បាត់ដំបង ៖ បើតាមសមត្ថកិច្ចបង្ហើបឲ្យដឹងនៅថ្ងៃទី០៨ ខែវិច្ឆិកា ឆ្នំា២០២១នេះថា ក្រោយការស្រាវជ្រាវយ៉ាងហ្មត់ចត់របស់កម្លាំងជំនាញមូលដ្ឋានស្រុកគាស់ក្រឡ ក៏ដូចជាការិយាល័យកម្រិតធ្ងន់នៃស្នងការនគរបាលខេត្តបាត់ដំបងបានកំណត់មុខសញ្ញាជនដៃដល់ម្នាក់ជាមន្ត្រីនគរបាល មានតួនាទីជាអធិការរងស្រុកគាស់ក្រឡដែលបានសម្លាប់បងថ្លៃរបស់ខ្លួនឈ្មោះ យ៉ង សារ៉ាត់ ភេទប្រុសអាយុ៤៥ឆ្នាំ កាលពីចុងខែសីហា ឆ្នាំ២០២១កន្លងមកនៅក្នុងចំណុចភូមិបាស្រែ ឃុំដូនបា ស្រុកគាស់ក្រឡ ខេត្តបាត់ដំបង។ខណៈដែលអ្នកពាក់ព័ន្ធប្រព្រឹត្តិអំពើឃាតកម្មកាលពី៤ខែមុន នៅស្រុកគាស់ក្រឡ មកដល់ម៉ោងនេះកម្លាំងសមត្ថកិច្ចជំនាញនៃស្នងការខេត្តនៅមិនទាន់បង្ហើបឲ្យដឹងអំពីតម្រុយណាមួយនៅឡើយទៅលើអ្នកដែលរួមគំនិតជាមួយជនសង្ស័យ ទើបតុលាការសម្រេចបិទបញ្ចប់ការសាកសួរទៅលើអតីតអធិការរងម្នាក់ដែលជាជនសង្ស័យតែម្តង។ក្រោយកម្លាំងជំនាញបានបញ្ជូនខ្លួនជនសង្ស័យជាមួយរបាយការណ៍នៃអង្គហេតុយ៉ាងច្បាស់លាស់ហ្មត់ចត់ពីមន្ទីរជំនាញដែលបានសហការណ៍ស្រាវជ្រាវលើករណីឃាតកម្មកាលពី៤ខែមុន រួមនឹងការបំភ្លឺពីសមត្ថកិច្ចពាក់ព័ន្ធផង តុលាការសម្រេចឃុំខ្លួនជនសង្ស័យតែម្តងកាលពីថ្ងៃទី៧ ខែវិច្ឆិកាម្សិលមិញ ក្រោយធ្វើការសាកសួរអស់ជាច្រើនម៉ោងកន្លងមក។ជនសង្ស័យមានឈ្មោះ ដាក សុខា អធិការរងស្រុកគាស់ក្រឡ ផ្នែកប្រឆាំងគ្រឿងញៀន ត្រូវបានកម្លាំងព្រហ្មទណ្ឌនៃស្នងការខេត្តចាប់ខ្លួនកាលពីថ្ងៃទី៤ ខែវិច្ឆិកា ហើយត្រូវបានកសាងសំណុំរឿងបញ្ជូនទៅសាលាដំបូងខេត្តបាត់ដំបង។ ហើយក្រោយការសាកសួរយ៉ាងលំអិតពាក់ព័ន្ធសំណុំរឿងឃាតកម្មខាងលើនៅថ្ងៃទី០៧ ខែវិច្ឆិកាម្សិលមិញនេះ តុលាការបានសម្រេចឃុំខ្លួនជាស្ថាពរតែម្តង។ជុំវិញករណីអតីតអធិការរងស្រុកគាស់ក្រឡម្នាក់ធ្វើឃាតកម្មទៅលើបងថ្លៃរបស់ខ្លួនដែលសមត្ថកិច្ចក៏ដូចជាក្រុមគ្រួសារជនរងគ្រោះបានអះអាងដូចៗគ្នាថា ជនរងគ្រោះជាមនុស្សដែលមានសតិមិនគ្រប់នោះមកដល់ពេលនេះ មិនទាន់មានប្រភពណាមួយបង្ហើបនិងអះអាងពីមូលហេតុឲ្យបានច្បាស់លាស់នៃការសម្លាប់នេះនៅឡើយនោះទេ ខណៈដែលមុនកើតហេតុសមត្ថកិច្ចអះអាងថា ជនរងគ្រោះត្រូវបានកម្លាំងបាននាំខ្លួនមកសាកសួរនៅអធិការស្រុកពាក់ព័ន្ធករណីបង្កអំពើហិង្សាក្នុងគ្រួសារតែប៉ុណ្ណោះ៕
ព័ត៌មានគួរចាប់អារម្មណ៍
រដ្ឋមន្ត្រីការពារជាតិអ៊ីស្រាអែល ៖ អ៊ីស្រាអែលបានឈានដល់ដំណាក់កាលមិនអាចត្រឡប់ថយក្រោយវិញហើយ! (រស្មីសៀមរាប /RSRNEWs)
អ៊ីរ៉ង់ គំរាមវាយប្រហារមូលដ្ឋានទ័ពអាម៉េរិកក្នុងតំបន់មជ្ឈិមបូព៌ា ប្រសិនបើសហរដ្ឋអាម៉េរិកបង្កជម្លោះយោធា (សម្របសម្រួលដោយ ៖ រស្មីសៀមរាប / RSRNews)
សម្តេចនវរធិបតី ហ៊ុន ម៉ាណែត និងលោកជំទាវបណ្ឌិត អញ្ជើញមកដល់មាតុប្រទេសវិញ ក្រោយពីបានចូលរួមសន្និសីទអង្គការសហប្រជាជាតិ ស្តីពីមហាសមុទ្រ លើកទី៣ (UNOC3) នៅបារាំង (រស្មីសៀមរាប /RSR News)
#ដល់រដូវកាលហើយ !ល្បែងសុីសងខុសច្បាប់ «ភ្នាល់ទឹកភ្លៀង» នៅចំកណ្តាលក្រុងភ្នំពេញ ឃើញថា ចាប់ផ្តើមបើកដំណើរលេងទៀតហើយ" (@រស្មីសៀមរាប)
លោកយឹង សារ៉ាត់ ប្តឹងឈ្មោះ ស៊ូ វណ្ណា ទៅតុលាការសាលាដំបូងខេត្តបន្ទាយមានជ័យ ចោទពីបទញុះញង់ឲ្យមានការរើសអើង ប្រព្រឹត្តិតាមបណ្តាញសង្គមហ្វេសប៊ុក ឈ្មោះ Sou Vanna (vanna.lungkler.5) កាលពីថ្ងៃទី១១ ខែកុម្ភៈ ឆ្នាំ២០២៥ និងថ្ងៃទី១៤ ខែកុម្ភះ ឆ្នាំ២០២៥ ។ នេះបើតាមពាក្យបណ្តឹងដែលសារព័ត៌មានខ្មែរជាយដែនទើបទទួលបាន។ (@រស្មីសៀមរាប)
វីដែអូ
ចំនួនអ្នកទស្សនា