ភ្នំពេញ ៖ នារសៀលថ្ងៃទី១៨ ខែធ្នូ ឆ្នាំ២០២១ បញ្ជូនជនសង្ស័យជាមេខ្លោងកែច្នៃដឹកជញ្ជូននិងជួញដូរគ្រឿងញៀ ខុសច្បាប់ចំនួន៣នាក់ដែលសមត្ថកិច្ចបង្ក្រាបបាននៅខេត្តកំពង់ស្ពឺ ទៅកាន់សាលាដំបូងរាជធានីភ្នំពេញ ។ជនសង្ស័យទាំង៣នាក់មាន១-ឈ្មោះ LY PO HAN ភេទប្រុស អាយុ២១ឆ្នាំ ជនជាតិចិនតៃវ៉ាន់ (អ្នកបើកបរដឹកគ្រឿងញៀន) ។ ២-ឈ្មោះ YE YONG អាយុ៤៨ឆ្នាំ ភេទប្រុស ជនជាតិចិនតៃវ៉ាន់ (មេការគ្រប់គ្រងទីតាំងកែច្នៃគ្រឿងញៀន) និង៣-ឈ្មោះ YE YAN SHOU អាយុ៥៨ឆ្នាំ ជនជាតិចិនសញ្ជាតិខ្មែរ ។សំណុំរឿងនេះបានស្ថិតនៅដៃលោក សេង ហៀង ព្រះរាជអាជ្ញារងនៃអយ្យការអមសាលាដំបូងរាជធានីភ្នំពេញ បើកការស៊ើបសួរ បន្ទាប់ពីសាកសួររហូតដល់ព្រលប់បន្តិចថ្ងៃដដែលតំណាងអយ្យការបានផ្ញើជនសង្ស័យទៅសមត្ថកិច្ចវិញនិងតម្រូវឱ្យព្រឹកស្អែកនាំទៅសាកសួរបន្ត ដើម្បីរកបទល្មើសសម្រាប់ធ្វើការ ចោទប្រកាន់ជាផ្លូវការ និងចាត់បញ្ជូនទៅចៅក្រមសម្រេចឃុំខ្លួនដាក់ពន្ធនាគារជាបណ្តោះអាសន្ន ។សូមបញ្ជាក់ថា កាលពីរសៀលថ្ងៃទី១៣ ខែធ្នូ ឆ្នាំ២០២១ មន្ទីរប្រឆាំងបទល្មើសគ្រឿងញៀនបានធ្វើសន្និសីទកាសែតបង្ហាញពីស្នាដៃដ៏ធំធេងក្នុងការបង្រ្កាបបទល្មើសគ្រឿងញៀនយ៉ាងសន្ធឹកសន្ធាប់មួយនៅខេត្តកំពង់ស្ពឺដល់អ្នកសារព័ត៌មានជាច្រើនស្ថាប័ន ដែលពិធីនេះស្ថិតនៅក្រោមអធិបតីភាពលោកនាយឧត្តមសេនីយ៍ ម៉ក់ ជីតូ អគ្គស្នងការរងនគរបាលជាតិ លោក សេង ហៀង ព្រះរាជអាជ្ញារងនៃអយ្យការអមសាលាដំបូងរាជធានីភ្នំពេញ លោកឧត្តមសេនីយ៍ឯក ឡឹក វណ្ណៈ នាយកមន្ទីរប្រឆាំងបទល្មើសគ្រឿងញៀន រួមទាំងនាយករងមួយចំនួនទៀតផងដែរ ។ពិធីបានបង្ហាញវត្ថុតាងគ្រឿងញៀនប្រភេទមេតំហ្វេតាមីនចំនួន១.៤៨៤ គីឡូក្រាមដែលបានរឹបអូសពីទីតាំងកែច្នៃនៅក្នុងក្រុមហ៊ុន(ស៊ីន យិនហ្វេង ខេមបូឌា អុីនដាស់ស្ទ្រី ខូអិលធីឌី) ស្ថិតក្នុងភូមិដំបងវេញ ឃុំសង្កែសាទប ស្រុកឱរ៉ាល់ ខេត្តកំពង់ស្ពឺ ដែលករណីនេះមានការឃាត់ខ្លួនមនុស្សជាង១០នាក់ ប៉ុន្តែមាន៤នាក់ជាមេខ្លោងកែច្នៃ ផលិតនិងដឹកជញ្ជូនគ្រឿងញៀន ក្នុងនោះមានម្នាក់ស្លាប់ដោយត្រូវគ្រាប់កាំភ្លើង ខណៈដែលផ្ទុះអាវុធតដៃជាមួយសមត្ថកិច្ច គឺឈ្មោះ LEE TSUNG HAN អាយុ៣២ឆ្នាំ ភេទប្រុស ជនជាតិចិនតៃវ៉ាន់ ។ពួកគេជាង១០នាក់មិនត្រូវបាននាំមកបង្ហាញខ្លួនទេ សមត្ថកិច្ចកំពុងស្នើសុំស្ថាប័នអយ្យការបើកការស៊ើបអង្កេតបន្ត ដើម្បីស្វែងរកចាប់ខ្លួនបក្ខពួកបន្ថែមទៀត។ពិធីនេះលោកនាយឧត្តមសេនីយ៍ ម៉ក់ ជីតូ បានមានប្រសាសន៍ថា កិច្ចប្រតិបត្តិការខាងលើនេះបានធ្វើឡើងចំនួន៣ គោលដៅ គឺគោលដៅទី១នៅលើផ្លូវជាតិលេខ៤ ជិតផ្លូវបំបែកស្រែអំបិល ស្រុកកំពង់សិលា ខេត្តព្រះសីហនុ ជាគោលដៅពួនស្ទាក់ចាប់រថយន្តរបស់ឈ្មួញដឹកគ្រឿងញៀន ដោយមានការផ្ទុះអាវុធស្លាប់ មេខ្លោងគ្រឿងញៀនម្នាក់ ។គោលដៅទី២គឺឆែកឆេរទីតាំងលួចលាក់កែច្នៃគ្រឿងញៀននៅក្នុងក្រុមហ៊ុន (ស៊ីន យិនហ្វេង ខេមបូឌា អុីនដាស់ស្ទ្រី ខូអិលធីឌី) ស្ថិតក្នុងភូមិដំបងវេញ ឃុំសង្កែសាទប ស្រុកឱរ៉ាល់ ខេត្តកំពង់ស្ពឺ ដោយមានការរឹបអូសគ្រឿងញៀនប្រភេទកេតាមីនជាង២តោន និងសារធាតុគីមីផ្សំចំនួន៨៤តោន ព្រមទាំងឧបករណ៍ផលិត គ្រឿងញៀនមួយចំនួនទៀត ។ គោលដៅទី៣ស្ថិតនៅផ្ទះលេខ ៤០R ផ្លូវR សង្កាត់ចោមចៅ៣ ខណ្ឌពោធិ៍សែនជ័យ រាជធានី ភ្នំពេញ ។កិច្ចប្រតិបត្តិការនោះធ្វើឡើងកាលពីយប់ថ្ងៃទី១១ ឈានចូលថ្ងៃទី១២ ខែឆ្នូ ឆ្នាំ២០២១ ដោយកម្លាំងមន្ទីរប្រឆាំងគ្រឿងញៀនបានសហការជាមួយនគរបាលរាជធានី/ខេត្តចំនួន៤ ភ្នំពេញ, កំពង់ស្ពឺ, កោះកុងនិងខេត្តព្រះសីហនុ ក្រោមការបញ្ជាផ្ទាល់ពីលោកនាយ ឧត្តមសេនីយ៍សន្តិបណ្ឌិត នេត សាវឿន អគ្គស្នងការនគរបាលជាតិ ។នាយឧត្តមសេនីយ៍ ម៉ក់ ជីតូ មានប្រសាសន៍ថា ប្រតិបត្តិការចុះបង្ក្រាបទីតាំងសិប្បកម្មផលិតគ្រឿងញៀននេះបានប្រើពេលវេលាបើកការស៊ើបអង្កេតអស់រយៈពេល៣ខែទើបឈានដល់ការបង្ក្រាបបានដោយជោគជ័យ ។លទ្ធផលសរុប៖ ចាប់ដកហូតគ្រឿងញៀន (កេតាមីន)បានចំនួន ២.២៣៧គីឡូក្រាម និងសារធាតុគីមីផ្សំ៨៤តោន ហើយមនុស្ស១០នាក់ បានអនុញ្ញាតឲ្យទៅលំនៅឋានវិញ ចំណែកមេខ្លោង៣នាក់ ដូចមានឈ្មោះខាងលើនេះ សមត្ថកិច្ចបានកសាងសំណុំរឿង បញ្ជូនទៅតុលាការ ៕
ព័ត៌មានគួរចាប់អារម្មណ៍
សម្ដេចមហាបវរធិបតីហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជាអញ្ជើញជាអធិបតីដ៏ខ្ពង់ខ្ពស់ក្នុងពិធីបិទសន្និបាតបូកសរុបលទ្ធផលការងារឆ្នាំ ២០២៣ និងលើកទិសដៅការងារឆ្នាំ ២០២៤របស់អាជ្ញាធរជាតិប្រយុទ្ធប្រឆាំងគ្រឿងញៀននិងផ្សព្វផ្សាយផែនការយុទ្ធនាការប្រយុទ្ធប្រឆាំងគ្រឿងញៀនខុសច្បាប់លើកទី៩ (រស្មីសៀមរាប)
តើយុត្តិធម៌មានសម្រាប់ប្រជាពលរដ្ឋទន់ខ្សោយ ស្លូតត្រង់ដែរឬទេ? ឬក៏មានសម្រាប់តែក្រុមបក្សពួកអ្នកមានអំណាចនិងមានលុយ? (រស្មីសៀមរាប)
ល្បែងស៊ីសងបញ្ចូលមាន់និងបៀរការ៉ាត់ជ្រកក្រោមស្លាកយីហោយៀក ថៃកំពុងបើកលេងយ៉ាងពេញបន្ទប់នៅក្នុងសង្កាត់ទន្លេបាសាក់មន្ត្រីមានសមត្ថកិច្ចក្នុងខណ្ឌចំការមន ហាក់សំងំស្ងៀមមិនមានការបង្ក្រាប ផ្គើននិងបទបញ្ជារបស់សម្ដេចតេជោហ៊ុន សែន សង្ស័យជាបានទទួលលាភសក្ការៈពីរដង្ខៅបនល្បែងស៊ីសងខុសច្បាប់នេះហើយមើលទៅ (ស្មីសៀមរាប 090567006)
ល្បែងស៊ីសងបញ្ចូល់មាន់និងបៀរការ៉ាត់ជ្រកក្រោមស្លាកយៀក ថៃ របស់ឈ្មោះ រតនា នៅសង្កាត់ទន្លេបាសាក់ខណ្ឌចំការមនបើកលេងយ៉ាងរលូន មន្រ្តីមានសមត្ថកិច្ចនៃអធិការដ្ឋាននគរបាលខណ្ឌចំការមនរក្សាភាពស្ងៀមស្ងាត់មិនធ្វើការបង្ក្រាប សង្ស័យជាត្រូវថ្នាំសណ្ដំហើយមើលទៅ! (ស្មីសៀមរាប 090567006)
វីដែអូ
ចំនួនអ្នកទស្សនា