កណ្តាល៖ ជនសង្ស័យម្នាក់ត្រូវបានសមត្ថកិច្ចជំនាញផ្នែកប្រឆាំងបទល្មើសគ្រឿងញៀនស្រុកខ្សាច់កណ្តាលសហការជាមួយប៉ុស្តិ៍នគរបាលរដ្ឋបាលព្រែកតាមាក់ឃាត់ខ្លួនពាក់ព័ន្ធករណីគ្រឿងញៀន (ម៉ាទឹកកក)។

ហេតុការណ៍នេះបានកើតឡើងថ្ងៃពុធ ទី០៣ ខែវិច្ឆិកា ឆ្នាំ២០២១ វេលាម៉ោង១១:៣០នាទី នៅក្នុងផ្ទះ ភូមិក្នុង ឃុំព្រែកតាមាក់ ស្រុកខ្សាច់កណ្តាល ខេត្តកណ្តាល។

ជនសង្ស័យម្នាក់ឈ្មោះ វ៉ាន សុខវ៉ាត ភេទប្រុស អាយុ៤៥ឆ្នាំ មុខរបរមិនពិតប្រាកដ ជនជាតិខ្មែរ មានទីលំនៅភូមិក្នុង ឃុំព្រែកតាមាក់ ស្រុកខ្សាច់កណ្តាល ខេត្តកណ្តាល។

លទ្ធផលតេស្តរកមេរោគកូវីដ.១៩ អវិជ្ជមាន( – )។
វត្ថុតាងចាប់យក ៖
១-ថ្នាំញៀនប្រភេទមេតំហ្វេតាមីនចំនួន៣១កញ្ចប់ (ធំ០១កញ្ចប់,តូច៣០កញ្ចប់) (ទំងន់៤០.៧៧ក្រាម)
២-ជញ្ជីងសំរាប់ថ្លឹងថ្នាំញៀនចំនួន០១គ្រឿង
៣-ទូរស័ព្ទដៃចំនួន០១គ្រឿង
៤-សំភារៈសំរាប់វេចខ្ចប់ថ្នាំញៀនមួយចំនួន។

តាមសមត្ថកិច្ចឲ្យដឹងថាកន្លងមកឈ្មោះ វ៉ាន សុខវ៉ាត ភេទប្រុស ធ្លាប់ជាប់ពន្ធនាគារខេត្តកណ្តាលរយៈពេល៣ឆ្នាំ ពីបទរក្សាទុកដោយខុសច្បាប់នូវសារធាតុញៀន។ ហើយនៅមុនពេលកេីតហេតុ មានប្រជាពលរដ្ឋបានរាយការណ៍ប្រាប់សមត្ថកិច្ចនគរបាលថាមានករណីជួញដូរថ្នាំញៀននៅចំណុចកេីតហេតុខាងលេី។ ភ្លាមនោះកម្លាំងផ្នែកប្រឆាំងគ្រឿងញៀនស្រុកខ្សាច់កណ្តាលសហការជាមួយកម្លាំងប៉ុស្តិ៍នគរបាលរដ្ឋបាលព្រែកតាមាក់ បានចុះទៅឃាត់ខ្លួនឈ្មោះវ៉ាន សុខវ៉ាត ភេទប្រុស ហេីយដកហូតបានថ្នាំញៀនចំនួន៣១កញ្ចប់(ធំ០១កញ្ចប់,តូច៣០កញ្ចប់)រួមជាមួយជញ្ជីងសំរាប់ថ្លឹងថ្នាំញៀនចំនួន០១គ្រឿងនិងសំភារៈសំរាប់វេចខ្ចប់ថ្នាំញៀនមួយចំនួនបញ្ជូនមកអធិការដ្ឋាននគរបាលស្រុកខ្សាច់កណ្តាលដេីម្បីបន្តនីតិវិធី។

នៅចំពោះមុខសមត្ថកិច្ចនគរបាលឈ្មោះ វ៉ាន សុខវ៉ាត ភេទប្រុស បានឆ្លេីយសារភាពប្រាប់សមត្ថកិច្ចនគរបាលថាខ្លួនគឺពិតជាបានលក់ថ្នាំញៀនពិតប្រាកដមែន។ ចំពោះថ្នាំញៀនគឺខ្លួនទៅទិញពីមនុស្សប្រុសមិនស្គាល់ឈ្មោះម្នាក់នៅម្តុំពេទ្យលោកសង្ឃ រាជធានីភ្នំពេញ ដោយទិញម្តងតំលៃ៣៥មុឺនរៀនបានថ្នាំញៀនចំនួន០១កញ្ចប់ធំដេីម្បីរំលែកដាក់កញ្ចប់តូចទុកលក់បន្ត៕