ២០២៣ និងលើកទិសដៅការងារឆ្នាំ ២០២៤របស់អាជ្ញាធរជាតិប្រយុទ្ធប្រឆាំងគ្រឿងញៀននិងផ្សព្វផ្សាយផែនការយុទ្ធនាការប្រយុទ្ធប្រឆាំងគ្រឿងញៀនខុសច្បាប់លើកទី៩ (រស្មីសៀមរាប)
តើយុត្តិធម៌មានសម្រាប់ប្រជាពលរដ្ឋទន់ខ្សោយ ស្លូតត្រង់ដែរឬទេ? ឬក៏មានសម្រាប់តែក្រុមបក្សពួកអ្នកមានអំណាចនិងមានលុយ? (រស្មីសៀមរាប)
ល្បែងស៊ីសងបញ្ចូលមាន់និងបៀរការ៉ាត់ជ្រកក្រោមស្លាកយីហោយៀក ថៃកំពុងបើកលេងយ៉ាងពេញបន្ទប់នៅក្នុងសង្កាត់ទន្លេបាសាក់មន្ត្រីមានសមត្ថកិច្ចក្នុងខណ្ឌចំការមន ហាក់សំងំស្ងៀមមិនមានការបង្ក្រាប ផ្គើននិងបទបញ្ជារបស់សម្ដេចតេជោហ៊ុន សែន សង្ស័យជាបានទទួលលាភសក្ការៈពីរដង្ខៅបនល្បែងស៊ីសងខុសច្បាប់នេះហើយមើលទៅ (ស្មីសៀមរាប 090567006)
ល្បែងស៊ីសងបញ្ចូល់មាន់និងបៀរការ៉ាត់ជ្រកក្រោមស្លាកយៀក ថៃ របស់ឈ្មោះ រតនា នៅសង្កាត់ទន្លេបាសាក់ខណ្ឌចំការមនបើកលេងយ៉ាងរលូន មន្រ្តីមានសមត្ថកិច្ចនៃអធិការដ្ឋាននគរបាលខណ្ឌចំការមនរក្សាភាពស្ងៀមស្ងាត់មិនធ្វើការបង្ក្រាប សង្ស័យជាត្រូវថ្នាំសណ្ដំហើយមើលទៅ! (ស្មីសៀមរាប 090567006)
វីដែអូ
ចំនួនអ្នកទស្សនា