ខេត្តសៀមរាប/មានសេចក្តីរាយការណ៍មកថាក្រុមហ៊ុនសាងសង់សំណង់មួយនៅភូមិវិហារចិនត្រូវបានបាក់ប្លង់សេ ប៉ុន្តែមិនមានការប៉ះពាល់ដល់អាយុជីវិតមនុស្សឡើយ ដំណឹងទើបទទួលបានថ្មីៗឱ្យដឹងថា មានការបាក់អគារសំណង់មួយផ្នែករបស់ក្រុមហ៊ុនមួយ នៅភូមិវិហារចិន សង្កាត់ស្វាយដង្គំ ក្រុងសៀមរាប។ប៉ុន្តែព័ត៌មាននេះមិនបានគេផ្យព្វផ្សាយទេ។ឧប្បត្តិហេតុនេះ មិនបានបង្កឱ្យមានគ្រោះថ្នាក់ដល់អាយុជីវិតមនុស្សទេ។

ប្រភពបញ្ជាក់ថា ការបាក់ផ្នែកខ្លះនៃអគារកំពុងសាងសង់នេះបានកើតឡើងកាលពីរសៀល ថ្ងៃអាទិត្យថ្ងៃទី ៨ ខែសីហា កន្លងទៅ ដែលបណ្តាលឲ្យកម្មកររងរបួសមួយចំនួន តែមិនប៉ះពាល់ដល់ជីវិតទេ។

ប្រភពពលរដ្ឋរស់នៅទីនោះប្រាប់ថា មូលហេតុដែលបណ្តាលឲ្យបាក់ មកពីបញ្ហាបច្ចេកទេសស (បាក់ឈើជន្ទល’) ។សំណង់ដែលបាក់នោះក្រោមទំហំប្រវែងក្រោម១០ម៉ែត្រក្នុងចំណោមសំណង់ទាំងមូលរបស់ក្រុមហ៊ុនសំណង់មួយកំពុងសាងសង់ឈ្មោះRose Apple Squareស្ថិតនៅភូមិ វិហារចិន សង្កាត់ស្វាយដង្គំ ក្រុងសៀមរាប។

មហាជនបានរិះគន់ចំៗទៅលើក្រុមហ៊ុនសាងសង់សំណង់អាគារមួយនេះ ក៏ដូចជាអាជ្ញាធរមន្ត្រីពាក់ព័ន្ធ មន្ទីរដែនដីនគររូបនីយកម្មនិងសំណង់ នេះថា មានការធ្វេសប្រហែសក្នុងការត្រួតពិនិត្យការងារតាមលក្ខណៈបច្ចេកទេស នេះសំណាងហើយដែលមិនបង្កឲ្យមានការស្លាប់បាត់បង់ជីវិតក្នុងហេតុការណ៍នោះ ប្រភពជាច្រើនទៀតបានលើកឡើងថាចំពោះសំណង់ធំៗបែបនេះគួរតែមានមន្ត្រីជំនាញមកត្រួតពិនិត្យអោយបានច្បាស់លាស់មុននឹងសាងសង់បន្ត ដូច្នេះសូមអោយមន្ត្រីជំនាញក្នុងខេត្តសៀមរាបសូមមេត្តាយកចិត្តទុក្ខដាក់នឹងពិនិត្យយ៉ាងម៉ឺងម៉ាត់ចំពោះសំណង់អាគារធំៗទាំងនេះផង៕
ផ្សាយចេញថ្ងៃទី 10 សីហា 2021