រថយន្តកាមរី ជ្រុលចង្កូតបុកម៉ូតូពេទ្យសត្វម្នាក់បណ្ដាលឲ្យស្លាប់នៅនឹងកន្លែងនិងរងរបួសធ្ងន់ស្រាល 4 នាក់ផ្សេងទៀត
(តាកែវ)៖ រថយន្តកាមរីបានបើកលឿនវ៉ាជែងជ្រុលទៅបុកម៉ូតូមកពីមុខបណ្តាលឱ្យបុរសជាពេទ្យសត្វម្នាក់បានស្លាប់ដាច់ក្បាលចេញពីខ្លួននិងរបួសធ្ងន់ស្រាល៤នាក់។
គ្រោះថ្នាក់ចរចរណ៍ដ៏រន្ធត់នេះបានកើតឡើងនៅតាមផ្លូវជាតិលេខ២ក្នុងក្នុងភូមិជួស ឃុំជីខ្មារ ស្រុកទ្រាំង ខេត្តតាកែវកាលពីរសៀល ថ្ងៃទី១ ខែសីហា ឆ្នាំ២០២១។ជនរងគ្រោះមានឈ្មោះ អ៊ូច ធា ភេទប្រុស អាយុ៥៤ឆ្នាំជាគ្រូពេទ្យសត្វ រស់នៅភូមិ ឃុំខាងលើ ។ចំណែកអ្នកបើកបររថយន្ត រួមនិងប្រពន្ធ ពុំស្គាល់អត្តសញ្ញាណ ដោយសារតែ រងរបួសធ្ងន់ធ្ងរ ។
ក្រោយកើតហេតុ ជនរងគ្រោះត្រូវបានបញ្ជូនទៅសង្គ្រោះនៅមន្ទីរពេទ្យ ហើយសមត្ថកិច្ច ចុះទៅពិនិត្យ វាស់វែង ធ្វើកំណត់ហេតុយកមធ្យោបាយទាំង២ទៅរក្សាទុកនៅអធិការដ្ឋាន នគរបាលស្រុក។ចំណែកសពជនរងគ្រោះត្រូវបានប្រគល់ជូនក្រុមគ្រួសារចាត់ចែង ធ្វើ បុណ្យ ៕
